Efesios 3

1Tsaymi noqa Pablo, Jesucristupa alli willakuyninta qamkunata y wakin mana Israel runakunatapis willakunqäpita prësu wichqaraykar...#3.1 Kay yarpayta apóstol Pablo versïculu 14-chörämi ushan.

Mana Israel runakunatapis willakunanpä Pabluta churanqan

2Tayta Dios kuyakuq karmi churamashqa qamkunaman y wakin mana Israel runakunamanpis alli willakuyninta apanäpä.#Col. 1.25. Tsay willakuytaqa musyayankinam. 3Alli willakuyninta mana musyashqa kayaptinpis Tayta Diosmi tantiyatsimashqa tsay willakuy ima kanqanta.#Gál. 1.12. Tsaynö tantiyatsimanqantam kay cartachö willaykä.

4Kay cartata liyirmi tantiyayanki Jesucristupa willakuyninta willanqäta. 5Tsay alli willakuytaqa manam unay runakuna musyayarqantsu. Kananrämi santu apostolkunata y profëtakunatapis Espíritu Santu tantiyatsiyämashqa. 6Tsay willakuymi nin: Tayta Diospa alli willakuyninta chaskirmi mana Israel runakunapis salvacionta tariyanqa. Tsaymi Israel runakunata Tayta Dios awninqankunata mana Israel kaqkunapis chaskiyanqa. Tsaynöpam llapantsikpis tsay castanöllana kaykantsik.#Col. 1.26-27. 7Tsay alli willakuyninta willakunäpämi Tayta Dios kuyakuq kar poderninwan churamashqa.

8Tayta Diosman llapan yärakuqkunapitapis mënuslla kaykaptïmi#1Cor. 15.9. Tayta Dios kuyamar churamashqa Jesucristupa alli willakuyninta mana Israel runakunaman chätsinäpä. Tsay alli willakuymanqa manam ima riquëzapis iwalantsu. 9Unaypita mana musyayanqan willakuyta pïmaytapis willanäpämi llapantapis kamaq Tayta Dios churamashqa.

10Tsaynöpam Jesucristuman criyikuqkuna salvakuyaptin supaykunapis y ciëluchö kaykaq llapan angelkunapis tantiyayan Tayta Dios shumaq yachaq kanqanta. 11Tsaynö tantiyayänanpämi Tayta Dios unaypita dispönirqan. Tsay dispöninqanqa cumplishqanam Señornintsik Jesucristo noqantsik raykur wanunqanpita. 12Tsaymi Jesucristuman yärakur Tayta Diosta mana mantsapaypana mañakuntsik.

13Jesucristo salvamanqantsikta musyaykarqa mana Israel runakuna raykur prësu wichqaraptïpis ama llakikuyaytsu. Llakikuyänaykipa rantin salvakuyänaykipä willanqäpita kushikuyay.

Jesucristo pasaypa kuyamanqantsik

14Tsaymi qonquriykur [Señornintsik Jesucristupa] Papänin Tayta Diosta mañakü. 15Paymi kamashqa ciëluchö kaqkunata y kay patsachö kaqkunatapis. 16Paytam mañakü gloriachö riquëzankuna kanqanman Espïritunwan poderta qarayäshunaykipä. 17Tsaynöllam mañakü shumaq criyikuyaptiki Jesucristo shonquykikunachö tänanpä. Tsaynöpam alli matsükushqa qerunö y alli cimientushqa wayinö kar paypa kuyakuyninchö kawayanki.

18Kuyakuyninchö kawarmi llapan yärakuq mayintsikkunawan tantiyakuyanki Jesucristo pasaypa kuyamanqantsikta. Pay kuyakuq kanqanqa pasaypa anchu, largu, altu y jondum. 19Tsaymi Tayta Diosta mañakü kuyakuyninta tantiyatsiyäshunaykipä. Tsaynöpam Tayta Dios qamkunachö kar pay munanqannö kawayänaykipä imaypis yanapashunki.

20¡Tayta Diosta alabaykulläshun! ¡Pasaypa poderyuq karmi mañakunqantsikpita y yarpanqantsikpitapis masrä yanapamantsik! 21¡Iglesian kanantsikpä Jesucristo salvamanqantsikpita llapantsik mana ajayaypa imaypis alabaykulläshun! Amén.

Currently Selected:

Efesios 3: qxo

Highlight

Copy