Efesios 4

Juk shonqulla kawanantsikpä ninqan

1Tsaynö kaykaptinqa Jesucristupa willakuyninta willakunqäpita prësu wichqararpis qamkunatam rugä Tayta Dios munanqannö imaypis kawayänaykipä. Tsaynö kawayänaykipämi Tayta Dios qayayäshurquyki.

2Mana yachaq tukur kawayay, pïmaypäpis alli shonqu kayay y kuyanakur pacienciakuyay.#Col. 3.12-13. 3Espíritu Santu yanapayäshunqaykinölla criyikuq mayikikunawan juk shonqulla alli kawayay.

4Jesucristuman yärakuq kaqmi llapantsik juk cuerpulla kantsik.

Jukllayllam Espíritu Santu.

Juk salvacionllata chaskinantsikpämi Tayta Dios qayamarquntsik.

5Jukllayllam Señornintsik.

Jukllayllam yärakuynintsik.

Jukllayllam bautismu.

6Jukllayllam Tayta Dios.

Paymi llapantsikpa Papänintsik,

llapantsiktam poderninchö tsararaykämantsik,

llapantsiktam yanapaykämantsik

y llapantsikwanmi kaykan.

7Juk cuerpulla kashqapis cada ünuntsiktam Jesucristo kuyakuq kar payta sirvinantsikpä churamarquntsik. 8Tsaymi Tayta Diospa palabranchö nin:

<<Contrankunata vinciskirmi junishpa witsarqan.

Tsaypitanam runakunata yanapamurqan#Efe. 4.11.>>.#Sal. 68.18.

9Junishpa witsanqanta niptinmi tantiyantsik Jesucristo kay patsaman shamunqanta. 10Kay patsaman urämurmi ciëlumanna kutishqa. Llapanpä poderyuq karmi llapantapis makinchö tsararan.

11Paymi wakinta churashqa apóstol kayänanpä, wakinta profëta kayänanpä, wakinta alli willakuyninta willakuyänanpä y wakintana mitsikuqnö cuidar yachatsikuq kayänanpä. 12Paykunatam Jesucristo churashqa criyikuq mayinkunata parlapar yachatsiyänanpä. Tsaynö yachatsiyaptinmi alistakushqa kaykäyanqa Tayta Dios munanqanta rurar Jesucristupa cuerpun iglesiata#4.12 Jesucristupa cuerpunpä parlarqa payman yärakuqkunapämi parlan (1Cor. 12.13; Efe. 1.23; 4.16; 5.23, 30; Col. 1.18). llapanchöpis yanapayänanpä. 13Tsaynö kaptinqa llapantsik juk shonqulla kar y Tayta Diospa Tsurinman yärakur Jesucristo kawanqannö noqantsikpis kawashun.

14Tsaynö kawarqa manam pishi wamranönatsu kashun pipis mana allikunata yachatsikur criyitsimänantsikpä. Tsaynöllam päjata vientu wakman kayman apanqannönatsu kashun. 15Tsaypa rantinqa juknintsik juknintsikpis kuyanakur rasun kaqta imaypis parlashun. Tsaynöpam Jesucristo kawanqannö noqantsikpis kawashun.

Jesucristo umantsik kaptin 16y noqantsik cuerpun kashqam juknintsik juknintsik yanapanakunantsikpä churamantsik. Tsaymi moquntsikkuna tsaränakunqannö yanapanakur#Col. 2.19. kuyanakunapä tantiyakushun.

Mushuq kawayta chaskinqantsik

17Tsaynö kaptinmi Señor Jesucristupa apostolnin kar qamkunata yätsï Tayta Diosta mana cäsuq runakunanö mana kayänaykipä. Paykunaqa upa yarpayninchömi 18manakaqkunata yarpachakur kaykäyan. Juiciuynaq y chukru shonqu karmi Tayta Dios munanqannötsu kawayan. 19Paykunaqa shonqunkuna munanqanta rurarmi penqakuyninkunapis kantsu. Jukwan jukwan kakurmi imayka melanaypä jutsata rurayan.#Rom. 1.21-25.

20Qamkunaqa manam tsaynö kawayänaykipätsu Jesucristupa willakuyninta yachakuyarquyki. 21Jesucristupa alli willakuyninta rasunpa chaskikushqa kaykarqa y pay munanqannö kawayänaykipä yachakuykarqa 22ñöpata kawayanqaykinö amana kawayaynatsu, sinöqa makwa röpata jitariqnö unay kawayanqaykita jaqiyay.#Col. 3.9. Ñöpataqa allita rurayanqaykita yarparmi shonquykikuna munanqannö llutankunata rurayarquyki. 23Kananqa Espíritu Santu tantiyatsiyäshunqaykinölla kawayay. 24Tayta Dios kanqannö qamkunapis kayänaykipämi mushuq kamanqan runana kayanki. Tsaynö kaykarqa Tayta Dios munanqannö jutsaynaq kawayänaykipä mushuq kawaytana kawayay.#Col. 3.10.

25Ama llullapänakuyaytsu.#Zac. 8.16. Llapaykipis juk castanölla kaykarqa#Rom. 12.5. rasun kaqllata parlayay.

26Rabyakurpis jutsata ama rurayaytsu.#Sal. 4.4; Stg. 1.19-20. Ama qoyayninpaqa rabyashqa kayaytsu. 27Rabyashqalla karqa shonquykikunatam diabluta kichapaykäyanki.

28Ñöpata suwakushqa karqa amana suwakuyaynatsu. Suwakuyänaykipa rantinqa aruyay. Tsaynöpam imallaykikunapis kanqa muchuqkunata yanapayänaykipä.

29Ama imatapis llutankunata parlayaytsu. Tsaypa rantinqa runa mayikita valuratsiyänaykipä alli kaqkunallata parlayay.

30Llutankunata rurar Espíritu Santuta ama llakikatsiyaytsu. Paymi shonquykikunata sëllayäshurquyki#2Cor. 1.22; Efe. 1.13. Jesucristo kutimunan junaq salvashqa kayänaykipä.

31Ama pitapis ajapäyaytsu, rabyapäyaytsu ni qayapäyaytsu. Ama pipa wasantapis rimayaytsu ni manakaqkunata parlayaytsu. 32Tsaynö kawayänaykipa rantinqa jukniki juknikipis kuyanakur kawayay. Jesucristo wanunqanpita Tayta Dios perdonayäshunqaykinölla perdonanakuyay.#Col. 3.13.

Currently Selected:

Efesios 4: qxo

Highlight

Copy