YOHANES 17
17
I Yesus nukalá·Šiomaneng u manga tumatuhu-E
1Bou nangul᷊i kere'e, I Yesus nurumal᷊ingara sarang l᷊angi dang nangul᷊i, “I Yamang, i'i seng nurating u temponge. Pakawantughiko Ahusu, tadeau Ahusu mang l᷊ai mupakawantughi I Yamang. 2I Yamang seng nunggil᷊e u kawasa watu'u kaul᷊iu taumata su Ahus-E, tadeau I Sie mangonggo u puwawiahi kahingang dang kakal su apang taumata ko nionggo I Yamang si Sie. 3Ko i puwawiahe kahingang dang kakal; tadeau taumata matitong I Yamang, ko Mawu Ruata tingari mang kitang simbau, dang makakiral᷊a si Yesus Kristus ko niroi I Yamang. 4Ia seng nupakawantughi I Yamang su wawo u dunia i'i ko seng nungganapi hal᷊i ko nisarakang I Yamang si Sia. 5Yamang! Pakawantughi ko Ia su orasi i'i si Yamang, dingang u kawawantughi ko Daku taghuaneng dingang I Yamang suhoro u dunia niriadi.
6Ia seng nupakatitong I Yamang su kaulá·Šiu taumata su dunia i'i ko seng nisarakang I Yamang si Sia. I sire ko koa I Yamang, dang Yamang seng nanarakang i sire si Sia. I sire seng nutumuhu didato-Ngi Yamang. 7Ii i sire seng natitong himoneu kaulá·Ši ko nisarakang I Yamang si Sia asalá·Še bou I Yamang. 8Seng mbua Daku niulá·Ši si sire, didato ko nihabar I Yamang si Sia; dang i sire seng nanarima u e'e. I sire matitong himoneu Ia ko mang tingari nusumongo bou I Yamang dang i sire nangimang himoneu I Yamang seng nundoi u Ia.
9Ia nukal᷊iomaneng guna ngi sire. Ia ta mukal᷊iomaneng guna ngu dunia kateho guna ngu apang taumata ko seng nisarakang I Yamang si Sia, watu'u i sire koa I Yamang. 10Kaul᷊iu koa-Ku e'e ko koa I Yamang l᷊ai; dang kaul᷊iu koa I Yamang e'e ko koa-Ku l᷊ai. Ia nipakawantughi su tal᷊oara i sire. 11Orasi i'i Ia sumongo sarang koa I Yamang. Ia seng ta matana l᷊ai su dunia; kateho i sire ene su dunia. I Yamang ko susi! Diagateko i sire dingang u kawasangu areng I Yamang, areng ko seng ninggil᷊e I Yamang si Sia#17:11: Diagateko i sire … seng ninggil᷊e I Yamang si Sia: pirambau wohe horo: Dingangu kawasa areng I Yamang, diagate i sire ko seng nionggo si Yamang si Kau. – tadeau i sire ma simbau, musul᷊ung I Yamang dingang u Ia l᷊ai mang simbau. 12#Mzm. 41:10; Yoh. 13:18Su tempo ngu Ia mborong dingang i sire, Ia seng mundiaga si sire dingang u kawasangu areng I Yamang – areng ko ninggil᷊e I Yamang si Sia.#17:12: Ia seng … I Yamang nangonggo si Sia: pirambau wohe horo: Dingangu kawasa areng I Yamang, Ia seng nundiaga si sire ko nionggo I Yamang si Sia. Ia seng mundiaga si sire dang takoae sarang singkatau bou i sire nail᷊ang, sul᷊ikuri sie ko mang seng hinonge mail᷊ang; tadeau dingang u e'e naganapi apang ko kawawohe su Buki Susi. 13Orasi i'i Ia musumongo sarang koa I Yamang. Kaul᷊ie i'i Daku iul᷊i pariwe Ia mborong ene su dunia; tadeau i sire makatemang mapia-pia bou ral᷊uasi-Ku. 14Ia seng nangul᷊i si sire didatong I Yamang, dang dunia mubinsi i sire, watu'u i sire wal᷊inge koa u dunia, musul᷊ung u Ia l᷊ai wal᷊inge koa u dunia. 15Ia ta mundo tadeau I Yamang pangal᷊a si sire bou dunia i'i, kateho Ia mundo tadeau I Yamang mundiaga si sire bou ko Dal᷊ai. 16Musul᷊ungu Ia wal᷊inge koa u dunia, i sire l᷊ai wal᷊inge koa u dunia. 17Hae ko i sire makoa koa I Yamang su l᷊al᷊ung u kabanarang; didatong I Yamang e'e ko kabanarang. 18Kere I Yamang seng nundoi u Ia sarang dunia, kere e l᷊ai Ia nundoi i sire sarang dunia. 19Guna ngi sire, Ia manarakang u watangeng-Ku kere ko seng koa I Yamang sisane, tadeau i sire l᷊ai mahae makoa koa I Yamang su l᷊al᷊ung u kabanarang.
20Walá·Šinge kitang guna ngi sire i'i Ia mukalá·Šiomaneng. Ia lá·Šai mang mukalá·Šiomaneng guna ngu kaulá·Šiu taumata ko sarung mangimang si Sia bou kasaksiang i sire i'i. 21Ia mukahioro, si Yamang, tadeau i sire kaulá·Šie makoa simbau, kere I Yamang nasimbau dingang-Ku, dang Ia dingang I Yamang. Malá·Šumbako i sire makoa simbau dingang i Kite tadeau dunia mangimang himoneu ko I Yamang nundoi u Ia. 22Ia seng mangonggo si sire kawawantughi ko nionggo I Yamang si Sia, tadeau i sire masimbau, musulá·Šung i Kite lá·Šai simbau; 23Ia dingang i sire, dang I Yamang dingang u Ia; tadeau i sire tinga-tingari masimbau. Kute dunia sarung matitong himoneu I Yamang nundoi Ia, dang himoneu I Yamang kumindaghi i sire musulá·Šung I Yamang kumindaghiu Ia.
24I Yamang, Ia mo tadeau i sire, ko nisarakang I Yamang si Sia, mang ene dingang-Ku sutampa Ia ene, tadeau i sire makawua kawawantughi-Ku; kawawantughi ko ninggil᷊e I Yamang si Sia, watu'u I Yamang kumindaghi u Ia suhoro u dunia niriadi. 25I Yamang ko maadili! Dunia ko ta nakakiral᷊a si Yamang, arawe Ia makakiral᷊a I Yamang; dang apang taumata i'i matitong himoneu I Yamang nundoi u Ia. 26Ia seng nupakal᷊ahe areng I Yamang si sire, dang Ia sarung turusi mukoa kere'e, tadeau kakindaghi I Yamang si Sia matatapi su l᷊al᷊ungu naungi sire dang Ia masimbau dingang i sire.”
Currently Selected:
YOHANES 17: LAISXN
Highlight
Share
Copy
Want to have your highlights saved across all your devices? Sign up or sign in
2014 Indonesian Bible Society (Lembaga Alkitab Indonesia)
