ZAKHARIA 13
13
1 Mawu Kụ Limembong Kawasa e něhengetang, ”Su ěllo ene sarung mẹ̌giasẹ̌ matang akẹ sěmbaụ baugu mapakasusing hěnton Daud dingangu tumanạu Yerusalem bọu rosa ringangu pěnaněmba mahan duata kụ seng nịkakoạ i sire e. 2Su ěllo ene sarung Takụ ěmukang arengu manga mahan duata wọu ěntana ini, hakịu tawẹ u sarang sěngkatau kụ bědang mẹ̌tahěndung ene. Kěbị taumata kụ měngaku watangenge nabi sarung Takụ tokol᷊ang dingang i sire kụ kinasuěkangu rohkẹ̌ u akal᷊ẹ̌. 3Kụ kamagengu wědang piạ taumata kụ mẹ̌berau i sie měhabaru tatumbal᷊ung, i amang dingangu i ninange hala e sarung maul᷊ịu ene si sie u i sie e harusẹ̌ ihukungu papate, watụ u apan niwerane e kai konti. Kereu i sie e tatapẹ̌be měngaku watangenge kere lai nabi, i sie sarung těkateng sarang mate kahiang i amang dingangi ninange hala e.
4Su ěllo ene, manga nabi sarung makapěndang mamea waugu mẹ̌kakanoạ kere sěngkatau nabi. I sire tawe mẹ̌pakẹ u pakeangu nabi waugu měngakal᷊ẹ̌ dingangu lumesạ u apaʼm papasilone. 5Su sěmběkane, i sire e sarung mẹ̌berạu, ’Iạ e wal᷊inẹbe nabi. Iạ e tumbạeng sěngkatau mělahěnsinuang kụ mělẹ̌hal᷊ẹ̌ su rahami e kananduʼm biahẹ̌.’ 6Kụ kamagengu taumata e makiwal᷊o si sie, ’Kai lesẹ u apa su sěbạ u e?’, i sie sarung sumimbangu, ’Iạ e nal᷊esẹ su wal᷊eng hapịku.’ ”
Parenta waugu pěmẹ̌mate měndal᷊ukadẹ̌ kụ nirolohu Ruata
7 #
Mat. 26:31; Mrk. 14:27 Mawu Kụ Limembong Kawasa e nẹ̌bera, ”Pẹ̌bangungko, ei peda ringangu seketẹ e měndal᷊ukadẹ̌#13:7: Lukadẹ̌: Kakělla pasalẹ̌ 11:4. kụ měmẹ̌munara waugu Iạ e! Patẹ e i sie, tangú manga domba e sarung měmpẹ̌kal᷊iaesẹ̌. Iạ e sarung měnekẹ umatẹ̌-Ku, 8ringangu su kạguwạu wanua e duang katahạtěllung kapahiakenge wọu kěbị tumanạ e sarung měngkawihua. 9Tumbạeweng sěngkatahạtěllung kapahiakenge masal᷊amatẹ̌. Kụ i sire ene e sarung Takụ ipakasusi kere sal᷊aka kụ pinakasahị u putung. I sire e sarung Takụ banikateng kere taumata měmanikạ bul᷊aeng. Bọu e i sire e sarung mẹ̌kal᷊iomaneng si Siạ, dingangu Iạ e sarung sumimbang si sire. Iạ e sarung mẹ̌bera si sire u i sire e kai umatẹ̌-Ku, ringangu i sire e mal᷊aing sarung měngaku u Iạ e kai Mawu Ruatan sire.”
Currently Selected:
ZAKHARIA 13: SXN
Highlight
Share
Copy
Want to have your highlights saved across all your devices? Sign up or sign in
