NAHUM 1
1
1 #
Yes. 10:5-34, 14:24-27; Zep. 2:13-15 Seng ini e tatumbal᷊ung u Ruata e mạanung Niniwe. Tatumbal᷊ung ene nilahẹ su papasilo kụ nionggọ si Nahum, sěngkatau nabi kụ asal᷊e wọu Elkos.
Dal᷊angehu Mawu waugu Niniwe
2 Mawu Ruata e mạdiri piạ u měngal᷊ung,
taumata kụ dumokạ si Sie, nal᷊ahẹ u makahombang hukumang.
Dingangu ral᷊angehẹ̌ marasai,
i Sie měmal᷊isẹ̌ une si sire.
3Mamben těngadẹ̌ Mawu e, tawe lighạ mẹ̌pědu;
kaiso i Sie lai limembong kawasa
hakịu i saing mẹ̌koạ pẹ̌sasal᷊a
tawe sarung ipakal᷊iwirʼE wọu hukumang.
Su apang Mawu e rimal᷊eng, sene suměpụ suwu-suwu;
su tampạ kaěnsakengu laedʼE, sene awul᷊ẹ̌ e mariadi winawa
4I Sie měmatakụ laudẹ̌ dingangu mapakamara,
kal᷊awọu sal᷊ụ e ipakariadi-Ne akene mal᷊ẹ̌sa.
Wul᷊udu Karmel dingangu manga wimbaenge su Basan mariadi mẹ̌kělisẹ̌,
dingangu su Libanon malolangke kal᷊awọu manga bungang.
5Manga wul᷊ude měmpahunggěgilẹ̌ su těngo-Ne;
ringangu wongkone matuno kěbị.
Kereu Mawu e suměpụ, dunia e ghuměgilẹ̌,
dunia ringangu kěbị tumanạ e mahunggěgilẹ̌.
6I sai makararagẹ̌ kamagengu Mawu e lumangehẹ̌?
Tawẹ apa kụ mal᷊iwirẹ̌ bọu ral᷊angehʼE?
I Sie mapakawěseng dal᷊angehʼE kụ dụděllị,
batu e mạl᷊ahěmpung kụ makoạ awul᷊ẹ̌ su těngo-Ne.
7 Mawu e mapia, i Sie mạněntanudẹ̌ umatʼE piạ i sire e masusa,
i Sie mẹ̌děndiagạ taumata kụ mẹ̌sẹ̌sirung si Sie.
8Mẹ̌sul᷊ungu lěba masaria kụ dimal᷊eng,
nipakawihua-Ne kal᷊awọu sědụʼE.#1:8: Piram baụ tungkangu nạung: manga sědụʼE; Ibrani: tampạe.
I sire apaʼm bahani rimokạ si Sie e
nipahesʼE ringangu papate sarang nawihua.
9Waewe lai karaki apa sarung koatengu rumokạ Mawu,
nal᷊ahẹ u sarung mẹ̌sombangu karal᷊uka.
I Sie tawe měmal᷊isẹ̌ uneʼE#1:9: Tungkangu nạung sěmbaụ: měmal᷊isẹ̌ uneʼE; Ibrani: nẹ̌bangung.
hakịu sarang duaʼn sul᷊e makoạ sarang anuʼm manga sědụʼE.#1:9: Tungkangu nạung sěmbaụ: manga sědụʼE; Ibrani: sunsara.
10I kau e sarung tutungang kere rahami kụ mamara,
kere gahundunge masumpinị kụ mẹ̌pẹ̌papanganang.#1:10: Su ral᷊ungu winohẹ u Ibrani ayetẹ̌ kapul᷊one tawe nal᷊ahẹ.
11Bọu anunu e, ei Niniwe, seng siměpụ sěngkatau kụ napenẹu karakine ral᷊akisẹ̌. I sie něhingidu karakine rumokạ Mawu. 12Tangú angkuěngu Mawu e su Israel, umatʼE, ”Manilaing tau Asyurẹ̌ ene matoghasẹ̌ dingangu mal᷊awọ dekenange, kaiso i sire e sarung ipakagholọ bọu e mapuạ. Ei wansa-Ku, Iạ e seng napakariading kamene e nasunsara, arawe Iạ e tawe lai mẹ̌koạ ene. 13Ini e sarung Takụ ěnsueěng kawasang Asyur waugʼi kamene, ringangu Takụ běsukang hante kụ měngikị si kamene.”
14Seng ini e putusangu Mawu e mạanun tau Asyur, ”I sire e tawe sarung piạ hěntone waugu mapakatěpasu wansane. Manga tul᷊adang awẹ kụ ene su ral᷊ungu manga pangkunangu mahan duatan sire e, sarung Takụ gagholokang. Lěbing baugu tau Asyur, karạ-Ku e seng kạdiahine, batụu i sire e tawe hinone mẹ̌biahẹ̌!”
15 #
Yes. 52:7
Kakěllạ e, sěngkatau rarolohang diměnta limiung manga wul᷊ude, mẹ̌bẹ̌bawa wal᷊o mapia, wal᷊ong kal᷊auntu. Ei tau Yehuda, bantugeko ěllonu gẹ̌guwạ e ringangu waehẹ̌ko riandinu e su Mawu Ruata. Banuanu e tawe lai sarung ipẹ̌tahuěllang i ral᷊akisẹ̌. I sire e seng nịgagholọ marasai.
Currently Selected:
NAHUM 1: SXN
Highlight
Share
Copy
Want to have your highlights saved across all your devices? Sign up or sign in
