MIKHA 5
5
Duata e nẹ̌kědong sěngkatau mangangawasa wọu Betlehem
1 Mawu e něhengetang, ”Ei Betlehem Efrata, i kau e sěmbaụ bọu soa kakạdodokange su Yehuda! Kaiso wọu anunu e sarung Takụ pẹ̌tikang sěngkatau mangangawasa waugu Israel kụ asal᷊e wọu nạung dokeng-dokeng.”
2 #
Mat. 2:6; Yoh. 7:42 Kụ, Mawu e sarung mapakawalang umatʼE pẹ̌kawasang u manga sekẹ i sire sarang bawine kụ seng nitantu waugu makoạ i ninang mangangawasa ene e seng němantelʼi Sie. Bọu ene taumata apang bansa sěmbaụ dingange kụ ene pinamembangeng e sarung ipakasěmbaụ kapia ringangu wansan sire. 3Kereu měngangawasa ene e riměnta, i Sie sarung mẹ̌parenta umatʼE ringangu katoghasẹ̌ ore lai kawasa wọu Mawu Ruata sẹ̌sane. UmatʼE sarung mẹ̌biahẹ̌ dingangu mal᷊enehẹ̌, ual᷊ingu patikụ taumata su kạguwạu dunia e sarung měngakung kasěllahʼE, 4-5ringangu i Sie sarung mangonggọu pẹ̌darame.
Karal᷊iwirẹ̌ dingangu pělahukung
Kereu sordadong Asyur něngalo wanuang kitẹ dingangu něněnehẹ̌ wal᷊oarị i kitẹ, i kitẹ sarung mapasěbangu manga těmbonang i kitẹ katatoghasenge waugu ipěnekẹ si sire. Manga těmbonang i kitẹ ene e sarung měmatạ Asyur dingangu katoghasu aghidẹ̌, dingangu mapakasal᷊amatʼi kitẹ e wọu l᷊iman sire.
6 #
Pěnd. 10:8-11
Tau Israel kụ bědang nal᷊ěmbe e sarung makoạ kere namuhẹ̌ maral᷊ěnding bọu Mawu e waugu kal᷊awọu wansa, ringangu mẹ̌sul᷊ungu karararasehu tahiti su sasuang. I sire sarung mangunsarehẹ̌ su Mawu Ruata e kụ bal᷊inewe kawe su taumata. 7Tau Israel kụ bědang mạtanạ sutal᷊oarang manga wansa e sarung kere singa sutal᷊oarang manga binatang su kěhu arau sutal᷊oarang komol᷊angu domba su wurasu rěmpugẹ̌. Singa ene simuẹ̌ sutal᷊oarang manga komol᷊angu domba ene apidu kapẹ̌nẹ̌nahidane ringangu kapẹ̌gěnggaghonaị e; tawẹ apa kụ deng makapěliung manga domba ene. 8Israelẹ̌ e sarung mamatạ manga sědụe ore měnggagholọ si sire kěbị.
9 Mawu e něhengetang, ”Su tempo ene Iạ e sarung mapakaupung kal᷊awọu kawal᷊onu ringangu mapakaghoghahu manga karetan sekẹu. 10Kal᷊awọu soa piạ bal᷊oarị e su wanuanu e sarung Takụ gagholangeng, dingangu kal᷊awọu wal᷊oarịu Takụ ipakatěnehẹ̌. 11Kal᷊awọu jimatu e sarung Takụ apakapuạ dingangu kal᷊awọu tahatariangu e Takụ pakasue pěmeho. 12Iạ e sarung měnggagholọ kal᷊awọu tul᷊adanu ringangu manga rihi watu piạ kěramatẹ̌ tataghuanengu; i kamene semben tawe wotonge lai měněmba manga apal᷊iwụ koạ u l᷊imang kamene hala e. 13Kal᷊awọu rihi watuʼng mahang duata wawine i Asyera su wanuang kamene e Takụ sarung goghaheng, dingangu manga soang kamene piạ bal᷊oarị e sarung Takụ goghaheng. 14Su ral᷊ungu ral᷊angehẹ̌-Ku lụlibutu e Iạ sarung mamal᷊isẹ̌ karal᷊akisu patikụ bansa kụ tawe tumatuhụ si Siạ e.”
Currently Selected:
MIKHA 5: SXN
Highlight
Share
Copy
Want to have your highlights saved across all your devices? Sign up or sign in
