MIKHA 4

Mawu e mẹ̌pẹ̌parenta dunia ringangu pẹ̌darame

(Yes. 2:2-4)

1Su apạeweng ěllo ramahi kạděntane

wongkone, tampạ u Wal᷊em Mawu,

sarung dumarisị matei, měmal᷊iung karangẹ e

wọu manga wul᷊ude ringangu manga wongkone.

Kal᷊awọu manga wansa e měmpẹ̌gẹ̌gihingang tamai kerene

2i sire kěbị e sarung mẹ̌bera,

”Bọete i kitẹ sumaka sol᷊ong bongkong Mawu#4:2: bongkong Mawu: Wongkon Sion (kakělla kamusẹ̌).

sol᷊ong Bal᷊eng Duatang Israel!

I Sie sarung měněntiro si kitẹ

apa hinong koateng i kitẹ.

I kitẹ sarung tumol᷊e ral᷊engʼE

u ral᷊eng u Mawu e rarěntane kai wọu Yerusalem;

bọu Sion i Sie mẹ̌bẹ̌bera su manga umatʼE.”

3 # Yes. 2:4; Yl. 3:10 Mawu e sarung měmutusu pěrkara

sutal᷊oarang manga wansa,

sutal᷊oarang něgara matatoghasẹ̌,

marau arau lai marani.

I sire sarung měmpaněsal᷊ẹ̌ manga pedan sire koateng bajakẹ̌

dingangu manga wěngkon sire makoạ pisọ laambesẹ̌.

Manga wansa e sen tawe měngkai mẹ̌sẹ̌sekẹ

tawe lai měngkai mẹ̌dẹ̌dariahi mẹ̌sekẹ.

4 # Za. 3:10 Apan taumata e sarung mẹ̌biahẹ̌ mal᷊enehẹ̌ dingangu masorogạ

sutal᷊oarang baelu anggorẹ̌ e ringangu waelu arane;

tawẹ u sarung měmpamatakụ si sie;

kụ seng ene e rianding Mawu Limembong Kawasa.

5Apạewem bansa su wowon dunia e

mạněmba ringangu matuhụ su mahang duatane hala.

Arawe i kitẹ e sarung matuhụ su Mawu Ruatang kitẹ e

ringangu maněmba si Sie waugu sarang marěngụ-děngụ.

Israel sarung mẹ̌sul᷊e wọu pěmamembangeng

6 Mawu e něhengetang, ”Sarung marěnta tempone Iạ měnampungu apan taumata kụ Takụ ihukung, kụ kai i sire kụ apang němpẹ̌tatahangu sigěsạ su pinamembangeng. 7I sire seng nipělomene wọu maraune wọu kamponge pinamitingang puidẹ̌. Arawe wọu apan taumata kụ nal᷊ěmbe ene e Iạ sarung manětạ u pal᷊ahěnto wuhu e sěmbaụ. I sire sarung makoạ bansa kụ masaria ringangu matoghasẹ̌. Iạ e sarung mẹ̌parenta si sire su Wongkon Sion sarang marěngụ-děngụ.”

8Ringangu i kau e Yerusalem, tampạ u Ruata mělẹ̌lukadẹ̌ umatʼE kere lukadẹ̌ měmpẹ̌děndiagạ gapaěngu dombane, i kau e sarung mẹ̌sul᷊e makoạ niupunangu soang kararatuangu kere kal᷊imona. 9Unụ e i kau e sụsangị maihạ-ihạ? Unụ e i kau e mětẹ̌tatahang u sunsara kere wawine kụ měnaung měhěnding? Arau kawe ual᷊ingu i kau e tawẹ datunu, ringangu kal᷊awọu měgaghěllịu manga sasasa si kau e seng nasue nate? 10Ei tumanạ u Yerusalem, pẹ̌kuhěnạ e ringangu pěngědihe kere tau wawine kapẹ̌hěndinge! Batụu orasẹ̌ ini e i kamene harusẹ̌ maněntangu soa ringangu katanạ su wurase. I kamene hinong kakoạ sol᷊ong Babel, katewe paị sene Mawu e sarung měliwirʼi kamene wọu l᷊imang manga sědụu. 11Mal᷊awọ bansa kụ seng němpẹ̌tampung baugu měngalo si kau, ei Yerusalem. I sire nẹ̌bera, ”Yerusalem hinong goghaheng! I kami e sarung makasilo soa ene makoạ ěnnạe!” 12Arawe manga wansa e wěga wue měnsang apa ipělẹ̌hingidu Mawu. I sire tawe nakapěndang u i sire seng nitampungʼE mědeạu ihukung, kere gandung nitampung mědeạu papipiang.

13 Mawu e něhengetang, ”Ei tumanạu Yerusalem, dakọ e ringangu tatahidaiko manga sědụu e! Iạ e sarung mapakariading kamene matoghasẹ̌ kere sapi piạ sungene uase ringangu kanukune tambaga. I kamene sarung měnggagholang bansa l᷊awọ, dingangu kakakalạ kụ ikaěbạ i sire wọu pělahampasẹ̌ e sarung isěmbang kamene si Siạ, Mawun sarul᷊uang u alang.”

14Ei tumanạ u Yerusalem, pẹ̌dorongke sěngapam botonge tadeạu Mawu e mẹ̌tul᷊ung i kau! I kitẹ e kai nital᷊iwungang! Sekẹ e kạpěngalone apan těmbonangu Israel!

Currently Selected:

MIKHA 4: SXN

Highlight

Copy