MATIUS 1
1
Dol᷊ẹ̌ u manga i upung gaghurangu Mawu Yesus Kristus
(Luk. 3:23-38)
1Ini e kai rol᷊ẹ̌ u manga i upung gaghurangu Mawu Yesus Kristus, hěnton Daud, hěntong Abraham. Bọʼi Abraham sarang i Daud, manga areng i upungu Mawu Yesus kai kere ini:
2-6aAbraham,
Ishak,
Yakub,
Yehuda ringangu manga anạ u sěmbaụe,
i Peres dingang i Zerah (i ninang i sire isẹ̌sẹ̌ba si Tamar),
Hezron,
Ram,
Aminadab,
Nahason,
Salmon,
Boas (i ninange i Rahab),
Obed (i ninange i Rutẹ̌),
Isai,
dingangu Ratu i Daud.
6b-11 #
2Rat. 24:14-15; 2Kar. 36:10; Yer. 27:20 Bọu i Daud sarang tempone tau Israel niwembang sarang Babel, mạbawohẹ manga areng ini:
Salomo (i ninange kai wal᷊ung Uria),
Rehabeam,
Abia,
Asa,
Yosafat,
Yoram,
Uzia,
Yotam,
Ahas,
Hizkia,
Manasye,
Amon,
Yosia,
Yekhonya dingangu manga anạ u sěngkataune.
12-16Bọu tempon tau Israel niwembang su Babel sarạeng kawawantelʼu Mawu Yesus mạbawohẹ manga areng ini:
Yekhonya,
Sealtiel,
Zerubabel,
Abihud,
Elyakim,
Azur,
Zadok,
Akhim,
Eliud,
Eleazar,
Matan,
Yakub,
Yusup kawing i Maria.
Kụ bọu i Maria ene nawantelʼe Mawu Yesus kụ isẹ̌sẹ̌bạ si Kristus.
17Kụ bọu i Abraham sarang i Daud kal᷊awọe mapul᷊o – ěpạ su hawenge. Bọu i Daud sarang tau Israel niwembang su Babel ute mal᷊aing mapul᷊o – ěpạ su hawenge. Bọu tempon tau Israel niwembang su Babel sarang kal᷊aiwantelʼu Mawu Yesus Kristus mal᷊aing mapul᷊o – ěpạ su hawenge.
Kal᷊aiwantelʼu Mawu Yesus Kristus
(Luk. 2:1-7)
18 #
Luk. 1:27
Kere ini wẹ̌keng kal᷊aiwantelʼu Mawu Yesus Kristus. I ninange i Maria e měkẹ̌kakaghiang dingang i Yusup. Arawe i rẹ̌dua reng tawe někẹ̌kawing, kutẹu nạung i Maria kai seng piạ kapapia. I Yusup bẹ̌daweng bẹ̌ga u kapapia ene kai ual᷊ingu kawasang Rohkẹ̌ u Ruata. 19I Yusup kaghiange ene kai sěngkatau masatia tutuhụ titang agama. Kutẹu i sie měkẹ̌karaki maměsụ pẹ̌kakaghiange su kapapěnisẹ̌, tadeạu i Maria tawe mamea su těngong l᷊awọ. 20Tangu piạ e i Yusup mělẹ̌hingidẹ̌ hal᷊ẹ̌ ene, i sie nipi. Su ral᷊ungu ipine ene, i sie nakasilo sěngkatau malạekatʼu Mawu kụ nẹ̌berạe si sie, ”Yusup, hěnton Daud, abe katakụ mẹ̌kawing i Maria; batụ u anạ kụ su ral᷊ungu gandongange kai pinẹ̌pohiama ual᷊ingu kawasang Rohkẹ̌ u Ruata. 21#Luk. 1:31 I Maria sarung maiwantelʼu sěngkatau ahusẹ̌ esẹ. Dariọ ene mambeng sěbạu arenge i Yesus, u kai i Sie sarung mangambang umatʼE wọu rosan sire.”
22Patikụ ene nariadi kerene, tadeạu misěhụ apan nihengetangu Mawu limiu nabinʼE, angkuěng, 23#Yes. 7:14 ”Sěngkatau mahuala sahị sarung piạ kapapia ringangu maiwantelʼu sěngkatau ahusẹ̌ esẹ. Ahusẹ̌ ene sarung isẹ̌ba Imanuel.” (Imanuel su werang Ibrani mangal᷊ene ute, ”Mawu Ruata e ene ringang i kitẹ”.)
24Sarạeng i Yusup napukọe, i sie nẹ̌koạe kěbị apan niwerang malạekatʼu Mawu e si sie. I sie nẹ̌kawing dingangʼi Maria. 25#Luk. 2:21 Kụ karěngụewen i Maria reng tawe nạmantelʼu ahusẹ̌ ene, i rẹ̌dua e reng tawe nẹ̌tẹ̌tatamba nakoạ gẹ̌si sěmbaụ. Kụ sarạeng ahusẹ̌ ene nawantelẹ̌. I Sie nisẹ̌bạ i Yusup si Yesus.
Currently Selected:
MATIUS 1: SXN
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in