MALEAKHI 4
4
Ěllong Mawu e sarung marěnta
1Angkuěngu Mawu Kụ Limembong Kawasa e, ”Sarung marěnta ěllone kal᷊awọu taumata maobotẹ̌ dingangu ral᷊akisẹ̌ e tutungang kere rahami. Su ěllo ene i sire sarung masue tutungang dingangu tawẹ apa kụ deng mal᷊ěmbe wọʼi sire. 2Kaiso waugʼi kamene kụ mararingihẹ̌ si Siạ e, kawasa-Ku kụ makasal᷊amatẹ̌ e sarung suměpụ kere matangěllo, ringangu sěnnange makạbawa karaul᷊e wọu sakị. I kamene sarung mal᷊iwirẹ̌ dingangu mal᷊uasẹ̌ kere anạu sapi kawuhuang nisěbang bọu těndạ e. 3Su ěllo ene Iạ sarung mẹ̌karadiahang, kụ i kamene sarung mamatạ taumata ral᷊akisẹ̌, hakịu i sire mẹ̌sul᷊ungu awul᷊ẹ̌ kụ tẹ̌tatahidaěng i kamene.
4Pẹ̌tahěndungko těntirong manga ěllang-Ku i Musa, pẹ̌tahěndung manga toratẹ̌ dingangu manga tita kụ Takụ nionggọ si sie su Wul᷊udu Sinai mědeạu raringihangu kal᷊awọu umatʼu Israel.
5 #
Mat. 11:14, 17:10-13; Mrk. 9:11-13; Luk. 1:17; Yoh. 1:21 Arawe kal᷊amonang ěllo kụ maraitẹ̌ dingangu mahuagatẹ̌ tinantu-Ku ene marěnta e, sarung Takụ irolohẹ̌ Nabi Elia e sol᷊ong anunu. 6I sie e sarung mapakasěmbaụu naung u manga i amang dingangu manga rariọ, tadeạu Iạ e tawe ruměnta mapakawinasang banuanu.”
Currently Selected:
MALEAKHI 4: SXN
Highlight
Share
Copy
Want to have your highlights saved across all your devices? Sign up or sign in
