YOËL 1
1
1Seng ini e ipẹ̌paul᷊ị u Mawu si Yoël, anạ i Petuel.
Umatu Israel kụkěndung ual᷊ingu ghěsing sasuang kụ nikinạu kal᷊imbotong
2Daringihẹ̌ko ei apang maghaghurang;
tatingangko, kal᷊awọu taumata su Yehuda.
Hal᷊ẹ̌ kere ini e wọu nariadi ngae su tempong kamene,
arau su tempom manga i upung i kamene tangu?
3Pẹ̌běkengkong karariading ene e su manga anạ i kamene;
tadeạu i sire e měhabarẹ̌ su manga anạ i sire wěke ene.
Pal᷊ahěnto tuhụ e hinong dumaringihẹ̌ lai,
ringangu maněpasu ene su manga hěnto tuhụ e.
4Ghopol᷊angu kal᷊imbotong kụ tawe kinarekeng kal᷊awọe,
němpẹ̌dorọ su manga ansedẹ̌ kụ němpẹ̌kinạ manga wuane.
Apang nipẹ̌gagholọ u ghopol᷊angu sěmbaụ e,
niěnsueěngu ghopol᷊ange lai wal᷊ine.
5Ei apang bukaneng, pẹ̌bangungke!
Ei apan tahainung, pěmpẹ̌kiạ e!
U anggorẹ̌ buhu e
seng nipul᷊aho wọu mohongu.
6 #
Pěl. 9:8
Gapaěngu kal᷊imbotong nẹ̌sal᷊igoahẹ̌ su wanuang kitẹ;
i sire enẹeng katoghase ringangu tawe ikatiạ kakěpal᷊e,
isine mal᷊ahoro kere kahorong isin singa wawine kakahutabẹ̌.
7I sire nakapate kalung anggorʼi kitẹ,
dingangu kalung arang kitẹ, kụ kate nal᷊ěmbe tuide.
Manga kalune niwěnị i sire,
hakịu manga lelange nakoạ mawira.
8Kiạ e manga umatẹ̌, kere mahuala mělẹ̌lutu
sụsangị u papateng kaghiange ikẹ̌kěndagẹ̌.
9Gandung dingangu anggorẹ̌ e seng nailang
bọu Wal᷊eʼm Mawu.
Tangú nělutu e manga imang,
kụ satia mẹ̌tangkiang Mawu.
10Manga rahami e ini seng nahěgu.
Ěntana seng nělusiang;
watụ u kai seng něngkaupu kal᷊awọu gandung,
buang anggorẹ̌ něngkaupu,
kụ nasuẹ e lanan zaitun.
11Ei mělahěnsinuang, pěmpẹ̌kěndungko!
Ei měndariagạ baelu anggorẹ̌ e, pěmpẹ̌sangị e!
Batụu gandung, bakị e ringangu kal᷊awọu apang nipěnsạ e nasue naupu.
12Manga kakaluang piạ buane nasue něngkahěgu:
kalung anggorẹ̌, apel, ara, korma ringangu dělima.
Tangu kawanua e selain tawẹ karal᷊uase.
13Ei manga imang kụ mẹ̌tẹ̌tangkiang su pananěmbaěng,
pěluhengkong karong, dingangu pěmpẹ̌sangị e.
Suẹ̌ko su Wal᷊em Mawu e kụ pahunsangịko sěhěbi tinalung,
u tawẹ apa sasěmba anggorẹ̌ dingangu gandung baugu Ruatanu.
14Pěngoroko umatu e pẹ̌puhědang,
pěhabarẹ̌kong pẹ̌sasombang masaria!
Pẹ̌gausẹ̌ko manga těmbonange ringangu manga matatimadẹ̌
ore lai kal᷊awọu tumanạu Yehuda,
tadeạu ruměnta su Wal᷊en Duata,
mědeạu kumahiorọ u mẹ̌dorong tul᷊umang si Sie.
15 #
Yes. 13:6
Ěllom Mawu e seng masandigẹ̌, ěllọ e makạbintogẹ̌;
tempọeng Limembong Kawasa e makakarěntang kawawinasa.
16Laidopẹ̌ e nasue nawinasa
su těngom matang kitẹ
su Wal᷊en Duatang kitẹ e,
kụ sen tawẹ apa lai parahul᷊uasẹ̌ dingangu parahul᷊iagẹ̌.
17Bine e nate su ěntana mamara-mara.
Tạ apa gandung desokang,
kụ manga wasunge tawẹ lohone kụ seng nasue nakadodọ.
18Binatang piara e lụhuang dingangu kal᷊inso;
sen tawẹ lai manga rěmpugẹ̌ bauge.
Ghapaěngu domba e mal᷊aing lụhumpinausang.
19Iạ e mẹ̌dẹ̌dorong tul᷊ung si Kau, o Mawu,
u manga wimbaengu rěmpugẹ̌ e nahěngi-hěngisẹ̌,
manga kakaluang e nahěgu ringangu nate
tabidạu nikaěngu putung.
20Saral᷊aing manga binatang dul᷊u su kěhu e
kụkahiorọ si Kau mẹ̌dorong ontol᷊ẹ̌.
I sire tawe nakawatụ kapulu měnginung,
batụu manga sal᷊ụ e nasue něngkal᷊ěsa.
Currently Selected:
YOËL 1: SXN
Highlight
Share
Copy
Want to have your highlights saved across all your devices? Sign up or sign in
