HOSEA 6
6
Tau Israel tawe nẹ̌tobatẹ̌ kahěngang
1Tau Israel nẹ̌bera, ”Mahiko i kitẹ deng mẹ̌sul᷊e sol᷊ong anung Mawu, seng i Sie e nakatědụ si kitẹ, kaiso i Sie lai sarung makakaul᷊e. I Sie napakal᷊esẹ, kaiso i Sie lai sarung měmikung manga lesẹ ene. 2Su ral᷊ungu rua ěllo arau těllu ěllo ini i Sie sarung mapakaul᷊eng kitẹ, dingangu i kitẹ sarung mẹ̌biahẹ̌ su ral᷊ungu pěngangěllungʼE. 3Ual᷊ingu ene mahiko i kitẹ e mẹ̌tawakal᷊i sěngapam botonge mẹ̌kiral᷊a Mawu. I Sie mamben sarung duměnta su anung kitẹ kere rarěntam běmbanaho, ringangu kere tahiti kụ mělẹ̌holo runia su pěngěnsueěngu musungu tahiti.”
4Arawe Mawu e něhengetang, ”Ei Israel ringangu Yehuda! Iạ kai mẹ̌koạ e apa si kamene? Tatal᷊ěntụ i kamene si Siạ e mal᷊ighạ maparung kere hiwụ dingangu namuhẹ̌ su tempong mal᷊ukadẹ̌. 5Kai ual᷊ingu ene Iạ e rimolohu manga nabi-Ku apaul᷊ị u putusang-Ku u i kamene harusẹ̌ ihukung dingangu ipakawinasa. Takụ ilẹ̌ěnning bọʼi kamene e seng matualagẹ̌ dingangu mal᷊ahẹ: 6#Mat. 9:13, 12:7 Iạ e něngalembo puluang i kamene makakiral᷊a si Siạ dingangu sěntiniạ kụkěndagu Iạ, sul᷊ungu i kamene měnutung dingangu měnarakangu sasěmba si Siạ.
7Arawe kere si Adam,#6:7: Arawe kere si Adam arau: Kaiso su adam. i kamene nělanda kirenu ringang-Ku. 8Gilead ute kai soa kụ napenẹ u taumata ral᷊akisẹ̌ dingangu tahapate. 9Manga imang su soa ene mẹ̌sul᷊ungu sěnggopol᷊angu tahapěhampasẹ̌ měhěgạ sumasahe. Su ral᷊eng kụ mẹ̌tẹ̌timona tampạ susi su Sikem lai i sire němpẹ̌koạ pěmamate! Patikụ karal᷊akisẹ̌ e pẹ̌tatatudẹ kẹ̌koateng i sire. 10Su Israel Iạ e nakasilo hal᷊ẹ̌ makạtatakụ: umatẹ̌-Ku e němpẹ̌těngkal᷊amuhụ u watangeng i sire kụ němpěněmba mahang duata.
11Mạanung kamene, ei tau Yehuda, Iạ e seng něnantun tempone waugu měhukung i kamene lai ual᷊ingu kakanoạ i kamene.”
Currently Selected:
HOSEA 6: SXN
Highlight
Share
Copy
Want to have your highlights saved across all your devices? Sign up or sign in
