HOSEA 1

1 # 2Rat. 14:23-29, 15:1-7, 15:32-38, 16:1-20, 18:1–20:21; 2Kar. 26:1-23, 27:1-8, 28:1-27, 29:1–32:33 Ini e kai tita nionggọ u Mawu e si Hosea anạ i Beeri su tempong kararatuang u Yehuda e měgẹ̌gaghintol᷊e su parentan Datu i Uzia, i Yotam, i Ahas, ore lai i Hizkia, ringangu kararatuangu Israel su parentan Yerobeam ahusʼi Yoas.

Kawing dingangu manga anạ i Hosea

2Su tempong Mawu e humotong-motong nẹ̌bisara su tau Israel limiung iạ, Mawu e něhengetang, ”Hosea pẹ̌kawingkon sěngkatau wawine puluang mawuang, dingangu manga anạu e lai sarung makoạ kere i sie. Umatẹ̌-Ku e mẹ̌sul᷊ungu kawingu ene; i sire tawẹ satiane si Siạ, dingangu maněntangu Iạ.”

3Tangu iạ mẹ̌kawingu sěngkatau wawine arenge i Gomer anạ i Diblaim. Sarětạeng i sie něhěndingu anạ i kandua humotong e, sěngkatau rariọ esẹ, 4#2Rat. 10:11 Mawu něhengetang si siạ, ”Sěbạko arengu anạu e si Yisreel u tawẹ kaděngụ e lai Iạ sarung měhukungu ratung Israel ual᷊ingu pěmamate nikoạ i Yehu, i upunge, su Yisreel.#1:4: Yisreel: Su soa ene Yehu němate ratung Israel dingangu kakěpal᷊u walagu ratu ene. Bọu e i Yehu nakoạ datu humotong bọu pal᷊ahěntong manga ratu wuhu (kakělla 2Rat. 9–10). Su ral᷊ungu werang Ibrani Yisreel mangal᷊ene: Duata e něnawuhẹ̌. Jadi bawera ene mělělahẹ u sasombọ dingangu kasasorogạ. Iạ sarung mangěnsue pẹ̌paparentang pal᷊ahiten Yehu.#1:4: Pẹ̌paparentang pal᷊ahiten Yehu: arau Kararatuangu Israel. 5Su tempo ene su Wal᷊ang Yisreel Iạ hědo sarung měnggoghahẹ̌ katoghasu sordadong Israel.”

6Bọu ene kawingku e něhěndingu anạ i kandua karuane, sěngkatau rariọ bawine. Mawu e něhengetang si siạ, ”Hosea, sěbạko anạ u ene si ’Anu Tawe Nikěndagẹ̌’, u Iạ e sen tawe lai saụ kuměndagu tau Israel, dingangu mamben tawe mẹ̌gěllịu ampung si sire. 7Arawe tau Yehuda e Takụbe sarung ikěndagẹ̌, u Iạ e kai Mawu, Ruatan sire, sarung mapakasal᷊amatʼi sire, katewe wal᷊inewe ual᷊ingu pẹ̌sasekẹ, dingangu wal᷊inewe ual᷊ingu warạ arau papitị arau kawal᷊o ringangu manga sasakene.”

8Sarạeng anạ i kami karuane sen tawe nipasusu, kawingku e saụ nẹ̌bawa kapapia kụ něhěndingu sěngkatau rariọ esẹ. 9Mawu e něhengetang si siạ, ”Sěbạko arengu anạu ene, ’Bal᷊inewe Umatẹ̌-Ku’, u tau Israelẹ̌ e wal᷊inewe umatẹ̌-Ku, ringangu Iạ e wal᷊inewe Ruatan sire.”

Kakakoạ u Israel sarung ipakaul᷊ị kapia

10 # Rm. 9:26 Tau Israel sarung makoạ kere ěne kakěpal᷊e su apeng, hakịu tawe ikaukurẹ̌ arau ikarekeng. Orasẹ̌ ini e Mawu Kasěllahenge něhengetang si sire, ”I kamene wal᷊inewe umatẹ̌-Ku,” kaiso sarung nidatingu tempone i Sie sarung mẹ̌bera si sire, ”Iạ e kai Ruata wiahẹ̌ dingangu i kamene kai manga anạ-Ku!” 11Tau Yehuda ringangu tau Israel sarung ipakasěmbaụ kapia. I sire sarung měhengkẹ u sěngkatau pangahạ e, ringangu i sire sarung mahengkeng dingangu sumombọ kapia pẹ̌bawiahʼi sire su wanuan sire. Mamben těngadẹ̌, ěllong Yisreel#1:11: Yisreel: Kakělla su pasalẹ̌ 1:4. sarung makoạ ěllo masaria!

Currently Selected:

HOSEA 1: SXN

Highlight

Copy