HAGAI 1
1
Laorom Mawu mědeạu pěmangung kapia Wal᷊em Mawu
1 #
Esr. 4:24–5:2, 6:14 Su taung karuane su parentan Datu i Darius su Persia, su tanggalẹ̌ humotong bul᷊ang kaěnnunge, Mawu e mẹ̌bẹ̌bisara limiung Nabi Hagai. Pělahabaru Mawu ene ipẹ̌tẹ̌timona si Zerubabel anạ i Sealtiel, guběrnurẹ̌ u Yehuda, ringangu su Imang Mawantugẹ̌ i Yosua anạ i Yozadak.
2 Mawu Limembong Kawasa e něhengetang si Hagai, ”Bansa ini nẹ̌bera u wědang bal᷊ine tempone waugu mamangung kapia Wal᷊e-Ku.” 3Bọu ene limiung Nabi Hagai, Mawu e něhengetang su umatʼE, 4”Ei Umatẹ̌-Ku, apa sen tempone waugʼi kamene matanạ su ral᷊ungu wal᷊e matoghasẹ̌ dingangu matei, sarangkate Wal᷊e-Ku e wědang kere manga korọ e? 5Kěnang, kẹ̌kakělai kakakoạu! 6I kamene seng něnawuhu wine lawọ, kaiso pěnsạu e mahal᷊i. I kamene piạbe kaěng i kamene, kaiso tawe makasukụ baugu mapakal᷊aedu tiangu. I kamene mạnaghuang anggorẹ̌ kaiso tawe makatimu waugu mapakawatụ kapulung naungu. Si kamene piạbe pakeang, kaiso tawe makatětị batangengu. Ringangu tatendenge kụ tarimakeng u apang mantorosẹ̌ e tawe makasukụ ipaněmpụ biahʼi sire e. 7Kai tawe nạtilang i kamene tangu? kụ unụewe hal᷊ẹ̌ ene nariadi? 8Kụ ini e sakạ e sol᷊ong manga wongkone pěngal᷊ạ kalu, mase pětịko Wal᷊e-Ku; tangu Iạ e sarung makapěndang mal᷊uasẹ̌ dingangu Iạ sarung sěmbaěng lai kere hinone. Kěnangko tatingang kakakoạ u! 9I kamene mělẹ̌harapẹ̌ gěsing pamaměnsạ kụ mahěmpal᷊iu, kasueěnge nạung kinaěbạ i kamene e kětạembeng kadodọ-dodọ; kụ niwawang kamene napul᷊ẹ, kaiso ghěsing pěnsạ i kamene e Takụ tiukang, hakịu pakasue pakiwawa su anging.#1:9: Takụ tiukang ... anging arau: Takụ ipakawuhụ. Unụe Takụ koateng ene tangu? Sasimbahe ute: Ual᷊ingu Wal᷊e-Ku e wědang kere manga tuide, arawe i kamene kěbị e měngkai mal᷊aigasẹ̌ měmpěmangung bal᷊eng kamene sěngkatau-sěngkatau. 10Kai ene hakịu tawẹ poěngu tahiti e rumasehẹ̌ hakịu tawẹ apa sasuang kụ makakatuwo. 11Iạ e seng napakarěntang kal᷊ahangu waugu ěntana ringangu manga wěntihe, su manga rahaming gandung dingangu manga waelu anggorẹ̌ ore lai waelu manga zaitun dingangu su wowong kal᷊awọu manga sasuang su ěntana ini, ore lai waugu taumata ringangu binatang ore lai kal᷊awọu sạbarang kụ tẹ̌tawakal᷊iang i kamene.”
Umatʼu Israelẹ̌ e tụtuhụ parentam Mawu
12Bọu e i Zerubabel dingangu i Yosua ore lai kal᷊awọu umatʼu Israelẹ̌ kụ seng nẹ̌sul᷊e kạpia wọu pinamembangeng#1:12: kụ seng nẹ̌sul᷊e kapia wọu pinamembangeng arau: apan tawe nihengkẹ sarang pěmamembangeng. su Babelẹ̌ e, rụdaringihẹ̌ kal᷊awọu wawerang Hagai, darolohangu Mawu ene. I sire mẹ̌kẹ̌koạ apang kụ nịlaorong Mawu e si sire ual᷊ingu mạtakụ su Mawu.
13Bọu e i Hagai naul᷊ị su kawanua mạanum papaul᷊ị u Mawu e seng nẹ̌kědo sarung maněntanudẹ̌ si sire.
14Kerene Mawu e něnganoạ naungu Guběrnurẹ̌ u Zerubabel, Imang Mawantugẹ̌ i Yosua e ore lai kal᷊awọu taumata kụ seng nẹ̌sul᷊e wọu piněmembangeng, tadeạu i sire kěbị měmunara waugu měmangung Bal᷊em Mawu Kụ Limembong Kawasa e Ruatan sire. 15I sire nanětạ e nẹ̌karạdiahang su tanggalẹ̌ duam pul᷊o ěpạ, bul᷊ang kaěnnunge su taung karuane su parentan Datu i Darius.
Currently Selected:
HAGAI 1: SXN
Highlight
Share
Copy
Want to have your highlights saved across all your devices? Sign up or sign in
