ZABUR 47
47
ALLAH Penguase Agung
1Umaq pemimpin kor. Zabur kaum Korah.
2Pade bekopok gembire, hai selapuq bangse!
Pade puji Allah siq surak-surakan!
3Séngaq ALLAH Saq Maheagung nike dahsyat,
Raje Agung saq nguasein seantéro gumi.
4Ie ngicanin ite kemenangan tipaq bangse-bangse,
jariang ite penguase suku-suku bangse.
5Ie piléqang ite tanaq pusakente,
kebanggean bangse saq Ie kasihin.
6Allah sampun melinggih léq tahte-Ne,
teiring siq surakan dait suare terompét.
7Pade nyanyiang pujian bagi Allah,
nyanyiang pujian bagi Rajente!
8Allah nike Raje léq seantéro gumi,
pade puji Ie siq lagu pengajahan!
9Allah melinggih léq atas tahte-Ne saq suci;
Ie mréntah atas bangse-bangse.
10Pare pemimpin bangse-bangse besopoq
jari umat Allah Ibrahim.
Séngaq Allah nike Raje selapuq raje,
Ie agung gati dait mulie.
Currently Selected:
ZABUR 47: LAISAS
Highlight
Share
Copy
Want to have your highlights saved across all your devices? Sign up or sign in
