ZABUR 28
28
Do'e nunas tulung
1Zabur Daud.
Ya ALLAH, tipaq Deside kaji bekuih,
Deside pembéle kaji, pirengang kuihan kaji.
Lamun Deside nénten kayun jawab kaji,
kaji maraq dengan saq turun ojok loang kubur.
2Pirengang petunasan kaji lamun kaji bekuih nunas tulung,
dait ngangkat imen kaji andang Gedéng Deside saq suci.
3Sampunang gadingang kaji bareng kance dengan durhake,
bareng dengan saq gawéq kejahatan.
Ie pade gerasaq ngeraos,
laguq até ie pade penoq siq hal saq lengé.
4 #
Why. 22:12
Hukum ie pade lantaran perbuatan ie pade,
lantaran kejahatan saq ie pade piaq.
Hukum ie pade sesuai kance perbuatan ie pade;
icanin ie pade hukuman saq setimpal.
5Ie pade nénten peduli perbuatan ALLAH,
atao napi saq Ie piaq.
Make Ie gen ngukum ie pade,
dait binaseang ie pade selaéq-laéqne.
6Pade puji ALLAH,
séngaq Ie sampun pirengang petunasan tiang.
7 ALLAH pelindung dait pembéle tiang,
tiang percaye léq Ie.
Ie nulung dait nyenengang angen tiang,
tiang memuji Ie siq lagu syukur.
8 ALLAH ngicanin kekuatan tipaq umat-Ne,
Ie béle dait nyelametang raje piléqan-Ne.
9Selametang umat Deside, ya ALLAH,
icanin berkah dengan-dengan saq jari dowén Deside.
Deside jari maraq pengarat ie pade,
dait jagaq ie pade selaéq-laéqne.
Currently Selected:
ZABUR 28: LAISAS
Highlight
Share
Copy
Want to have your highlights saved across all your devices? Sign up or sign in
