ZABUR 24
24
Raje Mulie
1 #
1Kor. 10:26
Zabur Daud.
ALLAH nike épén dowé gumi dait selapuq isine,
dunie dait selapuq saq araq léq dalemne.
2Ie noloq dasarne léq atas segare,
dait anjengang-Ne léq atas aiq saq dalem.
3Sai saq kanggo taék ojok Gunung ALLAH,
dait tame ojok dalem Gedéng-Ne?
4 #
Mat. 5:8
Dengan saq ndéq bedowé cele léq pikiran dait perbuatanne,
saq ndéq besumpah palsu dait ndéq nyembah berhale.
5Ie saq gen nerimaq berkah léman ALLAH,
dait keadilan léman Allah saq nyelametang ie.
6Maraq nike dengan saq parek tipaq Allah,
saq parek nyembah Allah Yakub.
7Bukaq beléq-beléq lawang jebak,
adéqne tame Raje saq mulie.
8Sai Raje saq mulie?
Ie ALLAH saq perkase;
ALLAH saq penoq kuase,
saq jaye léq dalem peperangan.
9Bukaq beléq-beléq lawang jebak,
adéqne tame Raje saq mulie.
10Sai Raje saq mulie?
ALLAH Saq Mahekuase,
Ie Raje saq mulie!
Currently Selected:
ZABUR 24: LAISAS
Highlight
Share
Copy
Want to have your highlights saved across all your devices? Sign up or sign in
