Mrk Nhingeno
Nhingeno
A buku dra Marka hi drone dringagoma ngopfu ku ti Ivangeli ta mune, na kumbexana, i dra khale ngopfu. A vatrali, Matewu na Luka afa vadritiva kutani vatava valondrovoti ngopfu ku switiviso swake.
A xiyimu xa Ivangeli ya Marka swakoteka kukatrakanya ku minkama leyi landraka ya lisima: Asungula hi kutlhamuxela leswaku a Ivangeli ya Yesu Kriste yavi ni masungulo ku vutireli bya Yohana Mubabatisi (1:1-8), lweyi Yesu ayamukeliki ku yene a Babatiso (1:9-11). Ntrhaku ka Babatiso, hi ku landra mpfhuka wa kudringiwa (1:12-13), Yesu asungula vutireli byake byavuhlawuleki a Galileya (1:14—9:50), lebyihelelaka ku liyendro dra Yerusalema (10:1-52), lomu ku vhiki drakwe dra vugamu atremeliwiki lifu ni kuvambiwa, ava vugan'wini apfuka kufeni (tind. 11-16).
A Ivangeli ya Marka yikombisa Yesu ntirweni wa kuya mahlweni, na anyika ngopfu lisima mintirweni yake kutlula maritu yake, kambe kubekeni ka mintiro livaleni ya ntamu wakwe, kungava kuvitaniweni ka vadondrisiwa, kungava dondrisiweni ka switrungu, ni le kuhanyiseni ka timbabyi (1:14; 8:30).
Ku xiyenge xavubiri kuhlayeni kwake, Marka ahlaya Yesu swanga hiloko akongomi kuvavisekeni, ku lifu ni le kupfukeni ka le kufeni, loko afaka va kurindreli Yerusalema (8:31; 10:52). Ha kuraru Yesu akhaneli leswo ku vadondrisiwa vakwe, kambe vone avaswiyingelisisanga. A vulavuli ku vone ha yene hi ntshima, atikombisi swanga N'wana wa Mhunu, Xikwembu Nkulukumba a muhlaya N'wana lweyi arandriwaka. Nakone ni mimoya leyi mimfani mi mutivi swanga N'wana wa Xikwembu Nkulukumba, ni loko murangeli wa vaprista amuvutisi swaku Yene angava ali Kriste, N'wana wa Xikwembu Nkulukumba lweyi ankhensiwaka, Yesu ayanguli aku: Ina ni yene. (14:61-62).
A tindrima ta 14 na 15 tihlawutela mintiro ya vugamu ya Yesu le Yerusalema. Kutone hikuma kutlhamuxeliwa hikatrakanyu henhla ka Xilalelo xa Vugamu ni vadondrisiwa, akutlhanganeni, kudeni ka kati ni vhinyo, xikhongoto xakwe xa xihundla a Xirambeni xa Getsemani, kukhomiwa ni kuyavanyisiwa kwake, kuvambiwa ni kulahliwa kwake a xireni.
Matralwa man'wana mayengesela ni kutlhantekela a tralwa ku Ivangeli leyi ni madrungula lawa makumiwaka ku tin'wana ti Ivangeli swanga hi kukombisa kuhumelela ka Yesu lweyi a pfukiki ku lava vakufa ni kuntlhantukela kwake.
Currently Selected:
Mrk Nhingeno: NTX2007
Highlight
Share
Copy
Want to have your highlights saved across all your devices? Sign up or sign in
Xironga New Testament with Psalms © Bible Society in Mozambique, 2007.