Mrk 7

Swihena swa khale swa va-Yuda

(Mt 15:1-9)

1A vafarisi ni van'we va vadondrisi va Nawu lava vapfiki Yerusalema, vahlengeletani ku Yene. 2Vavona van'we va vadondrisiwa lava afaka vada makati hi mandla lawa ya nsila, hileswaku hi mandla lawa yakuka manga basanga.

3A vafarisi ni va-Yuda hinkwavu, avadi loko vangahlambisisanga a mandla swinene, vabekisa xihena xa vakhale#7:3 A xihena xa vakhale afa xiyingelisisa a swiyimiso ni swiyentxo leswi a varangeli afaka vaswiyengeseli a Nawini wa Moxe. Fanisa Lk 11:38. 4Nakone loko vapfa kuxaveni avadi na vangahlambisisanga a mandla. Mfuri i swinyingi leswi vangaleletiwa leswaku vaswibekisa: swanga hi kunhlampswa a mintrheko, ni makhuwana, ni swibya swa nsuku.

5Hikola ka leswo a vafarisi ni vadondrisi va Nawu vangamuvutisa vaku: Xana a vadondrisiwa vaku avafambi hi xihila xa vakhale, na kone vadela yini kati hi mandla lawa yakuka mangabasanga? 6Yene avayangula aku: Ezaya ahlayelimfuri loko ahlayi tenu vamandrendre swanga hi leswi switraliwiki:

A tiko ledri drinitxhava hi maritu,

kambe a timbilu tavu ti le kule na mine.

7Kambe vanigandrela mahala,

hi kudondrisa tidondro le tinga swileleto swiyentxiwiki hi vhanu.#7:7 Lavisa Ezy 29:13. Swihlayiwa ni kutolokiwo dra khale dra Xigirika xa Septuajinta.

8N'wine n'witrika a nawu wa Xikwembu Nkulukumba, mibekisa a tidondro ta vhanu. 9Ayengeta aku ku vone: Xileswo n'widlaya a nawu wa Xikwembu Nkulukumba, akuva n'wibekisa xihena xenu. 10#Lavisa Khm (Eks) 20:12; 21:17; Mlw (Deut) 5:15; Lv 20:9. Moxe adondrisi leswaku: Txhava a tatana waku ni mamana waku. Nakone: Lweyi arukaka a tatana wakwe ni mamana wakwe atatremeliwela lifu. 11Kambe n'wine n'widondrisa leswaku loko a mhunu aku ku vapswali lava vapfumalaka: leswi afaka ningan'wipfuna ha swone i swa mhamba ya Xikwembu Nkulukumba, 12angahasindrisiwi akupfuna tatana wakwe kumbe mamana wakwe hi ntxhumu. 13Ke, n'witrika a kunyika lisima a nawu wa Xikwembu Nkulukumba, hi tidondro tenu n'wititlutisela ku vana venu. Ni swin'wana swakutala leswi swanga ha swone maswiyentxa.

Leswi swinyamisaka vhanu

(Mt 15:10-20)

14Yene ayengeta avitana a xitrhungu aku ku xone: Niyingelani hinkwenu n'wiva n'wiyingelisisa. 15Akuna xantxhumu lexi xinganyamisaka mhunu loko xinhingena ku yene, kambe leswi swihumaka ku mhunu hi swone leswi swimunyamisaka. [ 16Loko a mhunu ali ni tindleve ta kuyingela, ayingiseti.#7:16 A ndrimana leyi ayikumeki hu matralwa man'wana ya khale.]

17Kuti loko Yene anhingeni andlwini na asuka xitrhungwini, a vadondrisiwa vakwe vamuvutisa hita xifaniso lexo. 18Ahangaku ku vone: xana-ke na n'wine an'wingayingelisisi? Xana an'wiyingelisisi leswaku hinkwaswu leswi a mhunu aswidaka kumbe kunwa, loko swinhingena andreni aswikoti kumunyamisa, 19#Fanisa na Mnt 10:9-16. hikusa aswinhingeni mbilwini yake, kambe akhurini, swiva swihumexiwa nhoveni? Hi leswo Yene akombisa leswaku a swakuda hinkwaswu swibasile. 20Nakone afa avabyela aku: Leswi swihumaka amhunwini hi swone swimunyamisaka. 21Hikusa andreni kwake kuhuma miyanakanyu leyi mimfani ni vumbuye, ni kuyiva, ni kudlaya, 22ni kuwoswana, ni kunavela ka vukosi, ni mona, ni kukanganyisa, ni kutitrika, ni matrhoho, ni swisandru, ni kutikukumuxa, ni vusinge. 23Hinkwaswu leswo swakubiha swihuma andreni, kutani swinyamisa a mhunu.

Kupfumela ka wansati wa matiko

(Mt 15:21-28)

24Atiki asuka kone aya mintremanweni ya le Tiri. Loko anhingeni andlwini afa angarandranga leswaku switibyiwa hi mhunu leswaku akone. Kambe angaswikotanga kutifihla. 25A wansati lweyi a n'wanake wa wanhwanyana afaka ani moya lowu mfani, ayingela leswaku Yene akone, ahatla anhingena, akhisama minengeni yake. 26A wansati lweyo afa angali mu-Yuda, kambe afa ali mu-Sirofinisiya. Amukombela leswaku ahlongola a demoni ku n'wanakwe. 27Kambe Yene ayangula aku: Trika a vana vada vaxura, kusungula. Hikusa ahi swa hombe kuteka a kati dra vana vatxukumetela a swimbyanyana. 28A wansati ayangula aku: Im'na, we Hosi, kambe na swone swimbyanyana swida vuntlhantlha lebyi byiwaka hansi ka tafula dra vana. 29Kutani Yene amubyela aku: Uhlaya swone! Muka, hikusa a demoni drihumile ku n'wanaku. 30Lweyi wansati atiki amuka a kaya, ayakuma a n'wanakwe na ayetleli vunan'wini, hikusa a demoni afa drihumile ku yene.

Kuhanyisiwa ka wa kufa-tindleve ni kudukudela

31Kutani Yene atlheli asuka atikweni dra Tiri atremakanya hi dra Sidoni, akongoma tiva dra le Galileya, hi kutremakanya mintremano ya Dekapolisi. 32Kutani a vhanu vamutisela a mhunu wa kufa-tindleve, wa kudukudela, vakombela Yesu leswaku amuntlhanteka a mavoko. 33Kuti loko amutrhineteli tlhelweni akulenyana ni xitrhungu, anhingenisa tintiho atindleveni takwe, ava athukela mari amukhumba lidrimi. 34Kutani alavisa Tilweni, ahefemula aku ku yene: Efatha! Ritu ledri hi Xiaramu drihlayaka leswaku Pfuleka. 35Xikan'we kupfuleka a tindleve ta mhunu lweyo, kuntrhunxeka nsiha wa lidrimi drakwe, ava akhanela swinene. 36Kolahu ahangavaleleta kuka vangabyeli mhunu. Kambe loko atekisa kuvaleleta, hi laha vone vatekisaka kuswihangalasa. 37Nakone afa vahlamala ngopfu-ngopfu, vaku: Ayentxi hinkwaswu swinene. Ayingelisa va kufa-tindleve ni kuvulavulisa timbheveve.

Currently Selected:

Mrk 7: NTX2007

Highlight

Copy