Yhn 9

Kuhanyisiwa ka mhunu angapswaliwa na afi mahlu

1Loko Yesu alikari akhalutela mahlweni, avona mhunu lweyi apswaliwiki na afi mahlu. 2#Lavisa Khm 20:5. Kutani vadondrisiwa vakwe vamuvutisa vaku: Mufundrisi, xana i mani lweyi angadoha, xana hi yelweyi kumbe i vapswele vakwe; leswi angapswaliwa na afi mahlu, xana? 3Yesu ayangula, aku: Ahi yene lweyi angadoha, nambi vali vapswele vakwe; kambe hileswaku a mintiro ya Xikwembu Nkulukumba mitavoneka ha yene. 4Hifaneli kutira mintiro ya lweyi anirumiki, na dambu dringasangana pela; a vusiku byata, lebyi mhunu atakava angahakoti kutira hikola ka byone. 5#Lavisa 8:12 ni xikombiso. Loko nahali misaveni ni kuvaninga ka misava. 6#Fananisa Mrk 8:23. Kuti loko ahlayi leswo, athukela hansi apfuva ntraka hi mari, atota a mahlu ya lweyi wa kufa mahlu hi ntraka wa kone, 7ahangaku ku yene: Famba uyahlamba anhlobyeni ya Silowa #9:7 A nhlovo ya Silowa afa yikumeka andreni ka makhumbi ya Yerusalema. Lavisa 2 Vf 20:20; Ezy 8:6. (hileswaku Ntrumi.) Kutani aya hlamba; abuya na avona.

8Lava vayakelaniki na yene ni lava afaka vamuvona na ali mukombeli, vaku: Xana a mhunu lweyi ahi yene lweyi afaka atolovela kutrhama akombela xana? 9Van'we vaku: Hi yene. Van'wna vaku: Im'hi, ahi yene; kambe afana na yene. Yene ha vuswake aku: Hi mine! 10Kutani vaku ku yene: A mahlu yaku mapfulisiwi kuyini xana? 11Yene ahangayangula, aku: A mhunu lweyi valiki hi Yesu, apfuvi ntraka, anitota mahlu ha wone, kutani aku ku mine: Famba uyahlamba a nhlobyeni ya Silowa. Nahangafamba, niyahlamba, kutani nivona. 12Vaku ku yene: Akwini a mhunu yelweyi? Aku: Animutivi.

A vafarisi vakaneta ntamu wa Yesu

13A mhunu lweyi afaka ali wa kufa mahlu, ntrhaku vamuyisi ku vafarisi. 14A siku ledri Yesu angapfuva ntraka apfula mahlu ya mhunu lweyo ha drone, afa dri siku dra Savata. 15A vafarisi na vone vamuvutisa leswi apfulisiwiki xiswone a mahlu. Yene aku ku vone: Anitoti mahlu hi ntraka; niva niyahlamba, kutani navona. 16Van'we vafarisi vaku: Lweyi ayentxiki leswi angapfi ku Xikwembu Nkulukumba, hikusa angalondrisi Savata. Van'wana vaku: Xana mhunu lweyi anga mudohi angaswikotisa kuyini kuyentxa mahlolana yange hi lawa xana? Kutani afa kuni kuhambana amakari kwavu. 17Vatlhela vavutisa lweyi faka ali wa kufa mahlu, vaku: Wene-ke uli yini ha yene, leswi akupfuliki mahlu? Yene aku: I muprofeta!

18A va-Yuda afa vangapfumeli leswaku a mhunu lweyi afa ali wa kufa mahlu, ni leswaku swoswi awavona, vako vavitana vapswali vakwe; 19vavavutisa, vaku: Xana a mhunu lweyi i n'wanenu, lweyi n'wihlayaka leswaku apswaliwi na afi mahlu xana? Swoswi aswikotisa kuyini akuvona xana? 20A vapswali vakwe vayangula vaku: Haswitiva leswaku lweyi i n'waneru, ni leswaku apswaliwi na afi mahlu. 21Kambe leswi swiyentxiki leswaku swoswi avona, ahiswitivi, ni lweyi amupfuliki mahlu, ahimutivi. Muvutisani, i nkulu, atatiyangulela. 22#Lavisa 7:13 ni xikombiso. A vapswali afa vahlayisa xileswo hikutxhava ava fambisi va va-Yuda. Hikusa va-Yuda afa vayingelani leswaku, loko mhunu mun'wana anga txhuka ahlaya leswaku Yesu hi Mesiya, ata hlongoliwa a Tempeleni. 23Hikolahu a vapswali vakwe vangaku: Yene i nkulu, muvutisani. 24Vatlhela nangweso vavitana mhunu lweyi afaka ali wa kufa mahlu, vaku ku yene: Twalisa Xikwembu Nkulukumba!#9:24 A maritu ya ku Twalisa Xikwembu Nkulukumba afa vamahlaya akuva masindrisa mhunu a kuhlaya xihlayelamfuri. Hine haswitiva leswaku a mhunu lweyo i mudohi. 25Yene aku: Mine aniswitivi leswaku i mudohi. Nitiva ntxhumu mun'we ntsena: swinga leswaku afa ningavoni, kambe swoswi navona. 26Vaku ku yene: Ayentxi yini ku wene? Akupfulisi kuyini a mahlu xana? 27Avayangula, aku: Nin'wibyeli khale, kambe an'wipfumelanga ku mine. Hikola ka yini n'widjulaka kutlhela n'wiyingela mhaka leyi xana? Na n'wine n'widjula kuva vadondrisiwa vakwe xana? 28Kutani vamuruketela vaku: Hi wene unga mudondrisiwa wakwe. Hine hi vadondrisiwa va Moxe. 29Haswitiva leswaku Xikwembu Nkulukumba avulavuli na Moxe, kambe a mhunu lweyo, ahikutivi lomu apfaka kone. 30Lweyi apfuliwiki mahlu avayangula, aku: Hi leswi swihlamalisaka ha kakunene, leswaku an'wikutivi lomu apfaka kone, kasi anipfuli mahlu! 31#Lavisa Ezy 1:15; Mps 16; 66:18. Haswitiva leswaku Xikwembu Nkulukumba angayingeli vadohi; kambe loko mhunu ali mutxhavi wa Xikwembu Nkulukumba, ayentxa ni kurandra kwake, Yene awamuyingela. 32Kusukela akusunguleni ka misava akungiyingeliwa ni siku ni drin'we leswaku mhunu asama apfula mahlu amun'wana mhunu lweyi apswaliwiki na afi mahlu. 33Loko afa mhunu lweyo angapfi ku Xikwembu Nkulukumba, afa angatikota kuyentxa ntxhumu. 34Vamuyangula vafarisi vaku: Wene upswaliwi nsileni ya swidoho, ungahi dondrisa xana? Kutani vamuhlongola.

Vufamahlu bya vafarisi

35Yesu ayingela leswaku vamuhlongolile, andlwini ya Xikwembu Nkulukumba. Kutani amudjula, aku ku yene: Xana wapfumela ku N'wana wa Mhunu xana? 36Yene ayangula aku: Hi mani we Hosi, nitapfumela ku yene? 37Yesu aku ku yene: Umuvonile, hi yelweyi avulavulaka na wene. 38Yene ayangula aku: Hosi, napfumela. Kutani akhisama mahlweni ka Yesu.

39Yesu aku: Nitile misaveni leyi kutayavanyisa leswaku lava vangavoniki vavona, ni leswaku lava vavonaka vandruluka va kufa mahlu. 40Vafarisi van'wana lava afaka vali na yene, vayingela maritu lawa, kutani vaku ku yene: Xana na hine hi va kufa mahlu ke? 41Yesu aku ku vone: Loko afa n'wi va kufa mahlu, afa n'wingativana nandru; kambe swoswi, leswi n'wiliki: Havona, hi kone n'wingani nandru.

Currently Selected:

Yhn 9: NTX2007

Highlight

Copy