Mnt 6

Kuhlawuliwa ka vadiyakoni va kusungula

1Amasikwini lawo, hikuva a vadondrisiwa vayandrile, kavini kun'unun'uta ka va-helenista, hinkonta ya va-Heberu, hi leswi a vavasati va mafelwa vavu afaka vasiyiwa akuyaveleni ka siku drin'wana ni drin'wana.

2Lava va khume na vabiri vahangavitana vunyingi bya vadondrisiwa vaku ku vone: Ahi swa hombe akuva hitrika kurera ritu dra Xikwembu Nkulukumba akuva hitira amatafuleni. 3Ke, vamakweru, tihlawulelani a vavanuna amakari kwenu va ntlhanu na vabiri, lava va kudumbeka ni vutivi lava vataliki hi Moya wa Kuxwenga akuva hitavabeka valavisela ntiro lowu. 4Hine, hitatiyisela akukhongoteni ni le ntirweni wa kuhlaya ritu dra Xikwembu Nkulukumba. 5Hinkwavu vayingelana, kutani vahlawula Stefano, a wanuna lweyi ataliki hi kupfumela ni hi Moya wa Kuxwenga, na Filipi, na Prokoro, na Nikanori, na Timoni, na Permenasi, na Nikolawu lweyi wa muproselita#6:5 Muproselita: kuhlayiwa a mhunu lweyi andrulukeliki a vukhongotini bya xi-Yuda. wa le Antiyokiya. 6Vavabeka mahlweni ka vapostola; kuti loko vavakhongotile, vavantlhanteka mavoko. 7A ritu dra Xikwembu Nkulukumba afa driya mahlweni, na yone nhlayu ya vadondrisiwa afa yiyandra ngopfu a Yerusalema; mfuri a vunyingi bya vaprista afa vayamukela vupfumeli.

Kukhomiwa ka Stefano

8Stefano, lweyi ataliki hi timpswalu ni ntamu, afa ayentxa mahlolana ni swikombiso amakari ka tiko. 9Kolahu, kuyima vavanuna va sinagoga dra lava vahlayiwaka va Vatrhunxiwa, ni va-Kirene, ni va Alixandriya, ni van'wana lava vahumiki le Kilikiya na Aziya, vakanetana na Stefano. 10Kambe vahluleka kulwa ni vutlhari ni Moya lowu afaka avulavula ha wone. 11Kolahu vahakela a vhanu akuva vaku: Hayingeli wanuna lweyi ahlaya maritu ya kusandra Moxe ni Xikwembu Nkulukumba! 12Hi ndlela leyi vapfuxa tiko, ni vakulu ni vatrali, vamutela, vamuwutla, vamuyisa hubyini. 13Kutani vahumexa timboni tin'wana ta madrimi leti tingaku: A mhunu lweyi, angatriki kuhlaya maritu ya kusola a mbangu lowu wa kuxwenga ni Nawu; 14hikuva hitrhama hikumuyingela na ahlaya leswaku Yesu, mu-Nazarete, atahohlota a mbangu lowu, ni kundruluta swihila leswi Moxe ahinyikiki. 15Hinkwavu lava afaka vatrhamisi hubyini, vapondrolela Stefano, vavona vuso byake swanga i vuso bya ntrumi.

Currently Selected:

Mnt 6: NTX2007

Highlight

Copy