MARKUS 8
8
Yesus melei kembuk epat ribau tun
(Mat. 15:32-39)
1Pado waktau'o ade igai tun dau sekilai jumlahne, kerno tobo'o coa temuan kembuk, Yesus medeu murid-murid-Ne ngen madeak: 2“Atei-Ku tegerok ngen selen ngen tun dau yo. Kerno bi telau bilai tobo'o temotoa Uku ngen tobo'o co a temuan kembuk. 3Amen Uku meluak tobo'o belek moi umeakne ngen kenyemen, tobo'o bakea ubuak neak dalen, sebab ade de teko kunei ku'uak.”
4Murid-murid-Ne jemawab, “Awei ipe neak penan de sunyai yo tun dapet melei tobo'o ruti sapei kenyang?”
5Yesus betanye ngen tobo'o, “Kedau ruti de ade ngen udi?”
Tobo'o jemawab, “Tujuak.”
6Lajau Si meluak tun dau'o temot neak pitok. Sesudo'o Si mok tujuak ruti'o, mucep syukur, megit ruti'o ngen tangen-Ne magiakne ngen murid-murid-Ne utuk nagiakne, tobo'o meleine ngen tundau. 7Tobo'o kulo temuan kekedau kan, sesudo mucep syukur ngen Allah Si meluak supayo kan'o kulo nagiak ngen tun dau'o. 8Ngen tobo'o mbuk ruti sapei kenyang. Sesudo'o tun melungguk tieak-tieak ruti, sekedau tujuak bokoa. 9Tobo'o ade kekiro patribau tun. Lajau Yesus meluak tobo'o belek. 10Si segro kenek moi biduk ngen murid-murid-Ne lalau moi daerah Dalmanuta.
Tun Farisi minoi tando
(Mat. 16:1-4)
11 #
Mat. 12:38-39; Luk. 11:16, 29 Lajau timboa ba tun-tun Farisi ngen muloi bedebat ngen Yesus. Utuk cemubo Si tobo'o minoi kunei-Si do tando kunei surgo. 12Mako ngeluhba Si lem ateine ngen madeak, “Getai tun-tun jaman yo minoi tando? Uku madeak ngen udi, sesungguakne ngen tun jaman yo dedebat coa bakea nelei tando.”
13Si teminggea tobo'o; Si kenek kulo moi biduk ngen lalau moi dipoa.
Tetang agai tun Farisi ngen agai Herodes
(Mat. 16:5-12)
14Murid-murid Yesus coa tinget mbin ruti, kecuali do ruti bae de ade ngen tobo'o lem biduk. 15#Luk. 12:1 Lajau Yesus melei peringatan ngen tobo'o, nadeak-Ne, “Bejago-jagoba ngen teatei te adep agai tun Farisi ngen agai Herodes.”
16Mako tobo'o bepeker-peker ngen suang madeak, “Neak antaro tobo'o bahwo tobo'o coa temuan ruti.”
17Waktau Yesus namen jano de tobo'o madeak, Si madeak, “Getai udi madeak sual coa ade ruti? Ati kulo udi namen ngen ngertai? Bi katubba otoknu? 18#Yer. 5:21; Yeh. 12:2; Mrk. 4:12 Udi temuan matai, coaba udi kemliak ngen udi temuan ti'uk, coaba udi temi'uk? Coaba udi coa inget igai. 19Pado waktau Uku megit lemo ruti utuk lemo ribau tun'o, kedau bokoa penuak tieak-tieak ruti udi nelungguk?”
Tobo'o jemawab, “Duai belas bokoa.”
20“Pado waktau tujuak ruti utuk pat ribau tun'o, kedau bokoa penuak tieak-tieak ruti udi nelungguk?”
Tobo'o janawab, “Tujuak bokoa.”
21Lajau nadeak Yesus ngen tobo'o, “Masiak udi ati ngertai?”
Yesus kema'en tun sutai neak Betsaida
22Sesudo'o sapei ba Yesus ngen murid-murid-Ne neak Betsaida. Neak di tun mbin ngen Yesus su'ang tun sutai ngen tobo'o minoi ngen-Si supayo Si gemindoane. 23Yesus megong tangen tun sutai'o ngen mbin si moi luea sadei. Lajau Si temkek matai tun'o ngen mpek tangen-Ne dasne, ngen betanye, “Sudoba ko kemliak sesuaktau?”
24Tun'o kemliak moi muko, lajau madeak, “Uku kemliak tun kerno kemliak tobo'o paneu, tapi ketenne awei pun-pun.”
25Yesus mpek igai tangen-Ne moi matai tun, o, mako tun'o benea-benea ngeliak ngen bika'en, sehinggo si dapet ngeliak kute sesuatau ngen jelas. 26Sesudo'o Yesus meluak si belek moi umeakne ngen madeak, “Jibeak masuk moi sadei!”
Petrus ngakau
(Mat. 16:13-20; Luk. 9:18-21)
27Sesudo'o Yesus ngen murid-muridne berakat moi sadei-sadei neak rogok Kaisarea Filifi. Neak tengeak dalen Si temnai ngen murid-murid-Ne, nadeak-Ne, “Nadeak tun, api Uku yo?”
28 #
Mrk. 6:14-15; Luk. 9:7-9 Tobo'o jemewab, “Ade de madeak: Yohanes Pembaptis, ade kulo de madeak: Elia, ade kulo de madeak: Suang kunei paro nebai.”
29 #
Yoh. 6:68-69
Yesus temnai ngen tobo'o, “Tapi temurut ko, api Uku yo?”
Mako Petrus jamawab, “Ko adeba Mesias!”
30Lajau Yesus temgeak tobo'o ngen tegas supayo jibeak melei namen ngen api bae tetang Si.
Melei namen tetang derito Yesus ngen syarat-syarat motoa Si
(Mat. 16:21-28; Luk. 9:22-27)
31Sesudo'o muloiba Yesus majea ngen tobo'o bahwo Anok Manusio harus temanggung dau derito ngen tenulok ngen tetuai, imem-imem kepalo ngen gu'au-gu'au agamo, lajau nunuak ngen idup igai sesudo telau bilai. 32Hal yo de nadeak-Ne ngen terus te'ang. Tapi Petrus seme'et Yesus moi biding ngen temgua Si. 33Mako muang papeaba Yesus ngen samo kemliak murid-murid-Ne Si mengiak Petrus, nadeak-Ne, “Lalauba Iblis, sebab ko iso meker jano de neker Allah, seluyen jano de neker manusio.”
34 #
Mat. 10:38; Luk. 14:27 Lajau Yesus menok tun dau ngen murid-murid-Ne, madeak ngen tobo'o, “Ti'ep tun de lok motoa Uku, si harus coa makau diraine, musung salibne ngen motoa Uku. 35#Mat. 10:39; Luk. 17:33; Yoh. 12:25 Kerno api de lok semlamat nyabaine, sibakea nyep nyabaine; tapi api bae nyep nyabaine kerno Uku ngen kerno Bito Baik, si bakea semlamatne. 36Jano gunone su'ang tun dapet kute dunio, tapi nyabaine nyep. 37Kerno jano de dapet neleine sebagoi gitei nyabaine?
38Kerno api bae selek kerno Uku ngen kerno kecek-Ku neak tengeak-tengeak jaman tun-tun uyo de coa setia ngen beduso yo, Anok Manusio kulo bakea selek kerno tun'o amen Si teko be lem kemulioan Bapa-Ne besamo malaikat-malaikat sucai.”
Currently Selected:
MARKUS 8: REJ
Highlight
Share
Copy
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
