LUKAS 2

Yesus laher

(Mat. 1:18-25)

1Pado waktau o Kaisar Agustus kemluea do periteak, meluak sensus kute tun neak dunio. 2Dioba sensus de pertamo kilai nea waktau Kirenius jijai Gubernur neak negrai Siria. 3Mako lalauba kute tun daftar dirai, neak tiep kotane.

4Yusuf kulo lalau kunei kota Nazaret neak Galilea moi Yudea, neak kota Daud de genne Betlehem, – kerno si asalne kunei keluargo ngen royot Daud. 5Si daftar berpok ngen Maria, tunanganne, de gidong tenei lai. 6Ketiko tobo'o neak Betlehem sapeiba waktaune bagiak Maria utuk melaher. 7Si melaher suang anok semanei, anokne de tuai, lajau nukusne ngen kain ngen nulikne neak lem palungan, kerno coa ade penan temalem utuk tobo'o.

Gembala-gembala

8Pado malem o ade gembala-gembala de gidong jemago bebiraine neak padang dukut neak daerah o. 9Tetibo malaikat Tuhan kemten diraine ngen tobo'o, ngen cahayo te'ang kunei Tuhan besinea tem'ang tobo'o. Tobo'o kembiak saben. 10Tapi malaikat o madeak, “Jibeak saben! Sebab uku teko mbin Bito Baik utuk udi – bito de bakea menea kute tun senang. 11Bilai yo bi laher utuk udi juruselamat, adeba Kristus, Tuhan, neak kota Daud. 12Dioba tandone: Ko bakea temau suang cupik de nukus ngen kain ngen nulik neak lem palungan.”

13Tetibo malaikat o senerto dau malaikat luyen, de mujai Allah. Tobo'o madeak,

14“Tepujaiba Allah neak lenget de kembiak lekat!

Ngen neak das bumai, sejahteraba manusio de semnang atei Tuhan!”

15Sesudo'o malaikat-malaikat o teminggea tobo'o ngen belek moi surgo. Gembala-gembala o madeak suang ngen de luyen, “Maroba ite lalau moi Betlehem utuk kemliak jano de tejijai neak di, awei de nelei namen Tuhan ngen ite.”

16Lajau tobo'o gegulut berakat temau Maria, Yusuf ngen cupik o, de gidong gulek neak lem palungan.

17Ketiko gembala-gembala kemliak cupik o, tobo'o melei namen jano de bi nadeak ngen tobo'o tetang Anok o. 18Ngen kute tun de temi'ukne sele tetang jano de nadeak gembala-gembala o ngen tobo'o. 19Tapi Maria ma'ik kute pekaro o neak lem ateine ngen mekerne. 20Gembala-gembala o samo mujai ngen mulio Allah kerno kute de tobo'o teni'uk ngen tobo'o kemliak, kutene sesuai ngen jano de bi nadeak ngen tobo'o.

Yesus nelei gen

21 # Im. 12:3; Luk. 1:31 Waktau genep lapen bilai, Anok o senunat. Si nelei gen Yesus, gen de senbut malaikat ayok Maria ngandung.

Yesus senreak neak Umeak Tuhan

22 # Im. 12:6-8 Sapeiba waktaune Yusuf ngen Maria maneu adat semucai tumurut ukum Musa. Jijai tobo'o mbin Anok o moi Yerusalem utuk senreak ngen Tuhan. 23#Kel. 13:2, 12 Sebab neak lem Ukum Tuhan ade tetulis awei yo, “Tetiep anok semanei de tuai, harus senreak ngen Tuhan.” 24Tobo'o kulo ade maksud semreak kurban, adeba setakin burung tekukur atau duai likup burung daro de u'ai, awei de tentau neak lem Ukum Tuhan.

25Pado waktau o neak Yerusalem ade suang de genne Simeon. Si tun baik, de saben ngen Allah ngen gidong mbot saatne Allah semlamat Israel. Roh Allah semerto si, 26ngen Roh Allah sudo melei namen ngen si, si coa bakea matei ayok kemliak Rajo Penyelamat de jenanjai Tuhan. 27Simeon teko moi Umeak Tuhan ngen napeak Roh Sucai. Pado waktau o Yusuf ngen Maria mbin masuk Yesus, de masiak titik o utuk menea upacara de neriteak ukum agamo. 28Simeon semambut Anok o ngen mikut-Ne, samo mujai Allah, nadeakne:

29“Uyo, Tuhan, kunyauba hamba-Nu yo lalau

lem damai sejahtera, sesuai ngen firman-Nu.

30Sebab mataiku bi kemliak

keselamatan de kunei pado-Nu,

31de bi Ko semiap neak adep kute bangso,

32 # Yes. 42:6, 49:6, 52:10 awei te'ang de tem'ang dalen bagiak bangso-bangso de luyen,

ngen jemijai mulio bagiak umat-Nu, Israel.”

33Bak serto indok Anok o kembiak sele ngen kute jano de nadeak tetang Si. 34Lajau Simeon melei berkat tobo'o ngen madeak ngen Maria, indok Anok o, “Anok yo sudo niliak Allah utuk mukum ngen semlamat dau tun Israel. Si bakea jijai tando kunei Allah, de bakea tentang dau tun. 35Amen awei yo tukokba isai atei tobo'o. Asai Ibo bakea cemcuk atei udi awei pedang de tajem.”

36Neak di kulo ade Hana, suang nebai selawei, anok Fanuel kunei sukau Asyer. Si sudo kembiak tuai omorne. Sesudo nikeak si idup tujuak taun anne sesamo matenne. 37Uyo si jando ngen omorne lapen puluak pat taun. Si coa perneak teminggea Umeak Tuhan. Lueng kelmen si semyang, puaso ngen bedu'o. 38Pado waktau o kulo Si teko moi umeak Allah. Si Mujai Allah ngen miling tetang Anok o ngen kute tun de mbot saatne Allah melepas utuk Yerusalem.

Belek moi Nazaret

39 # Mat. 2:23 Sesudo Yusuf ngen Maria menea kute de harus kunei Ukum Tuhan, tobo'o belek moi Nazaret neak Galilea. 40Anok'o be tambeak lai ngen kuet, penuak hikmat, ngen anugrah Allah ade pado-Ne.

Yesus neak Umeak Tuhan

41 # Kel. 12:1-27; Ul. 16:1-8 Tiep taun tun tuai Yesus lalau moi Yerusalem utuk merayo Bilai Rayo Paskah. 42Ketiko Yesus beromor dua belas taun, tobo'o lalau moi Yerusalem awei de biaso pado bilai rayo o. 43Sesudo pesta o tobo'o belek. Tapi Yesus, anok o, masiak tingea neak Yerusalem, ngen tun tuai-Ne coa namen. 44Tobo'o sako Si milem lem roron. Sesudo paneu de bilai lutup lajau tobo'o mesoa Si neak antaro udi ngen kekuat tobo'o. 45Tapi tobo'o o coa tammau-Ne. Jijai tobo'o belek moi Yerusalem mesoa Si. 46Sesudo telau bilai mesoa, tobo'o temmau Si neak lem Umeak Tuhan. Si gidong temot temi'uk paro gu'au agamo temnai ngen tobo'o. 47Kute tun de temi'uk Si sele kerno jawaban-jawaban-Ne de pacok. 48Tun tuai-Ne indeak kemlik Si. Indok-Ne madeak ngen si, “Nok, getai ko menea yo ngen keme? Tiak-Nu ngen indok-Nu temes mesoa ko!”

49Yesus jemawab, “Getai tiak ngen indok mesoa Uku? Jano tiak ngen indok coa namen Uku arus ade neak lem umeak Bak-Ku?” 50Tapi tobo'o coa ngertai jawaban Yesus.

51Sesudo'o Yesus belek besamo tobo'o moi Nazaret, taat ngen tobo'o. Kute hal o naik indok-Ne neak lem ateine. 52#1Sam. 2:26; Ams. 3:4 Yesus betambeak lai ngen betambeak bijaksana. Si mengasihi Allah ngen sennang tun.

Currently Selected:

LUKAS 2: REJ

Highlight

Copy