KUTURA LITANGILIRA
LITANGILIRA
Lieta kutura livolaa, “Kutanga logendo,” kandi limanyia kekolwa kenene mu liiva lia avandu va Isiraeli. Kitabu yiki chivaaraa kuli vandu va Isiraeli vatanga logendo kutura Egebeti, uwavaali vatugwa. Keveeye mu ni vidonye vine vinene. (1) Livoholorwa lia Vaheburaina kutura mu vutugwa. (2) Ologendo lwavo kuzia ku kiguru cha Sinai. (3) Lilagana lia Nyasaye na avandu va Isiraeli ha Sinai, liavaha limenya lilahi liu vwamihi kandi idini. (4) Liumbaka ni lisiaha havundu ha Avaisiraeli vasigamira Yahova kandi amalago kolondekana nu vusaalisi nu kusigamira Nyasaye.
Linene ku goosi mu ikitabu yiki chivaaraa aga Nyasaye yakola lwa yaavoholora avandu veve kutura mu vutugwa naavakola vave ihiiri eveeye yi Lisuuvirizwa mu ing'inga yiza.
Mundu munene ligali ku vosi mukitabu yiki ni Musa, Mundu wa Nyasaye yatovola kwimilira avandu veve kutura Egebeti. Agamanyikana ligali mu kitabu yiki na malago likomi gaveeye mu muliango gwa 20.
Agaveeye mu kitabu yiki
Avandu va Isiraeli valakulwa kuva avavoholore kutura Egebeti 1:1—15:21
(a) Avatugwa mu Egebeti 1:1-22
(b) Liivulwa lia Musa nilimenya lilie mu mihiga ju kutanga 2:1—4:31
(c) Musa na Haruni vahangalizana nu Mwami wa Egebeti 5:1—11:10
(d) Lilia lie lipasaka nilitanga logendo kutura Egebeti 12:1—15:21
Kutura ku Inyanza Inzakanyu kuduuka mu Kiguru cha Sinai 15:22—18:27
Amalago ni Lilagana 19:1—24:18
Lihema lie Lilagana kandi amigizu gu kusigamira Yahova 25:1—40:38
Currently Selected:
KUTURA LITANGILIRA: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019