Matayo 27

1Lwa bwa kya, avasalisi vanene vosi navakulundu vavandu va kola kyina ku Yesu kumwiita: 2ni va mu boha ni va mu hila ni va mu vika mu makono ga Pilatu wa li govuna munene.

3Hene yaho Yuda, wa mu zama, lwa ya lola u mali kukalagirwa, yeganira ni yiranyira vasalisi vanene naval ulundu, vidonye vyefetha makuml gavaka, 4na a vola, Nda li kwona kigira nzami amasahi ga ta li ne kindu. Navutswa va mu volera, Ga veye ki ku kwinye? Ive u la ga lola ive mwene. 5Naye lwa ya mala kuta vidonye vyefetha mu litempeli, ya twula; kandi ya tsia kwisunga. 6Vasalisi vanene va vugula vidonye vyefetha, ni va vola, Si bu li bulahi kuvivika mu kilinga kyelitempeli, kigira vi veye vyokugula masahi. 7Ma va kola kyina ni va gula mulimi gwomulongi, ha ve hokuta avamenya. 8Kigira yaga mulimi yigwo gwa langwa Mulimi gwa masahi, kuduka lero. 9Hene yaho ga duka amakuva ga Jeremia muprofeti ya vola, na a vola, Va vugula vidonye makumi gavaka vyefetha ubuguli bwomundu wa gulidzwa, ava mu gulidza ku avana va Israeli 10ni va vi twulidza kugula mulimi gwomulongi, kuli Mwami ya ndaga.

11Naye Yesu ya singira imbiri wa govuna: govuna ya mu teva, na a vola, Ive niye Mwami wa Vayuda? Yesu na a mu volera, Ive u voye. 12Avasalisi vanene navakulundu lwa va mu gina, si ya tivula kindu mba. 13Hene yaho Pilatu ya mu volera, Si u hulira vindu vinyingi ndi vya va vola ku ive? 14Naye si ya mu tivulira kali ku likuva lilala: govuna ya luha na a genya ligali. 15Inyinga yelilia govuna ya nala kubohololera kiduma muhambe mulala wa va tovola. 16Va li nomuhambe wa manyekana, wa langwa Baraba. 17Lwa va mala kuvugana, Pilatu ya va teva, Mwenya mmu bohololere u li ha? Baraba naho Yesu u langwa Kristo? 18Kigira ya manya va mu yala kumbodoka yavo. 19Lwa yikala kuntebe yokukalaga kyina, mkali wewe ya mu letera amakuva na a mu volera, U ta kola kindu ku mundu uyo mulungi; kigira lero nyoye lisaleridza linyingi mu maloto kuye. 20Ava salisi vanene navakulundu va goonya kiduma va duke kuteva Baraba, na vononnya Yesu. 21Kandi govuna ya tivula na a va volera, Mwenya mmu bohololere u li ha ku yava vaviri? Ni va vola, Baraba. 22Pilatu ya va volera, Ma nkole ki ku Yesu u langwa Kristo? Ni va mu volera vosi, A bambwe. 23Naye ya vola, Kigira ki, a koli tsimbi ki? Navo va kira kukola liyoga, ni va vola, bambwe. 24Pilatu lwa ya lola si ya nyala kukola kindu, navutswa liyoga lyenya kukira, ya vugula amadzi ni yisaava makorlo gege imbiri wekiduma, na a vola, Si mbeye na kindu ku masahi gomundu mulungi uyu, mwelolere mwinye avene. 25Avandu vosi va tivula ni va vola, Masahi gege ga ve ku kwinye, noku vana vetu. 26Hene yaho ya va bohololera Baraba; na ya kuya Yesu netsinkova; na a bugirira a bambwe.

27Hene yaho avasikari vomunyampara va vugula Yesu, ni va mu hila Praitorio, ni va leta kiduma kyosi kyavasikari. 28Va mu twulidza tsingubo tsitsye ni va mu vika ingubo inzakanyu. 29Kandi va nava itaji ya mafwa ni va mu vika ku mutwe gwigwe, ni va vika ulusi mu mkono mulungi gwigwe; ni va sigama imbiri wewe, ni va mu kolera kihenyahenye, ni va vola, Mirembe Mwami wa Vayuda 30Ni va mu tudzira amate, ni va vugula lusi, ni va mu kuya ku mutwe. 31Lwa va mala kumukolera kihenyahenye va twulidza ingubo, ni va mu vika tsingubo tsitsye, ni va mu hila kumubamba.

32Inyinga va twula va nyola mundu wa Kurene, wa langwa lieta lilye Simoni: mundu uyu va mu niga netsingulu a tsie navo a mu gingire musalaba gwigwe.

33Lwa va duka ha langwa Golgota, litivula lyalyo li veye, Ha kihanga, 34va mu ha iwaini i tsukanyeywi nendulwi a nwe: lwa ya i tsatsama ya sula kunwa. 35Lwa va mala kumubamba va gavannya tsingubo tsitsye ni va kola tsikura; 36ma vikala ni va mu linda ha zana. 37Ni va vika ha mutwe higulu liyalwa lilye lya ng'odwa, UYU NIYE YESU MWAMI WA VAYUDA. 38Hene yaho avivi va viri va bambwa halala naye, mulala ku mukono mulungi na wundi ku mukono mmosi. 39Ava vita ku nzira va mu nyega, ni va sung'usa mitwe gyavo, 40ni va vola, Ive wononnyanga litempeli, wombaka ku madiku gavaka, wehonnye mwene Ive nu u va nu u ve Mwana wa Nyasaye, wika ku musalaba. 41Kandi avasalisi vanene va kola kuli ndiyo na va mu kolera kihenyahenye halala navang'odi navakulundu, ni va vola, 42Ya honnya avandi si a nyala kwehonnya. A veye Mwami wa Israeli; yike kalunu ku musalaba na kwinye ku la mu suuvira. 43Ya suuvira Nyasaye; a mu honnye, kalunu na a va na a mu yanza: kigira ya vola, Inze mbeye Mwana wa Nyasaye. 44Kandi avivi va bambwa halala naye va mu nyega ndiyo.

45Ma kutwula ku isaa yetsitanu nendala kya li kisundi mu kivala kyosi kuduka isaa yetsitanu na tsine. 46Lwa yenya kuduka isaa yetsitanu na tsine, Yesu ya hanzuka nomwoyo munene, na a vola, Eli Eli, lama sabakithani? Ii veye kuvola, Nyasaye wange, Nyasaye wange, kigira ki u ndeki? 47Avalala kuvo ava singira ho, lwa va ga hulira, va vola, Mundu uyu a langanga Elija. 48Nonoho mulala kuvo ya nyagula, na a tsia na a vugula kikaminyu ni izulidza isiki na a vika ku lusi, na a mu nwehidza. 49Na vandi va vola, Leka; ku lole Elija na a va ni yadza kumuhonnya. 50Yesu ya hanzuka kandi, ma ya lakula mwoyo gwigwe. 51Na henza ingubo yeli tempeli ya tandulwa tsimbaala tsiviri, kutwula hegulu kuduka hasi; lirova lya degera; magina gadika; 52vilindwa vya kunuka; nemibiri minyingi gya vandu vatakatifu ava li ni va gona gya simugukidzwa; 53ni gyi twula mu vilindwa inyima yelisimu guka lilye, vingira mu lidala litakatifu ni va loleka ku vanyingi. 54Kandi munyampara wavasikari, navo va linda Yesu halala naye, lwa va lola ubudegeri bwelirova nevindu vya kolwa, va tia muno, ni va vola, Ligali uyu ya li Mwana wa Nyasaye. 55Va li ho avakali vanyingi, va henzera ihale, ava londa Yesu kutwula Galilaya, ni va mu tumekira: 56kuvo va li mu Maria Magdalene, na Maria mama wa Yakobo na Yose, na mama wa vana va Zebedayo. 57Lwa gwa duka mgolova, mundu mutugi wa Arimathia, wa langwa Yosefa yadza, mwene ya li mwegidzwi wa Yesu. 58Mundu uyu ya tsia wa Pilatu na a saava mubiri gwa Yesu. Hene yaho Pilatu ya va ha munwa gu haanwe. 59Yosefa ya vugula mubiri, na a gu lingira mungubo yakatani indavu 60na a gu vika mu kilindwa kikve kihya, kya ya kalaga mu ligina: na a gomagominya ligina linene na a kunika bwingiru bwe kilindwa, na a tsia. 61Maria Magdalene ya li ho na Maria wundi, vikala imbiri wekilindwa.

62Mugamba gwa londa lidiku lyokulomba lilia, vasalisi vanene na Vafarisayo va vugana wa Pilatu 63ni va vola, Mwami, kwidzulitsa uyo mugadi ya vola lwa ya kikiri mwoyo, Inze inyima ya madiku gavaka nda simuguka. 64Kigira yaga u va he munwa kulinda kili ndwa bulahi kuduka madiku gavaka gase avegidzwi veve va ladza va mwive na va volere avandu, U simuguki mu vakudzi: nobugadi bwe nyima bu la va ubudamano kuvita bwembiri. 65Pilatu ya va volera Mu veye navasikari: mu tsie kuki linda ligali kuli mu manyanga kulinda. 66Ni va tsia kuboha kilindwa ni va vika ku ligina kyokulolera nokuvika avasikari.

Currently Selected:

Matayo 27: MBE

Highlight

Copy