Kyavalevi 2

1Mundu ku mwinye vosi lwa a letera Yahova kihaanwa kyobusie, kihaanwa kikye ki la va kyobusie bunyuki, naye a la tsuka kubwo maguta, nokuvika kubwo kimuli: 2na a la bu leta ku avana va Haruni avasalisi; naye a la vugula kubwo luhe lulala lwobusie, na lwamaguta, na kimuli kyabwo kyosi. Na musalisi a la vi samba kyokwidzulitsa kyabwo ku bwali, kihaanwa kyokuhaanwa nomuliru, kyokufunyira Yahova mwayu: 3nabwo bu tigala ku busie bu la va bwa Haruni nobwa avana veve: ki veye kindu kitakatifu ligali kyevihaanwa vyokuhaanwa nomuliru ku Yahova.

4Na lwa u haananga kyokuhaanwa kyobusie bwominyirwa mu mahiga ki la va ubukima bwa vula kuvikwa mamera bwobusie bunyuki bwa duvulwa namaguta, kinga vi la va vyapati vi vula kuvikwa mamera, vi vakwa namaguta. 5Kandi kihaanwa kikyo ni ki veye kyobusie bwominyirwa mu sahani, ki la va kyobusie bunyuki bwa vula kuvikwa mamera bwa duvulwa namaguta. 6U la bu donya vidonye, nokutsuka ku magutz: ki veye kihaanwa kyobusie. 7Na kihaanwa kikyo ni ki veye kihaanwa kyobusie bwokukalangwa, ki la lombwa nobusie bunyuki namaguta. 8Na u la leta ku Yahova kihaanwa kya lombwa nevindu yivyo: nakyo ki la letwa ku musalisi naye a la ki leta ku bwali. 9Na musalisi a la vugula kyokwidzulitsa kyekihaanwa kyobusie, na a la ki samba ku bwali, ki veye kihaanwa kyokuhaanwa nomuliru, kyokufunyira Yahova mwayu. 10Nabwo bu tigala ku kihaanwa kyobusie bu la va bwa Haruni na bwa avana veve ki veye kitakatifu ligali ku vindu vi haanangwa ku Yahova nomuliru.

11Ku vyosi kihaanwa kyobusie ki haanwa ku Yahova, ki ta vikwa mu mamera mba; kigira si mu la samba mamera, kinga bwuki vi ve kihaanwa kyokuhaanwa ku Yahova nomuliru mba. 12U la vi haana ku Yahova kuli kihaanwa kyokutanga ligesa: navutswa vi ta duka ku bwali kuva vyomwayu mba. 13Ku vyosi kya u haana kyekihaanwa kikyo kyobusie u la tsuka ku munyu; kandi u ta leka kihaanwa kikyo kyobusie ki gehere munyu gwelilagana lya Nyasaye wowo: u la haana munyu halala nevihaznwa vivyo vyosi.

14Nu u va nu u haana kihaanwa kyobusie bwobuhya ku Yahova, u la mu letera kihaanwa kyobusie kyengano mu vyangala vyayo, yuminywa ku muliru, ingano ya swagwa yevyangala vivisi. 15U la vika ku rnaguta, no uvika ku kimuli: ki veye kihaanwa kyobusie. 16Na musalisi a la samba kyokwidzulitsa kyayo, i veye kidieli kyengano ya swagwa, na kidieli kya maguta, halala na kimuli kyosi: ki veye kihaanwa kya haanwa nomuliru ku Yahova.

Currently Selected:

Kyavalevi 2: MBE

Highlight

Copy