Kyavalevi 1

1Yahova ya langa Musa, na a mu volera nomwoyo gwa twula mu lihema lyokuvuganira, mu na a vola, 2U volere avana va Israeli, nokuvavolera, Ku mwinye vosi mundu na a leta kihaanwa ku Yahova, mu la leta kihaanwa kyenyu kyemitugu, ku tsing'ombe naho ku magondi.

3Kindu kyekihaanwa kikye ni ki va ni ki veye kihaanwa kyokusambwa kyetsing'ombe, a la leta igiriki indukanu: a la gi leta ha kiliango kyelihema lyokuvuganira mu, a duke kubugirirwa imbiri wa Yahova. 4Kandi a la vika mukono gwigwe ku mutwe gwekihaanwa kyokusambwa; nakyo ki la bugirirwa kuye kuva kyokumukunikira ubwoni bwibwe. 5Naye a liita igiriki imbiri wa Yahova: na avana va Haruni, avasalisi, va la leta masahi, nokuguuha ku tsindulu tsyobwali bu veye ha kiliango kyelihema lyokuvuganira mu. 6Kandi a la nyenya kihaanwa kyokusambwa, nokudonnya vidonye vyayo. 7Na avana va Haruni musalisi va la vika muliru ku bwali, nokuvika tsinku ku muliru, 8na avana va Haruni, avasalisi, va la vika ku vidonye vyenyama, mutwe gwayo, na itinya yayo, vi la lohidzwa ku tsinku tsi veye ku muliru gu veye ku bwali: 9navutswa amala gayo na virenge vyayo a la vyogidza: na musalisi a la samba vyosi ku bwali, kuva kihaanwa kyokusambwa, ki haanwa nomuliru, kyokufunyira Yahova mwayu.

10Na kihaanwa kikye ni ki va ni ki veye kyekyayo, kyamagondi kinga kyetsimbuli, kihaanwa kyokusambwa; a la ki leta kisatsa kidukanu. 11Na a la kiitira ku luvega lwobwali lwa kasikasini, imbiri wa Yahova: na avana va If aruni, avasalisi, va luuha masahi gakyo ku bwali tsimbega tsyosi. 12Naye a la ki donnya vidonye, halala nomutwe gwakyo na itinya yakyo; na musalisi a la vi lohidza ku tsinku tsi veye ku muliru gu veye ku bwali: 13navutswa amala na virenge a la vyogidza namadzi. Na musalisi a la haana vyosi, nokuvisamba ku bwali: ki veye kihaanwa kyokusambwa, kihaanwa kyokuhaanwa nomuliru, kyokufunyira Yahova mwayu.

14Kandi kihaanwa kikye ku Yahova ni ki va ni ki veye kihaanwa kyokusambwa kyamanyonyi, ma a la leta kihaanwa kikye ku makuulu, kinga ku avana va makuulu ga tugwa. 15Na musalisi a la li leta ku bwali, na a la li votola mutwe gwalyo, nokulisamba ku bwali; na masahi galyo ga la tahidzirwa kundulu kwobwali; 16na a la twulidza livodzero lyalyo halala na amandu galyo, nokuvika haluvega hobwali, ku luvega lwevugwe, hobugono bweligoke; 17na a la li tandula netsimbaha tsyalyo, navutswa si a la lyavukanya vidonye viviri mba. Na musalisi a la li samba ku bwali, ku tsinku tsi veye ku muliru: ki veye kihaanwa kyokusambwa: kihaanwa kyokuhaanwa nomuliru, kyokufunyira Yahova mwayu.

Currently Selected:

Kyavalevi 1: MBE

Highlight

Copy