Kutwula 19

1Mu mweli gwa kola gyivaka inyima welitwula lya avana va Israeli mu kivala kya Egepeti, ku lidiku zana va duka mwigendanyama lya Sinai. 2Na lwa va twula ha Refidim, ni va duka mwigendanyama lya Sinai va sosa mwigendanyamana Israeli va sosa imbiri wekigulu. 3Na Musa ya tsia kwanegira ku Nyasaye, na Yahova ya mu langa nomwoyo gwa twula mu kigulu, na a vola, U la volera avenyumba ya Yakobo, noktlvolera avana va Israeli: 4Mu loli aga nda kolera Avaegepeti, na kuli nda mu ginga ku tsimbaha tsyendidzu, na nda mu leta ku inze mwene. 5Kunangwa kalunu, ni mu va ni mu hulira mwoyo gwange ligali, nokugumira lilagana lyange, hene yaho mu la va ku inze, ihiri yange mwene yavukanywa ku vandu vosi: kigira lirova lyosi ni lyange: 6na mwinye mu la va ku inze ubwami bwavasalisi, kandi ihiri intakatifu. Yaga namakuva ga u li volera avana va Israeli.

7Na Musa yadza na a langa avakulundu va vandu, na a vika imbiri wavo amakuva yaga gosi ga Yahova ya mu laga. 8Na avandu vosi va tivula halala, ni va vola, Gosi ga Yahova a voye ku la ga kola. Na Musa ya volera Yahova amakuva gosi Ba avandu. 9Na Yahova ya volera Musa, Henza, nzidzanga ku ive mu lilesi liliduhu, avandu va duke kuhulira lwa mbolerana na ive, kandi va duke kukusuuvira kazozo. Na Musa ya volera Yahova makuva ga vandu. 10Na Yahova ya volera Musa, U tsie ku avandu yavo, u va takase lero na mugamba, na vogidze tsingubo tsyavo, 11na vetegeke ku lidiku li kola gavaka; kigira lidiku li kola gavaka Yahova a liika, yadze ku kigulu kya Sinai imbiri wetsimoni tsya avandu vosi. 12Na u la lombera avandu tsinzako tsimbega tsyosi, na u va volere, Mwehenze mwinye avene, mu tanegira kutsia mu kigulu mba, kinga kudira lwako lwakyo: ku vosi u dira kigulu yiki, ligali a liitwa: 13a la vula kudirwa nomukono gwa mundu kali mulala, navutswa ligali a liitwa nelilaswa magina, kinga nelitumitwa; ni i va inyama kinga na a va mundu, si a la va mwoyo mba: lwa kisiliva ki langirira ligali, va lesunda himbi ku kigulu 14Na Musa ya sulunguta kutwula mu kigulu kutsia ku avandu, na ya takasa avandu; navo vogidza tsingubo. 15Naye ya volera avandu, Mwetegeke ku lidiku li kola gavaka: mu ta va halala nomukali.

16Kunangwa ku lidiku li kola gavaka, inyinga ya mugamba, ha li nelihirigana netsimpeni, na lilesi liliduhu ku kigulu, na mwoyo munene ligali gwekisiliva; na avandu vosi ava li ha lisosa, va degera. 17Na Musa ya leta avandu kuvatwulidza mu lisosa kuvugana na Nyasaye; navo va singira ku luvega lwa isi wekigulu. 18Na kigulu kya Sinai kya vuya mwoki tsirnbega tsyosi, kigira Yahova yika kukyo mu muliru; na mwoki gwakyo gwa duuma kuli mwoki gwekisambiru kinene, na kigulu kyosi kya degara ligali. 19Na mwoyo gwekisilivu lwa gwa kira ligali, Musa ya vola makuva, na Nyasaye ya mu tivulira nomwoyo. 20Na Yahova yika ku kigulu kya Sinai, ku intongi yakyo: na Yahova ya langa Musa a tsie ku intongi yekigulu; na Musa yanegira. 21Na Yahova ya volera Musa, Yika hasi, weganehidze avandu, gase va la sira lwako vadze ku Yahova kuhenza, na vanyingi kuvo va dive. 22Na avasalisi kandi avesunda ku Yahova, vetakase avene, gase Yahova a la va twulira. 23Na Musa ya volera Yahova, Avandu si va nyala kwisunda ku kigulu kya Sinai: kigira ive wa kweganehidza, nu u vola, Mu lombe tsinzako ku tsindulu tsyekigulu, nokukitakasa. 24Na Yahova ya mu volera, Tsia, u sulungute; na u lanegira, ive na Haruni halala nive: navutswa va ta ng'unya kwisunda ku Yahova mba, gase a la va twulira. 25Hene yaho Musa ya sulunguta kuvo, na a va volera.

Currently Selected:

Kutwula 19: MBE

Highlight

Copy