TOWUNÖT 25

1Kip Apraam korketö anka nyo kïkuro Ketura. 2Kïyichï Simran nko Yoksyan nko Medan nko Midyan nko Ispak nko Syua. 3Kïsïch Yoksyan Syepa nko Dedan, kï ki pipö Asyur nko Letus nko cho pö Leum. 4Akï werpö Midyan kï ki: Epa nko Eper nko Anok nko Apida nko Eldaa. Ki monïngo Ketura choni lapay.

5Kïpïsyï Apraam Isak tïkuchi tïkwïl, 6wölo kutö ropöw werkö koruchi cho kile chemïnïngwen,* otini kitökïsöpöy akuwï chane kïpa wölnö le kongasis tökïlowöchitu nko werïnyi Isak.

Karapas Apraam aketïp

7Kïtöpö Apraam ntökïyosit nyoman. Kitïng könyis 175. 8Atolapay kïrapas. 9Kïtïp nyinte werkachi Isak nko Ismael ompö köpöno Makpela nyo kile para Epron, wero Soar nyo kile chi pö Ititi nyo mi kongasispa Mamre, 10#Tow 23:3-16. paranay kyala Apraam pipö Ititi. Wölo kikïtïpchï Apraam nko korkenyi Sara. 11Akwotini kökirapas Apraam, kuperur Tororöt Isak werïnyi. Kimi Isak kïmöngöy atolekïtö Peer Laay Roy#25:11 Peer Laay Roy: Rosa Towunöt 16:13. osiswechoni.

Monïngo Ismael

(1Ot 1:28-31)

12Achï nyu ortïna Ismael wero Apraam nyo kiyichï Akar nyo kile chepö Misri, aki mötworinto Sara nyinte: 13kitïng nyinte werkachi, achï kaynötutkökwa kïrïp kegh nko yiyengwa: montö nyo pö tagh kï Nepaiot, kïrïp Kedar nko Adpeel nko Mipsam nko 14Misma nko Duma nko Masa 15nko Adad nko Tema nko Yetur nko Napis nko Kedema. 16Werchoni pö Ismael cho kile kukötino punton taman nko odeny: kikinkïtunö kaynötut pö kanastin nko wölo kikïmöngöy. 17Kitïng Ismael könyis 137 otini kiröpösöy. 18Kïmang piko yiyenyi kor nyo kimi kwenu Apila nko Syur nyo pörtoy kongasispa Misri ompö or nyo wetöy Asirya. Kipa kïmang wölo lowö piko yiyo Apraam walaka.

Yiyo Esau nko Yakopo

19Achï lökoy cho pö wero Apraam nyo kile papoto Isak. 20Kitïng Isak könyis tömönut angwan otini kipöy Repeka, chepö Petuel nyo pö pipö Sirya ompö koro Mesopotamia, aki chepto ompö Lapan. 21Ki sonö Repeka, kïlenyona kïsagh Isak ECHOTYON ompö nyinte. Kïterchï ECHOTYON nyinte saghatenyi, kïsïkisyö Repeka. 22Kimiröy nyinte monïng cho le sala. Kïporyö monechay ompö muyenyi, kïlö kamanay, “Kïkany ato le nyï, kïpö ne kesöpchö nya?” Kïlenyona, kïwö akïtep ECHOTYON.

23 # Rum 9:12. Kïlenchï ECHOTYON,

“Mi muyengu puntonï odeny

Akï syölöy puntonichï kwodeny iyiyenyi.

Owesitu anka kïsir anka,

pöghisyechini nyo wow nyo mïnïng.”

24Otini kitïta osiswo Repeka cho pö lusyogh, kïyï monechi cho le sala. 25Ki pïrir nyo pö tagh akisapul portanyi tïkwïl le sampï. Kïlenyona, kekurö kaynenyi Esau.#25:25 Esau: Ngölono kaynanoni Seir, kor nyo kipa monïngo Esau kïmang ato le asïyech. Ompö Eprania Seir kï le, “Nyo tïng put cho chang.” 26Kite keyï nyo pö odeny, kimi kïnömonu ewunyi tïtïny pö Esau, kïlenyona, kekurö kaynenyi Yakopo.#25:26 Yakopo: Poru ngölyontononi ompö Eprania lö, “Tïtïny.” Kitïng Isak könyis 65 atoni kisïköy korkenyi monechoni.

Kalta Esau mantanyi nyo pö poretnan

27Kïyetu werchay, kïlïkwï Esau sökosin nyo ngöghom, chi nyo kichömöy kïtöpuno wuw, wölo kitalase Yakopo, chi nyo kimöngöy emen. 28Kïcham Isak Esau tya ompöwölo kichömöy kwomöy pany cho kipkono sakas, wölo kicham Repeka Yakopo.

29Kimi asistanka Yakopo kughoghöy marakwen cho kïkuro denkun. Kwituna Esau sakastanyi, kisutate nyoman. 30Kïlenyona kïlenchï Yakopo, “Kameghan kömöy, kaykay konante sutechona pïröch oyup.” (Nka nyoni kikitö nyinte kaynata Edom.)#25:30 Edom: Poru ngölyontononi ompö Eprania lö, “Pïröch.”

31Kïlenchï Yakopo, “Nyo pö tagh olwanïn mantangu nyo pö poretnan.”

32Kïlö Esau, “Nya kïle choni! Anyï karich ameghan, nyiwu ne mantanyan nyo pö yiyö ompö ani?”

33 # Epr 12:16. Kïlenchï Yakopo, “Omwanïn muma nyo pö tagh.” Kïlenyona, kwomchï Esau muma, kutö Yakopo mantanyi nyo pö poretnan. 34Kutö nyu Yakopo Esau makatyan nko omisyonay pö denkun, kwam akïgha akïnget kïwö. Kïlenyona, kïsas Esau mantanyi nyo pö poretnan.

Kiwuchï Isak Kerar

Currently Selected:

TOWUNÖT 25: PIPÏLIA

Highlight

Copy