OKHUCHIAKA 10

Tsinzibulo tsiabaana ba Noa

(1 Aketsi. 1:5-23)

1Tsino nitsio tsinzibulo tsiabaana ba Noa, Shemu, Hamu, nende Yafetsi. Nabo bebula abaana abasiani olunyuma lwemikhula.

2Abaana ba Yafetsi bali Komeri, Makoku, Madai, Yafani, Tubali, Mesheki nende Tirasi. 3Abaana ba Komeri bali Ashikenasi, Rifatsi, nende Tokama. 4Abaana ba Yafani bali Elisha, Tarishishi, Kitimu nende Dodanimu. 5Nibo abakuka babandu abamenyele khutsinjinga tsietsinyanza nende khubikhalachinga. Yabo nibo abaana ba Yafetsi m'bibala biabwe, buli mukanda nende ol'lolomo lwakwo.

6Abaana ba Hamu bali Kushi, Misiri, Putu nende Kanaani. 7Abaana ba Kushi bali Seba, Hawila, Sabata, Raama, nende Sabateka, ne abaana ba Raama nibaba Sheba nende Dedani. 8Kushi yebula Nimurodi owamala naba omulechi wokhuranga musibala. 9OMWAMI yamukhonya okhuba omuhiitsi omukhongo, niko akachilanga abandu nibaboola mbu, “OMWAMI akhukhonye obe omuhiitsi singa Nimurodi.” 10Mukhuchiaka obwamibwe bwalimwo Babulonia, Ereku, nende Akadi, ne kosi mbwo kali musibala sia Babulonia. 11Olwa yarula musibala yisio yenjila Asiria ma niyombokha amatookho ka Nineve, Rehobotsi Iru, Kala, 12Roseni, elili hakari wa Nineve, nende Kala.

13Misiri yali samwana Ludimu, Anamimu, Lehabimu, Nafutu, 14Petsurusimu, Kasuluhimu (omwa Bafilisiti barula), ma nende Kafutorimu.

15Kanaani naye yali samwana Sidoni omwanawe owokhuranga, nende Hetsi. 16Khandi yali kukanyene abandu betsimbia tsia Yebusi, Amori, Kirikashi, 17Hiwi, Ariki, Sini, 18Arawadi, Semari nende Hamatsi. Olunyumakhwo ebilibwa bia Bakanaani biasalaana hosi hosi. 19Olwakho lwa Bakanaani lwachiachila Sidoni okhutsia emwalo Kerari okhwola Kasa ma nilubambukha okhutsia Sodoma nende Komora, Adama, Seboimu okhwola ahembi nende Lasha. 20Yabo nibo abetsinzibulo tsia Hamu okhulondokhana khubilibwa biabwe nende eb'bala biabwe. Buli silibwa siali nol'lolomo lwasio.

21Shemu, owali omwana mukhulundu wanga Yafetsi niye owali samwana Abaeberi#10:21 Abaeberi Noho Abaheburania. bosi. 22Abaana ba Shemu bali Elamu, Ashuru, Aripakishadi, Ludi nende Aramu. 23Abaana ba Aramu bali Usi, Huli, Ketseri, nende Mashi. 24Aripakishadi niye owali samwana Shela, ne Shela naye yali samwana Eberi. 25Eberi naye yali nabasiani babili, mulala yalangwa Peleki, sichila mumatukhu kaake, abandu bakabulwa musibala, ne oundi yalangwa Yokitani. 26Yokitani yali samwana Alamodadi, Shelefu, Hasari Mawetsi, Yera, 27Hadoramu, Usali, Dikila, 28Obali, Abimaeli, Sheba, 29Ofiri, Hawila, nende Yobabu. Yabo bosi bali abaana ba Yokitani. 30Esibala siabamenyangamwo siarulanga Mesha okhutsia Sefari musibala siebukwe, esiali nebikulu. 31Bano nibo abali abetsinzibulo tsia Shemu okhulondokhana khubilibwa biabwe nende eb'bala biabwe. Buli silibwa sialinji nende ol'lolomo lwasio.

32Abandu yabo bosi bali abebilibwa biabaana ba Noa okhulondokhana khutsinzibulo tsiabwe nende eb'bala biabwe. Olunyuma lwemikhula tsinzibulo tsibili khusibala biarula khubaana ba Noa.

Currently Selected:

OKHUCHIAKA 10: EBAIBO

Highlight

Copy