LUKAS 7
7
Yin BonaĘľanya Bedya Wa Wenya Hwebok Yuba
(Mat. 8:5-13)
1Yesus ara nimi nidyaʾ ak seleb wenyaboka lebgogowosuk dara, alda Kapernaum heikek sam byuk. 2Dara Kapernaum heikek ara yin bonaʾanya bedya alja wanaʾ nong ulumok wa wenya benyek hyak neiknaʾ salamookanya somogoununaʾ ulumok. 3Wera yin bonaʾanya bera, Yesus ara nimi hweboka unulusilnya bera ulumla an yuba kemok dara, Yahudi dub nim ek nadya wa wenya hwebnamlaʾ anasa, alak e yanalum aboka orugosuk. 4Dara sikda Yesus ak yeindeboka, ”Neyung o, yin bonaʾanya bera alda anja arawanalam. 5Alda nunja sokok an nim ek wanaʾ uboka, Yahudi nim edya yuba don e sonaʾ hnon alja arawoka ulusil anasa,” aboka okoka lebek. 6Dara Yesus ara Yahudi nim eb neikaʾ yin bonaʾanya bedya ek byik.
Wera Yesus ara e berem ok so yanggok dara, ”Neyung o, nara anak ara or pe yalem aboka wenyhenggunusinya anasa, salyaʾ kweldal yamenek aboka wenyaboka, nim ek Yesus ak wenyal bululum aboka orugosuk dara, wenyal byik. 7Hnonda leladya, ban nenesa leboka, na nong anaba anak ara yamenggom. Anasa or yub adyok wa wenya bera merewolul aboka yuba beibmen dara, alda merewanemla. 8Anasa wera, nara nadya imik eini dub nang yuba kelemna dara, onoʾ na damumduk onu ulumak nang era nadya yuba kelenyak. Nadya nimi yina bonaʾanya bek, Anyagan yalom, hen dara, yalamla. Onoʾ yoknya bek, Anda bilom, hen dara, alda balamla. Anya nadya wa wenya bek, Ban nenyek unuwalom, hen dara, alda keboka unulamla, wenyamla,” hyek.
9Dara Yesus ara ban wenyan yub enyek kebok dara, hyak loka dabok. Anasa Yesus ara alak diriga yalamek nang ek keeboka wenyhusuk, ”Nara ban benyek na lokja, Israeli nimi gangganek ara, ban unuwoka dib senenanya nera hnon mekaʾ eilinggulumna,” hyok. 10Wera Yesus ak el yeilimek nang era ek saaboka yanggek dara, wa wenya bera seleb meremokaʾ ak eibek.
Goubenya Me EmbengaĘľ Bukiyiwok Yuba
11Dara onoĘľ Yesus ara hnon heik, Nain heikek sam byuk. Wera alja yuba doro diriga ban nang eb, nimi salyaĘľ gong alak arawoka dobdo yabalamek nim eb nauba neikaĘľ bilimek. 12Dara Yesus ara Nain heikek nauba pik sindamak sam nongok oka wekel bok dara, anyagan heik nim era, nimi beĘľ gal ara an jaboka bo gobol yabek. Dara ban somogomok me nera yougel gedya hnonok yando me nek somogomok. Wera heik enyek an nim era nauba gel genyek an neikaĘľ arawoka bo dil balamek. 13Wera Yesus ara me dam gel genyek eibuk dara, hyak angoo yadyek senewookanya alak lebokja, Genong o, anda engenaĘľ ara mem! 14Wenyaboka somogomok me beĘľ dam biniboka soruka salal yabok dara, nimi beĘľ jaboka bo balamek nang era sek lobek. Dara Yesus ara, Wei, goubenya me o, nara anak wenyhenenggen, anda buklom, hyok. 15Wera somogomokaĘľ anyek hwebokaĘľ goubenenya bera, alda bukoka yuba sab einiwok. Dara Yesus ara me nen eiling gek, elegok.
16Dara nimi nidyaʾ lok ganya boboka Imik Neyung ak gigilemek. Anya sikja dara, ”Senenggom ununumnaʾ lesinya bera nu gangganek sam seleb lanawal. Imik Neyung ara alja mabo silibaʾ ak blebnunaʾ aboka, wera seleb yok!” alamek. 17Anedya Yesus ara anaso uboka unulamla an yub era, Yudea mok soko nidyaʾ heik gokgobok sam anaba oboka lelewok.
Yohanes Pembaptis Beb Yesus Ab Yuba
(Mat. 11:2-19)
18Dara Yohanes Pembaptis bera alja yuba doro diriga ban nang edya, Yesus adya nidyaʾ unulumoknya nera, Yohanes bek nekdo byik. 19Dara Yohanes Pembaptis bera alja mabo penya nang ek yoururum aboka, sikda Yesus ak heil binirum aboka lebsukja, ”Neyung o, anda eimik yanamla hyoknya ben gom, nunda yoknya bek diri ulumnemab gom?” aboka hei yanarum aboka orugosuk.
20Wera ban nang era Yesus ak birik dara, ”Yohanes Pembaptis bedya, alak heil binirum aboka orugeisilaʾ anasa heibnenggenem. Neyung o, al anak Imik Neyung yuba lebokaʾ sunuwoka yanamla alamaknya bera anak gom, nunda yok eimik yanalanya bek diri ulumnemab gom?” aboka heibdek. 21Yesus ara ban salek nong era, nimi nauba yok-yok neiknaʾ damok ek ab, igina kweboka okna ulusuknya nek ab, bisaʾ gong goloklesukaʾ hnon yakoka, hwelesuukanya, henga lum nimi nauba mereldilisuk. 22#Yes. 35:5-6, 61:1Anasa Yesus adya sikenek, ”Ugunda Yohanes Pembaptis bek saaboka biniboka, hekaʾ ak ugunja eiyiboka kelelumaʾ anyek, heng lum nim era gwelegoka eillilemak, yana heilimla nimi pe sekoka yabalamak, gororomaʾ adya malya uro delemla nim eneba pe bokaʾ dolomak, o ounugamna nim era kelemak, seleb somogamna nim era embengaʾ bukillilisil, Imik Neyung adyaʾ perob lero yanggan yub era bonaʾ garan nim ek leb elekdo yabalamnaʾ anyek nekdo binirum. 23Nak yokaʾ-yokaʾ amba geregoka lek senewoka longgulunelnya bera, pe ulumla,” hyok.
24Wera Yohanes Pembaptis bedya Yesus ak heil binirum aboka bokosuk nang era seleb birik dara, Yesus ara anyagan nimi nauba longomek nim ek, ”Ugunda heknyek eibnobaʾ aboka hwalek sam ara bililum do? Leiya ak kaboʾ adya bo geklamlyaʾ anyek eibnobaʾ aboka bililum de? 25Ugunda hekaʾ ak eibnobaʾ aboka bililum do? Nimi ben hnon boksoma pe ongolenya benyek eibnobaʾ aboka bililum de? Perob boksom enyek ongowoka, denaʾ pero-pero deregoka ulumak nimi, perob dub nang ulumak heikek ok ulumak. 26Anasa dara, ugunda hekasa bililum do? Ununumnaʾ lelemoknya bek eibnobaʾ aboka bililum de? Aldib, alda hyak onoʾ naubaʾ imik ununumnaʾ lenya bek ulumla. 27#Mal. 3:1Anasa ban alsamba dara, Imik Neyung yuba bukuk sam momnya dobokaʾ ara,
” Imik Neyung adya dara, nadyaʾ boknanya bera an e. Ansamba pika yarawogululaʾ aboka, anda anam bok, alak men mengewoka bokol binimna!”
wenyaboka dobok. 28Nara ugunuk wenyhenesin anyek beknelum, Nimi gelewa adya nidyaʾ sokok an beillilimakaʾ ulumak nim era, Yohanes bek senenggomnya ulumla sokaʾ ara, hnon mekaʾ alsonya bera hnon unggulumek. Bok, alda nim Imik Neyung wenesin heikek ara, hyak mekaʾ anyek ululanya benyek ara, Yohanes bera mek so bok, alak danyek senenggomnya bek ulumla,” hyok.
29 #
Mat. 21:32; Luk. 3:12 Nimi nidyaĘľ nim, mok soko amba rupiah molowoka dolomek nang eb danaba, Yesus adya ban wenyaro lelemok yuba kemek nim era, Imik Neyung adya unulululum hyok yuba perob senemek nim era sik nong anyek, anya Yohanes bedya meka dasuk nim era Imik Neyung adya peldisinaĘľ anyek dib senewek. 30Bok Parisi nang eb, Imik Neyung yuba neksin nang eb dara, Imik Neyung adya unu webnesin senemokaĘľ damok ara, dobnenggunumab aboka lek senemek. Dara onoĘľ sikda hnon Yohanes bedya dara, meka dabsilyek senemek.
31Dara onoʾ Yesus ara lebokja, ”Nimi wene salek ulumak nim era, nadya dara, hekaʾ anasoʾ ak sunuwoka lebnamna do? Sik nong ak dara, hekaʾ anasoʾ ak ulumak do? 32Sik nong ak dara, deknaʾ gasaʾ ak memabo buma hnon bukoka, onoʾ yok mab ek lelemakja,
Nunda ugunsamba eiya hlabnesom bera seblesab bok, ugunda perob senewoka sunuknenggululum! Anya, nunda ugunsamba ganya engen bera seblesab bok, ugunja dara, ganya suguwoka engenggululum!
aboka wenyaldalamak mab enesoʾ ak ulumak. 33Dara Yohanes bera seleb yeiniboka, alda gwanenga meka lobsiniwoka ulumok dara, ugunja dara lelelumja, Alda bisaʾ wekok, wenyalalum! 34Dara ono, nimi dibaʾ me nera yeiniboka, alda gwanenga meka deregoka ulumla enyek, ugunja dara, Ugunda benyek kendululum! Denaʾ hwamnya, yu meka deregoka ganya uu anaʾ hwamnya, rupiah donaʾ nang eb, malya unaʾ hwam nang edyaʾ sikjaʾ hem benya, alalum. 35Bok, geremseng unaʾ damok ak dara, alak dib dolomak nim edya danyek, dibaʾ pelemak beknaʾ ulumla,” hyok.
Malya UnaĘľ Gel Gedya Meewok Yuba
36Dara Parisi nang ben hnon alja Yesus ak nadyaĘľ ek neikaĘľ denenam aboka yalom amok dara, alda biniboka bukoka delemok. 37#Mat. 26:7; Mrk. 14:3; Yoh. 12:3Wera heik enyek ara, gela malya unaĘľ hnoum ulumok gel ge hnon, nidyaĘľ ella ulumek gel gek ulumok. Dara gel gera kebok enyek, Yesus ara Parisinya bedyaĘľ ek sam delemla an yuba kebok dara, alda perob song ngiknaĘľ mek eb boboka Yesus delemokaĘľ ek sam yok. 38Wera gel gera Yesus delemok ak sam alda weilik sekoka, engenaĘľ gadyaĘľ eboka, alja heng mekaĘľ era Yesus adyaĘľ yan sangak sam niniwoka, Yesus adya yan ak ara, alja hong edya heng mekaĘľ luboka, giboka, perob ngiknaĘľ mek era an yanek an yek golumok.
39Wenyek Parisinya bera Yesus ak nadya ek sam denenam aboka e bilimoknya bedya an unuwokaʾ anyek eibuk dara, alja ganya lomok seiniwokja, ”Alda ununumnaʾ lenya bek dara, ban unulamla gel genera alda heknya, alda genyaʾ senewoka ella danamso,” senemok. 40Dara Yesus adya Simon bek, ”Simon o, nadya yokaʾ don anak hnon wenyhenenggen,” hyok. Danyek Simon bedya Yesus ak, ”Yo, neyung o, or wenyhenelom e,” hyok. 41Dara, ”Nimi penya nang edya yoknya bedya rupiah enyek deblorek. Nimi ben hnonda denga yubaʾ lambadya rupiah ak deblomok dara, ben hnonda denga yubaʾ hnonok rupiah ak deblomok. 42Bok rupiah deblorek nang era, lunuwamenggom anasa, wera rupiah damnya bedya sikja deblorek rupiah era deknenggununurum, or deb lobnerum hyok. Anasa ban rupiah deblorek penya nang dara, heknyek pewanel aboka nauba so wanaʾ ulumnamso do?” wenyaboka heibok. 43Wenyek Simon bedya dara, ”Nadya dara, nauba rupiah deb losonya benyek pewanel aboka nauba so wanaʾ ubnamso,” hyok. Dara Yesus adya Simon bek, ”Anja seinilamnya nera aldib seinilam,” hyok.
44Dara onoʾ Yesus ara gel genyek an keeboka Simon bek lebokaʾ ara, ”Anda ban gel genera seleb eiyilam de? Nara anjaʾ ek anam yanggan dara, anda nadya yana mek eleganamna senewoka meka hnon gweboka orowek beibnenggubmanelem bok, ban gel genera alja heng mekaʾ edya nadya yana mek elegoka, onoʾ alja hong edya lubnel. 45Anda nak pe gibnenenggonggom anjaʾ ek doro dibnelem bok, ban gel genera anam wekel yanggan salek ebaʾ moruwoka, nadyaʾ yan ak meka hmobdibigenel sok dangamla. 46Anja dara, nadyaʾ huk dubuk ara, hong ngiknaʾ mek hnon ngiknenggunelem bok, ban gel genera, alda nadyaʾ yan ak sam perob song meka ngikenel. 47Anasa nara anak wenyhenenggen, alja wanaʾ nauba unululanya nenesa, wera aljaʾ senenggom malya unaʾ unululanya nera nidyaʾ doboka bobogamla! Bok, malya unaʾ mekaʾ doboka boloklelanya bera, wanaʾ unaʾ anaba mek ok ulumla,” hyok.
48Dara onoʾ Yesus ara gel genyek an, ”Anja malya unaʾ dara, anak ab seleb memenggen,” hyok. 49Wenyek nimi yok nim, Yesus ab neikaʾ bukoka delemek nim edya sik moumen ganya lomok, ”Ban benera heknyek ulumlaʾ adya, nim adya malya unaʾ era sikenek ab memelesil do?” aboka seinimek. 50Bok Yesus ara ban gel genyek an, ”Anda nak dib senenelemaʾ adya, anak seleb blebgelaʾ anasa, anda ei-ei ganya boboka, or binilam!” hyok.
Currently Selected:
LUKAS 7: LAINLC
Highlight
Share
Copy
Want to have your highlights saved across all your devices? Sign up or sign in
