GENESIS 37
37
Yosep dengan kare paharie
1Yakob manetep intu tanah Kanaan, eka melai bapae, 2tuntang toh saritan turonan Yakob:
Metoh Yosep anak Yakob umure uju walas nyelo, ie mahaga kawan tabiri haya-hayak dengan kare kakae, iete kare anak Bilha tuntang Silpa, due-due gundik bapae. Ie mansuman akan bapae kare gawi papa je ilalus awi kare kakae.
3Yakob labih sayang dengan Yosep bara kakare anake je beken, tagal Yosep inakan metoh bapae jari bakas. Sinde andau inampae akan Yosep ije jubah je bahalap toto.#37:3: jubah … je bahalap toto atawa jubah je panjang lengee. 4Limbah kare kaka Yosep mite je bapa ewen paham sayang dengan Yosep malabien bara dengan ewen, te ewen basingi dengan Yosep, sampai ewen dia maku tinai bapander bua-buah dengae.
5Hong ije alem Yosep nupi, palus metoh ie manyarita nupie te akan kare kakae, te ewen labih basingi haream dengae. 6Toh ie taloh je insuman Yosep dengan ewen, “Hining! 7Aku nupi uras itah kanjeran intu tana mameteng gandom. Palus gandomku mendeng tagap. Te kare peteng gandom keton mangaliling peteng gandomku palus sontop manyembah ie.”
8“Ikau madoe ikau kareh jadi raja tuntang marentah ikei!” tingak kare kakae. Palus ewen labih basingi haream dengae tagal kare nupie tuntang kare taloh je insanae.
9Limbah te Yosep nupi tinai, tuntang insanae akan kare kakae, “Aku nupi tinai, aku mite matanandau, bulan tuntang bintang sontop manyembah aku.”
10Nupi te insumae kea akan bapae. Bapae maningak ie, koae “Nupi narai te? Tirokm aku, indum tuntang kare paharim handak dumah tuntang sontop manyembah ikau?” 11#Gaw. Ras. 7:9 Kare kaka Yosep bahiri dengae, tapi bapae tetep manirok nupi te.
Yosep injual palus imbit akan Misir
12Sinde andau metoh kare kaka Yosep haguet akan Sikhem manyakatik kawan tabirin bapa ewen, 13Yakob hamauh dengan Yosep, “Keleh haguet akan Sikhem, akan eka kare kakam manyakatik kawan tabiri ain itah”. Tombah Yosep, “Yoh, pa”.
14Koan bapae, “Tampayah kilen ampin kare kakam dengan kare tabiri, palus buli mansanan akangku.” Limbah te ilapase anake Yosep haguet malihi petak Rampar Hebron.
Dia tahi limbah te Yosep sampai intu Sikhem. 15Metoh ie mananjong kanih kate intu janah, ie hasondau dengan ije biti oloh hatue je misek ie, “Narai je inggaum?”
16“Kare kakaku. Ewen kanjerae manyakatik kawan tabiri” koan Yosep, “en katawam intu kueh ewen te?”
17Koan oloh te, “Ewen jari haguet bara hetoh. Hiningku ewen hamauh je ewen handak haguet akan Dotan.”
18Bara kejau ewen mite Yosep, tuntang helo bara ie sampai talih ewen, ewen pakat handak mampatei ie. 19Ewen hamauh sama arep ewen, “Item, tukang nupi te dumah. 20Ayo itah mampatei ie palus manjakah hantue akan huang kalin danum je keang. Kareh itah mansuman je ie jari imisak meto basiak. Kareh gitan itah kajarian kare nupi te.”
21Ruben mahining kanahuang ewen te, palus ie manggau jalan mangat manyalamat Yosep. “Ela mampatei ie,” koae. 22“Keleh itah manjakah ie akan huang kalin danum intu padang pasir toh, tapi ela itah mamukul atawa mampahimang ie.” Taloh te insanae awi ie handak manyalamat Yosep tuntang manyoho ie buli akan huma. 23Metoh Yosep sampai kare kakae, ewen mengkak jubah Yosep je bahalap#37:23: jubah … je bahalap atawa jubah balenge panjang. toto te hayak kakasar ewen. 24Palus ewen mihir ie palus malabohe akan huang kalin danum je keang.
25Metoh ewen kanjerae kuman, salenga gitan ewen ije kawan dagang oloh Ismael je kanjerae hong pangguete bara Gilead akan Misir. Kare onta ain ewen mamuat rarampah tuntang kismis. 26Balalu koan Yuda dengan kare paharie, “Narai gunae mampatei andi itah tuntang milim pampatei te? 27Keleh itah manjual akan oloh Ismael te. Dia usah itah ngapehe ie. Aloh kilen kea ie te andi itah kabuat.” Kare paharie maku. 28#Gaw. Ras. 7:9 Palus metoh pire-pire Sadagar Midian#37:28: Midian: Tapaare oloh Midian tuntang oloh Ismael te oloh dagang. Kinjap ewen te dia ingabeken awi oloh Midian ianggap sama dengan oloh Ismael. mahalau, Yosep impalua awi kare kakae#37:28: kare kakae; Ibrani ewen (iete oloh Midian). bara huang kalin danum te. Ie palus injual akan oloh Ismael te dengan rega due puluh kabawak duit perak. Limbah te kare sadagar te mimbit ie akan Misir.
29Metoh Ruben haluli akan kalin danum te tuntang dia sondau Yosep hete, imbisake pakaiae awi pehe ateie. 30Ie haluli manalih kare paharie palus hamauh, “Anak te jaton ati tinai hete! Narai je patut iawiku toh?”
31Balalu ewen manyambalih ije kongan kambing tuntang mansulop jubah Yosep akan dahan kambing te. 32Palus jubah te inyoho awi ewen magahe akan bapa ewen impahayak peteh, “Jubah toh sondau ikei. En toh ain anak bapa?”
33Yakob kasene jubah te, palus hamauh, “Toto jetoh jubah anakku! Batantu ie jari imisak meto basiak. Kayah, anakku Yosep jari matei imisak meto te!” 34Yakob marabit pakaiae awi pehe atei tuntang mahapan pakaian tatum. Tahi andaue ie manatum anake. 35Kare anake, aloh je hatue atawa bawi dumah mampong ie, tapi ie dia maku iampong. Koae, “Sampai matei aku harajur manatum anakku.” Tumon te ie harajur manatum tagal Yosep anake.
36Pandehan te, intu Misir, kare oloh Midian jari manjual Yosep akan Potipar, ije biti pagawai ain raja, kapalan oloh je manjaga istana.
Currently Selected:
GENESIS 37: NIJ
Highlight
Share
Copy
Want to have your highlights saved across all your devices? Sign up or sign in
