PETRUS 1 5

Ḷukadai kopira in domba mita i Allah

1Naa in tongginaku mita kon itoi mita in jamaat i Allah inta kon sigad monimu. Akuoi in nomais tanaa saḷakubí yobayat topogaidan in itoi mita in jamaat bo saḷaku intau inta ain nokoontong tontaní kon roriga i Kristus, bo inta moitakin doman kon kamuliaan inta popoontong i Kristus kon intau kon singgai moiduduimai. Poigumonku totok 2#Yoh. 21:15-17 ḷukadaibí monimu kopiaraan in domba i Allah inta ain pinosarakan kon i monimu. Ḷukadai takin sanang in gina ná inta kinoibog i Allah, dikabí tongá pakisa in gina. Bo dika doman mogaid kon oaidan tatua tongá sakadar motayak kon kauntungan tontaní, táe aidaibí intua sin lantaranbí moiko totu-totuubí moibog mopobayá in oaidan i Allah. 3Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia. 4Sahingga in kon wakutu Gombala inta momulia mamangoi bui, moiko in motarima kon tombuinag moḷoben inta diá mogogu-goguyaat.

5 # Ams. 3:34 Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.” 6#Mat. 23:12; Luk. 14:11, 18:14 Manangka intua kodu-koduduidon in moiko kon kawasa i Allah inta moropot, sinbá poḷantudon-Nea in moiko aka wakutuneadon. 7Posarakaidon kon i Allah in bayongan inta mokoḻia-ḻiaw kon ginamu, sin Siabí in umuran moindoi kon inimu.

8Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon. 9Ḷawang in sia takin pirisayamu inta moroton, sinbá kotaauandon monimu kon utat mita naton inta mopirisaya kon i Kristus kon bayongan dunia naa in nokorasa doman kon Roriga naonda bo moiko. 10Táe naonda in moiko nokorasa kon roriga motoyong, yo ki Allah tontaní in moposompurna kon i monimu. Potorindogon-Nea bo iropotan in moiko. Sin Sia in Allahbí inta totok mopia in gina, inta ain nogoiní kon i monimu sinbá moitakin doman mokorasa kon kopia-Nea inta mononoi pongin i Kristus. 11Siabí doman tua inta mongawasa modapot in kopaḷutan in yagi-yagi! Amin.

Salam bo simpod in surat

12 # Rsl. 15:22, 40 Suratku inta nopoḷok tanaa in pinoki paisku kon i Silas, intau inta inanggapkudon ginaḷum bo motaau pirisayaan. Surat tanaa in pinotuju kon i monimu. Akuoi in mononggina bo mopoyakin kon i monimu, kon onu inta pinaisku naa in habarbí totuu soaḷ totabi i Allah. Manangka intua akuoi in moguman sinbá moiko in umuran mokoporoton in kumadai kon totabi i Allah kon i monimu.

13 # Rsl. 12:12, 25, 13:13, 15:37-39; Kol. 4:10; Plm. 1:24 Yobayat mita tojamaatan takinku kon Babilon,#5:13: Babilon: Ná inta kon bonu in Buk Wahyu degá Babilon mopotundú kon Rum. inta ain piniḻí doman i Allah, nokipoyaput in salam kon i monimu; natua doman in ki Markus ki adíku inta kinotabiku. 14Moiko in musti mosisalaman tobatú bo tobatú takin tabi saḷaku tumpaḷa Keresten.

Poigumonku mako ki Tuhan mobogoi in barakat bo kobiagan motompia kon i monimu komintan inta ain nobaḻí kapunyaan i Kristus.

Horomat nami, Ki Petrus

Currently Selected:

PETRUS 1 5: INOMOG

Highlight

Copy