MATIUS 16

To mia-mian nu Farisi nomoita hi Yesus da mombau anu okabangangi

(Mrk. 8:11-13, Luk. 12:54-56)

1 # Mat. 12:38, Luk. 11:16 Daagi' kino pia-piangkuka na mian nu Farisi ka' mian nu Saduki tinoka hi Yesus nonsobai Ia. Aha nompoita Ia mombau anu okabangangi da mompototu'u taalu' Ia tinoka lengkat mae hi Tumpu Allah. 2I Yesus nontaami, [“De batu nu sinaa ohanimo makakinsap, komiu motatae, ‘Sinaa ma'ima', saba' langitnyo momea'.’ 3Ka' daagi' subu komiu motatae, ‘Sinaa aiya ujanmo, saba' langit momea' ka' mohungkom.’ Jadi, komiu timbali mongkila-kila loonu, kalana montoa baunyo nu langit, padahan tanda-tanda nu tempo'nyo kiamat madi' opoko kila-kila miu!”] 4#Mat. 12:39, Luk. 11:29 “Ibeh na ko ideknyo ka' ko geguannyo na to mia-mian tempo' aiya. Komiu mompoita Aku mombau anu okabangangi. Komiu madi' obee'i sa'angu' na anu okabangangi, boli mompiakon anu okabangangi i Nabi Yunus.”

Salatan notatae sumo aitu, i Yesus nompala'imo aha, lantas i nambamo.

Ragi nu to mia-mian Farisi ka' Saduki

(Mrk. 8:14-21)

5Tempo'nyo anu saja' mombatuki Yesus tinokamo i santoa nu dowiwi, sinumbu'je nu aha, taalu' aha nongkolilimimo nomboa roti. 6#Luk. 12:1 I Yesus notatae hi aha, “Bala'ingati mae na ragi nu to mia-mian Farisi ka' Saduki.”

7Nohongo potatae i Yesus aijo', anu saja' mombatuki Yesus nontampu'unimo notatae samian ka' samian, “Ia motatae sumo aijo', kalana kita madi' mae nomboa roti.”

8I Yesus monsumbu' apaa na anu binisalakon nu aha. Jadi Ia notatae, “Kadaka' komiu mombisalakon kalana madi' ko roti? Komiu madi' talalo palesaya! 9#Mat. 14:17-21 Ma'isa mangalati' na komiu? Apaa komiu madi' tonginau' i olima' na roti anu pinuge-pugeng-Ku bau bagi nu olima' na madala na mian? Piangkuka na loyang na labinyo nu roti anu pinolimu' miu? 10#Mat. 15:34-38 Ka' mosia mule' tiba popitu' na roti bau bagi nu opat na madala na mian aijo'? Piangkuka na ponang na labinyo nu kaanon anu pinolimu' nu belemiu? 11Kadaka' sampe komiu madi' mangalati', kalana Aku misa' notatae tiba komiu mongkona roti? Bala'ingati mae na ragi nu to mia-mian Farisi ka' Saduki!”

12Kahimpusannyo anu saja' mombatuki Yesus aijo' nangalati'mo saba' i Yesus nonsai ahi' aha, bala'ingati misa' ragi anu opake pombau roti, panyo mongkona to panga-pangajalan nu to mia-mian Farisi ka' Saduki!

Pangakuan i Petrus mongkona i Yesus

(Mrk. 8:27-30, Luk. 9:18-21)

13I Yesus namba nokiijo' i da'erah ohani kota Kaisarea-Filipi. I kiijo' Ia nompokilawa hi anu saja' mombatuki Ia, “Koonyo nu mian. Ihe na Anak nu Mian aijo'?”

14 # Mat. 14:1-2, Mrk. 6:14-15, Luk. 9:7-8 Anu saja' mombatuki Ia nontaami, “Daagi' ko anu notatae i Yohanes anu Mompalamandikan. Daagi' mule' ko anu notatae i Elia. Anu sangga'at mule' notatae i Yeremia, kabai sala'sa'angu' na nabi.”

15“Panyo de posi pikilan miu, Aku aiya ihe?” pinokilawa i Yesus hi aha.

16 # Yoh. 6:68-69 I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

17“Talalo untung hondo na beleyum, Simon anak i Yona!” na koonyo i Yesus. “Kalana misa' mian na nompotoiyakon han aijo' hi komiu, panyo Tuumang-Ku anu i suluga'. 18Kalana aijo' osumbu'mo, beleyum atina' i Petrus, batu anu mahoson. Ka' aita' i batu, aiya na Aku mompotinjo Grejang-Ku, anu madi' opoko hungku'i; mau mule' anu monsilakai! 19#Mat. 18:18, Yoh. 20:23 Aku mombee'je hi beleyum gunsing lengkat i Dunia Bu'ou nu Tumpu. Apaa na anu nu poliwa'i i dunia, suele opoliwa'i i suluga'. Ka' apaa na anu nu pototu'u nu beleyum i dunia, suele mule' opototu'u i suluga'.”

20Lapas aijo' i Yesus nompo'ingatmo anu saja' mombatuki Ia, da aha madi' mompoto'i hi ihehemo, taalu' Iamo na Tomundo anu Momposalamat.

I Yesus notataemo mongkona kasansala'an-Nyo ka' kasilakan-Nyo

(Mrk. 8:31–9:1, Luk. 9:22-27)

21I mulaan lengkat tempo'nyo aijo', i Yesus notatae pinotantu-Nyomo hi anu saja' mombatuki Ia, tukoonyo Ia tionyo mamba i Yerusalem, ka' mongoa'i manjoo' na kasansala'an lengkat i to pola-polaya', to ima-imam kapala ka' to gulu-gulu' agama. Ia tionyo o silakai, panyo sinaa kototolu'nyo Ia po'ule'mo opotumuu'.

22Lantas i Petrus nohambet i Yesus i sohipi' ka' nontaloakon Ia, tukoonyo, “Bisa-bisa' Tumpu mompojo'onakon han aijo', Tumpu! Boli sampe han aijo' timbali hi Tumpu!”

23I Yesus nonsiloi lantas notatae hi Petrus, “Lako' pala'i na tampat aiya, Ponggoda! Beleyum montewa' Aku. Pikilanum aijo' pikilan nu mian; misa' pikilan nu Tumpu!”

24 # Mat. 10:38, Luk. 14:27 Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku. 25#Mat. 10:39, Luk. 17:33, Yoh. 12:25 Kalana mian anu mongka'oho' montoongi kantumuu'annyo, madi'mo mohumpak kantumuu'annyo. Panyo mian anu mombee' kantumuu'annyo kalana Aku, tionyo mohumpak kantumuu'an. 26Apaa na untungnyo hi toto samian de songko-songko na dunia aiya timbalimo anunyo, panyo madi'mo nu humpak na kantumuu'annyo? Timbali na kantumuu'an aijo' otolosi nu sambu-sambumo?

27 # Mat. 25:31, Mzm. 62:13, Rm. 2:6 Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo. 28Da osumbu' anu daagi' aiya hi komiu, daagi' ko anu madi' silaka, de ma'isa pe'e montoa Anak nu Mian toka mae sumo Tomundo.”

Currently Selected:

MATIUS 16: LAILOE

Highlight

Copy