Popular Bible Verses from MATIUS 16

Share

Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku.

Kalana aijo' osumbu'mo, beleyum atina' i Petrus, batu anu mahoson. Ka' aita' i batu, aiya na Aku mompotinjo Grejang-Ku, anu madi' opoko hungku'i; mau mule' anu monsilakai!

Aku mombee'je hi beleyum gunsing lengkat i Dunia Bu'ou nu Tumpu. Apaa na anu nu poliwa'i i dunia, suele opoliwa'i i suluga'. Ka' apaa na anu nu pototu'u nu beleyum i dunia, suele mule' opototu'u i suluga'.”

Kalana mian anu mongka'oho' montoongi kantumuu'annyo, madi'mo mohumpak kantumuu'annyo. Panyo mian anu mombee' kantumuu'annyo kalana Aku, tionyo mohumpak kantumuu'an.

Apaa na untungnyo hi toto samian de songko-songko na dunia aiya timbalimo anunyo, panyo madi'mo nu humpak na kantumuu'annyo? Timbali na kantumuu'an aijo' otolosi nu sambu-sambumo?

“Panyo de posi pikilan miu, Aku aiya ihe?” pinokilawa i Yesus hi aha. I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

“Talalo untung hondo na beleyum, Simon anak i Yona!” na koonyo i Yesus. “Kalana misa' mian na nompotoiyakon han aijo' hi komiu, panyo Tuumang-Ku anu i suluga'.