JAKARIA 10
10
Eeya lodanti mamopoa̒ahu umati-Lio
1Wonu sembo lobunga meidungga, pohileaalo mola ode Eeya didi. Yi Eeya mamohimoa̒ heengo uwanto-wantohe didi, wau mopohutai didi polodu tilinggula hahaa-laboluwalo mowali moidu wau sehati ode ngoa̒amila tau. 2Tau-tauwala mohile potuhata to babaa-laahalaalo wau tahi polamalia, bo totoonulalo totameto u motapu mai limongolio yito wimbulo wau toongi wambao̒. Woluo tamo tombanga tohiilopo, bo tombangi mongolio bo mopolapalo olimongoli, wau liyango u wohilio diila oboliilio. Sababu uito ulipu mobubuu-ayaawa debo odelo himba. Timongolio mohiheo mongongoto sababu diila otau̒wa.
3 Eeya lotahuda, “Wau̒ takaawasa tahemo malenta umati-U̒, wau timongolio mahukuu-maniyo-U̒. Bo ulipu lo Yehuda milikii-U̒, wau Wau̒, Eeya Taa Laba-labaalo kawasa mamolaala olimongolio. Timongolio mapowaliyo-U̒ wadala lo popaatea tamolotolo boli buheli daa̒ ode Olau̒. 4To wolota limongolio matulaoto-U̒ takaawasa, tau̒wa, wau eyaanggu tamamo malenta umati-U̒.” 5Ulipu lo Yehuda mamoo̒haama debo odelo tahi pohipatea u molumbe-lumbetaa̒ musu odelo latao̒ todalalo. Timongolio mamohipate sababu Wau̒, Eeya momantu olimongolio, wau pasuukani lomusu tahitae̒ya towadala mao̒laahe limongolio ngoa̒amila.
6“Ulipu lo Yehuda mapoo̒ lotolu-U̒,
umati lo Isirai̒lu mapoa̒ahuwo-U̒.
Deloo-U̒ timongolio muli mohualinga ode lipulio
sababu Wau̒ momonu olimongolio.
Mapohutuwo-U̒ timongolio
debo odelo bangusa tadiila pee̒enta mao̒ pilaahu-U̒.
Wau̒ulo Eeya Allahu Taa̒ala limongolio,
ngoa̒amila dua̒alio mamuli poo̒tuoto-U̒.
7Umati lo Isirai̒lu maadebo odelo pahlaawani tamotolo,
debo odelo taa u mongilu angguru, timongolio mameengahu.
Wali mai limongolio monto jamani ode jamani
diila tamolipata ohohaama ulohi-U̒.
Timongolio mameengahu
sababu huhutuu-U̒ olimongolio.
8Umati-U̒ matiango-U̒ wau ambuwo-U̒ mowali tuwau.
Timongolio lopato-U̒ wau pohutuwo-U̒ debo odelo daatalio u muloololio mai.
9Eleponu poloo̒opo-U̒ timongolio ode huungo babaa-ngusawalo,
timongolio maadebo moe̒ela ola-U̒ mola teto.
Timongolio mamoa̒ahu, odito olo mongo walai̒o
wau mamo hualingo pee̒-pee̒enta ode lipulio.
10Monto Masiri wau Asyur, timongolio mapo walingo-U̒.
To lipulio lohihilao timongolio mapo tambatiyo-U̒.
Deloo-U̒ timongolio ode Gilead wau Libanon olo,
tilinggula ngoa̒amila lipu mopolu woli mongolio.
11Wonu timongolio mobalanga deheto u luasi daa̒ osuukali,
Wau̒ mamolotao̒ bubuu-olowaalo;
yi wamoo̒ Dutulaa Nili mowali mohengu sama-samaata.
Bangusa lo Asyur tasombongi mapo dupapaalo,
wau Masiri tamolotolo boli buheli daa̒ moo̒olia lo okokawasa.
12Wau̒ mamo poo̒lotolao̒ umati-U̒,
timongolio mamo dungohe wau motaa̒luku boli mohulumati ola-U̒.
Wau̒, Eeya, malo tahuda.”
Currently Selected:
JAKARIA 10: LAIGOR
Highlight
Share
Copy
Want to have your highlights saved across all your devices? Sign up or sign in
