ILOOWALI 9
9
Daantia lo Allahu TaaĚ’ala wolei Noho
1Allahu Taa̒ala lobalakati olei Noho wau mongo walai̒o wau lotahuda, “Potiwala-walao̒olo wau potiwombu-wombulo mola u dadaata, alihu waliimu mai motibiluloa̒a to ngoilanggubu dunia. 2Totoonulalo bulungi wau tola wau binatangi uwewo mamoohe olemu. Ngoa̒amilalo woluo todelomo kawasaamu. 3Ngoa̒amilalo boito mowali ua̒alomu, debo odelo olo pipii-lomulowalo u moidu; ngoa̒amilalo boito wohi-U̒ mai olemu u mowali ua̒alomu. 4Tuwa-tuwaulo u diila mowali aalomu yito tapu u donggo oduhulio, sababu nyawa boito woluo todelomo duhu. 5Timii̒du tau wau binatangi u momate manusia mate-mateelo mao̒ mahukuu-maniyo-U̒ mate. 6Manusia pilopowali mai debo odelo Wau̒; sababu uito, titaalo tita tamomate manusia mate-mateelo mao̒, tio olo mapatee lomanusia mate-mateelo mao̒.
7Ooo̒, timongoli musi moti walao̒olo wau moti wombulo mola u dadaata, alihu waliimu mai motibiluloa̒a to ngoilanggubu dunia.”
8Allahu Taa̒ala lotahuda mai odelei Noho wau mongo walai̒o, 9“Botia, Wau̒ mohutu mai daantiya-U̒ wolimongoli wau wolo waliimu, 10wau wolo totoonulalo mahaluku u hitumula, deu̒yito-yito bubuu-lungiyalo wau ngoa̒amila binatangi lo tudulio, ooo̒ ngoa̒amilalo u yilumualai lonto kapali boito pee̒-pee̒enta wolimongoli. 11Uti-utieelo daantiya-U̒ wolimongoli: Wau̒ modanti mai deu̒ ngoa̒amila mahaluku u hitumula diilalo pobinasa-U̒ mai wolo taluhee daa̒. Madiduu̒ taluhee daa̒ u mopobinasa mai dunia botie. 12Odelo tuoto lo daantia u ohiheo-hiheolo mao̒, u pohutuwo-U̒ mai wolimongoli wau wolo totoonulalo mahaluku u hitumula, 13yi madutuwo-U̒ duhi lo butuu-U̒ to heengo odelo tuoto lo daantiya-U̒ wolo dunia. 14Timii̒du, wonu Wau̒ molau̒be hulungo wolo heengo, lapatao̒ duhi lo butu boito oontonga, 15Wau̒ mamoe̒elai danti-U̒ olemu wau to ngoa̒amilalo mahaluku u hitumula, deu̒yito-yito deu̒ taluhe daa̒ diilalo mopobinasa mai totoonulalo u hitumula. 16Wonu bolo duhi lo butu oontonga to heengo, Wau̒ mamo miloheeo̒ wau moe̒ela mola daantia u ohiheo-hiheolo mao̒ boito to wolota-U̒ wolo totoonulalo mahaluku u hitumula to dunia. 17Ui-uitolo tuotio lo danti-U̒ uwohi-U̒ mai ode totoonulalo mahaluku u hitumula todunia.”
Tei Noho wau mongo walaiĚ’o
18Mongo walaeĚ’e Noho tailumualai lonto kapali boito deuĚ’yito-yito tei Sem, Yapet, Ham. (Tei Hamu yito tiyamo lei KanaaĚ’n.) 19WalaeĚ’e Noho toulota boito yito tinenemoya lo ngoaĚ’amila taa todunia.
20Tei Noho yito ngotaalio lo tamoomengia, wau tiolo tabohu-bohulio helohutu ilengi lo angguru. 21LapataoĚ’ tei Noho longilu anggurulio, tio mahiluwoaĚ’. Yilinggilio pakeyangilio ngoaĚ’amila tulusi lotuluhuulo mola tio laalaala todelomo kemalio. 22TouĚ’ tei Ham, deuĚ’yito-yito tiyamo lei KanaaĚ’n, looĚ’onto maoĚ’ deuĚ’ tiyamolio laalaala, tio mailumualaoĚ’ wau lopooĚ’taa maoĚ’ suaĚ’li boito to wutatio duulota. 23LapataoĚ’ tei Sem wolei Yapet malohama jumba tuwau wau lomuaĚ’deoĚ’ to binggungi mongolio. Timongolio lonaoĚ’ tou-touli tilumuwota ode kema boito wau lopo hulotaoĚ’ oliyamo limongolio jumba boito. Timongolio lomalingaoĚ’ baya alihu diila mooĚ’onto oliyamo limongolio u laalaala boito. 24LapataoĚ’ tei Noho lotota mai louĚ’ tau lonto huwoiĚ’o wau lotota maoĚ’ wolo u pilohutu lo walaiĚ’o tawali-yali daaĚ’ to batangalio, 25tio malo loiĚ’ya,
“Malaa̒-laa̒anatilo tei Kanaa̒n!
Tio mamowali wato u hina-hina duoĚ’lo mongo wutatio.
26Pujiaalo mola Eeya, Allahu TaaĚ’ala lei Sem!
Tei KanaaĚ’n mamowali wato lei Sem.
27Hinta Allahu TaaĚ’ala moduhengai balakati tolei Yapet wolo mopoluasi tambati poti biluloaĚ’lio.
Hinta waliilio motibiluloaĚ’ peeĚ’-peeĚ’enta wolo wali lei Sem.
Kanaa̒n mamowali wato lei Yapet.”
28LapataoĚ’ taluhe daaĚ’ boito, tei Noho donggo tilumumula mola tolo hetuto limo lopulu lotaunu poli. 29Tio yilate to umulu tio lohetuto limo lopulu lotaunu.
Currently Selected:
ILOOWALI 9: LAIGOR
Highlight
Share
Copy
Want to have your highlights saved across all your devices? Sign up or sign in
