WUNGGULI LOMONGO RASULU 19
19
Tei Paulus to Epesus
1Tou̒ tei Apolos donggo mola to Korintus, tei Paulus donggo hemo lontale kambungu tomadala boito lapatao̒ leidungga mola ode Epesus. Mola teto tio lodunggaya wolo dengolo lota tamalo malacaya li Isa. 2Tio lohintu mao̒ olimongolio, “Wolo Mongo wutato botie malo lolimo Rohullah tou̒ timongoli palacaya li Isa?”
Timongolio lolametao̒, “Diipo. Tumbao̒ diipo pee̒enta mao̒ amiaatia loo̒dungohe deu̒ woluo Rohullah.”
3“Wonu odito, wolo polihu lotatoonu timongoli yilihualio?” yilintu mao̒ lei Paulus.
“Wolo polihu lei Yahya,” tametao̒ limongolio.
4Lapatao̒ tei Paulus loloi̒ya mao̒, “Tei Yahya helo polihu tau u mopoo̒ patatai deu̒ tau-tauwala boito malo lilihu lonto duduu-sawaalo limongolio. Bo sambela uito olo tei Yahya helo poo̒taa ode tau-tauwalo Isirai̒lu deu̒ timongolio musi palacaya to Taa mamei dungga mai lapatao̒ tio, deu̒ito-yito ti Isa.”
5TouĚ’ timongolio looĚ’dungohe uito, timongolio mailihualio to tangguli Isa Eeya. 6Wau touĚ’ tei Paulus lopodutu uluuĚ’lio toitaati mongolio, Rohullah longaawasa mai olimongolio, lapataoĚ’ timongolio lolumulo lobisala todelomo babaa-hasawaalo umooĚ’ linggolabu wau helopo tunggulo habari lonto Allahu TaaĚ’ala. 7Jumulaa limongolio ngoaĚ’amila woluo tanu mopulaa duulota.
8Tolo hula mola hiheolio tei Paulus tulusi helo bisala louĚ’ buheli ode tau-tauwala tobele potabiaalo wau helo susuu-alia woli mongolio u lopoyakini maoĚ’ olimongolio pasali woloolo mola Allahu TaaĚ’ala momalenta odelo Olongia. 9Bo dengolo lota towolota lotau-tauwala boito baaĚ’ngiola wau diila mohuto palacaya. Totalu lo ngoaĚ’amila tahiaĚ’mbua teto hilantiaĚ’ limongolio pongaajali pasali lanjana lo Allahu TaaĚ’ala, mopoaĚ’ahu manusia motimbulude li Isa. Masababu uito tei Paulus lololaa maoĚ’ olimongolio, tulusi lonaoĚ’ wolo tahiduduaĚ’ li Isa ode huwali leidaaĚ’ lokulia lei Tiranus. Mota teto ngohui-ngohui tio helo susuu-alia wolo tau-tauwalo. 10Hepilo hutulio uito diila obuntoolio dulo taunu mola hiheolio tunggula ngoaĚ’amila tahi biluloaĚ’wa to polopinsi Asia, mopio taulo Yahudi meaambo taa bangusa wewo, ngoaĚ’amilalo helo dungohe tahuda lo Eeya.
Mongo walaeĚ’e Sekewa
11Allahu Taa̒ala helohutu mai totoonulalo moo̒linggolabe upolu polutuo̒ lotimbulude tolei Paulus. 12Wonu leto meaanto kaini pobintolo wohuta u boheli pee̒enta pilomake lei Paulus deloolio ode tahi ngongota, ngongoti mongolio mooli, wau rohu lolati olo molahi monto olimongolio. 13Woluo dengolo lota hulango lo Yahudi talonao̒ ode utoonulalo mao̒, helo polahi roroo-huwaalo umoleeta lonto tau-tauwalo. Mongo hulango boito helo himontala olo lomake tangguli Isa Eeya lopohinggi rohu lolati boito. Timongolio loloi̒ya ode roroo-huwaala lolati boito, “To tangguli Isa tapilo habari mai lei Paulus boito, wau̒ mopohinggi mao̒ olimongoli!” 14Woluo pitulota walao̒ mongo lolai̒ longotaalio li iimamu tauwa, tai̒lunte Sekewa, tahe lohutu mao̒ sua̒li debo odelo uito.
15Bo rohu lolati boito loloi̒ya olimongolio, “Otaawau̒ ti Isa wau olo tei Paulus otaawau̒, bo timongoli botie tatoonu?”
16Tulusi tailo tuanga lolati boito tilumayango wau lodangapo olimongolio wolo palangi daaĚ’ tilinggula timongolio tilumeteoĚ’ lonto bele boito louĚ’ pipiilalia wau louĚ’ hilaalawa, sababu booĚ’ limongolio kilaidingio lonto wawaaiĚ’ mongolio. 17NgoaĚ’amila taulo Yahudi wau taa bangusa wewo tahi biluloaĚ’wa to Epesus looĚ’dungohe ulotoduo boito, lapataoĚ’ timongolio mailoohe. Yi tangguli Isa Eeya malebe hepo pujiaalio. 18Ngohuntua tamalowali palacaya li Isa, lonaoĚ’ mai helongaku totalu lotaa dadaata totoonulalo huhutu limongolio touĚ’ yilalu maoĚ’. 19Wau timongolio tabiaasa hemo ponaoĚ’ lo ilimi mojinaka totau, malo himoaĚ’ bubuu-kuwaalo limongolio wau pilobulio totalu lotaa dadaata. Halaga lo bubuu-kuwaalo boito wonu jumulaalo ngoaĚ’amilalo tanu limo lopulu lolihu doi talaaĚ’. 20Odieelo mola wolo pohuli upolu-polutuoĚ’ boito tahuda lo Eeya helebe lololadu lomola wau helebe lolotolaoĚ’ heingio.
Tolonggalo to Epesus
21Lapatao̒ popoo-lou̒tiyalo boito, tei Paulus malolantu u monao̒ mola ode Makedonia wau Akhaya lapatao̒ tulusi ode Yerusalemu. “Lapatao̒ odito mola,” ualei Paulus, “Watia musi monao̒ ode Roma.” 22Yi tio malolao duulota tamoohiyowa olio, deu̒ito-yito tei Timotius wolei Erastus u lonao̒ mola ode Makedonia, sambela uito tio donggo loti biluloo̒po dengolo tembo mola hiheolio to polopinsi Asia.
23Tanu tou̒ boitolo lotoduo mai tolonggalo daa̒ to Epesus sababu pongaajali pasali li Isa. 24Sababu tokota boito woluo ngotaalio tamoomania talaa̒ tai̒lunte Demetrius, tahe mohutu u mohaamawa wolo bele ode Dewi Artemis. Kelakela lotau boito heloo̒ toduo tilapula uleidaa̒ ode tahi pokalajaalio. 25Masababu uito tio longambu mai tahi pokalajaalio pee̒-pee̒enta wolo tahi pokalajawa pani lotalaa̒ wewolio, tulusi loloi̒ya mao̒, “Mongo wutato! Otaawa lo Wutato deu̒ ito hemoo̒ toduo mai tilapulo monto kalaja botie! 26Botia maa iloontonga lo Wutato wau lodungohe lohihilao wolo u hepilohutu lei Paulus boito. Tio loloi̒ya deu̒ dedeewaalo u pilohutu lomanusia sama-samaata diila dewa. Wau tio maloo̒hutu totaa dadaata palacaya to pongaajalilio, wau diila bo wambao̒ tewe to Epesus, bo ngopee̒ to ngoilanggubu madala lo Asia olo. 27Topotalalio yito deu̒ polokela-kelanto botie mamoo̒ toduo mai tanggulo u moleeto. Wau diila bo uito wambao̒, bo bele li Dewi Artemis olo maa anggapuolio diila ohuna wau odudaa̒lio poduduu-taa̒alio; lebe-lebe pomao̒ tio dewi u hepujaa lo ngoa̒amila tau to Asia wau ngoilanggubu dunia!”
28Odito tau-tauwalo boito loo̒dungohe uito malopatu hilaa limongolio, tulusi timongolio mahi wuwa-wuwaatia̒, “Pomaluu-tutuo̒lo mola Artemis, dewi taulo Epesus!” 29Yi tolonggalo boito lololadu lomola ode ngoilanggubu kota. Lapatao̒ woomboa lo tahipo tolonggaloa boito malo heu̒pa olei Gayus wolei Aristarkus, deu̒ito-yito tau-tauwalo Makedonia tahe lohiyo olei Paulus todelomo nonao̒lio, lapatao̒ lodedea̒ mola olimongolio ode tanalapa lokota boito. 30Tei Paulus ohilaa tumuwoto modudua̒ olimongolio, bo tau-tauwala tapalacaya li Isa mola teto lodini olio. 31Dengolo lota taduduulaa̒ lo polopinsi Asia boito olo, tasasaa-habatia wolei Paulus, malo poa̒hu tau lopoo̒taa olei Paulus alihu tio diila mopobilohe batanga to tanalapa boito. 32Tou̒ boito tau-tauwalo tadonggo hia̒mbua to tanalapa boito malowali ambulati daa̒. Woluo talo nguatia̒ odie, woluo talo nguatia̒ odito, sababu odaata limongolio diila motota wolo sababuulio timongolio helo ambua teto. 33Ngotayadu lotau-tauwala boito hemo lantobu deu̒ tei Aleksander tapilo timua̒tai leeto, sababu tiolo tahe yiluntulalio ode talu lotau-tauwalo Yahudi. Yi tei Aleksander malongohi mota isalati lo uluu̒lio u lei̒wohi mai tembo mopoduulua batanga totalu lotau-tauwala boito. 34Bo odito timongolio loo̒onto deu̒ tio taulo Yahudi, timongolio malo nguatio̒ pee̒entalo mola wolo daa̒-daa̒alo mao̒, “Pomaluu-tutuo̒lo mola Artemis, dewi taulo Epesus!”
35Mapulitio dulutuli lokota lowali lopo duo̒otao̒ taa dadaata boito. Tio loloi̒ya mao̒, “Tuango lipu lo Epesus! Ngota-ngota motota deu̒ Epesus wambao̒ kota u hemolaala bele li Dewi Artemis wau botu mantali umodehu mai monto hulungo. 36Diaaluo penu boli ngota mao̒ tamowali mobatata sua̒li boito. Sababu uito potipoo̒yolo mola wau diila mao̒ pohutu u hitua-tuawua wolo majanunu. 37Tau-tauwala botie, dilelo limongoli odia mai diila bo sababu timongolio malo lambata bele lodewa meaalo sababu timongolio malohina dewinto. 38Wonu tei Demetrius wolo tahi pokalajaalio boito odudulohe tuwau to tahingota-ngotaawa, hulia mao̒ timongolio modelo palakalalio boito ode bubutoo̒. Bubutoo̒ huo̒huo̒ u mololimo olimongolio wau tahidihima pantungo lo pamalenta olo laito woluo. 39Bo wonu donggo woluo poli hitua-tuawua wewolio u otohilaa limongoli, uito musi poo̒lapatolo todelomo dudunggaya lotaa dadaata alihu saaha. 40Sababu wolo u motoduo mai todulahee botie mowali mopo topotala olanto. Ito mowali potuludelio hemo potoodei polo malakala, sababu ito diila o alasani penu boli tuwau mao̒ u mopobanali tolonggalo botie.” 41Lapatao̒ loloi̒ya u ngoa̒amilalo boito, tidulutuli lokota boito lopoa̒hu totaa dadaata boito lohualingo.
Currently Selected:
WUNGGULI LOMONGO RASULU 19: LAIGOR
Highlight
Share
Copy
Want to have your highlights saved across all your devices? Sign up or sign in
