WUNGGULI LOMONGO RASULU 18
18
To Korintus
1LapataoĚ’ uito tei Paulus lololaa maoĚ’ Atena wau lonaoĚ’ ode Korintus. 2Mota teto tio lodunggaya wolo taulo Yahudi ngota tailunte Akwila, asaliilio mai lonto lipu lo Pontus. Tei Akwila boheli leidungga mai lonto Italia wolo dilelio ti Priskila. Timongolio lonaoĚ’ mai ode Korintus sababu ti Kaisari Klaudius malo poaĚ’hu ngoaĚ’amila taulo Yahudi lumualo lonto Roma. Tei Paulus lonaoĚ’ mota lobiilohe woli mongolio duulota, 3lapataoĚ’ lotibiluloaĚ’ mota teto woli mongolio wau helo kalaja peeĚ’-peeĚ’enta woli mongolio, sababu mato lopopeehu limongolio tutuuwauwa wolei Paulus, deuĚ’ito-yito mohutu kema. 4Bo totimiiiĚ’du dulahu Saabati, tei Paulus hemonaoĚ’ mota hemo bibiisalawa tobele potabiaalo u mohutu tau-tauwalo Yahudi meaalo tau-tauwalo Yunani, palacaya li Isa.
5Tou̒ tei Silas wolei Timotius leidungga mai lonto Makedonia, tei Paulus lopohuna mao̒ ngoa̒amila tembolio helo pololadu habari lonto Allahu Taa̒ala ode tau-tauwalo Yahudi deu̒ ti Isaalo boito Olongia Tamoo-poa̒ahua tapilo danti mai lo Allahu Taa̒ala. 6Bo sababu tau-tauwala tulusi wambao̒ hemo tehengi wau hemo hentea̒ olio, yi tei Paulus lopongee̒ peaahuo̒ lonto boo̒lio odelo tuoto u mopoe̒ela totala limongolio. Tio loloi̒ya, “Wonu timongoli topotala, tingga totala limongoli lohihilao! Diila otaawau̒! Tumulalo mai botia wau̒ mamonao̒ ode tau-tauwalo tadiila Yahudi.” 7Lapatao̒ tei Paulus malo lolaa mao̒ olimongolio wau lonao̒ mota lotibiluloa̒ tobele u titiilia wolo bele potabiaala boito. Bele boito bele longotaalio tadiila Yahudi, bo tio hemolubo Allahu Taa̒ala. Tanggulo tau boito tei Titus Yustus. 8Bo tei Krispus, tau̒wa lobele potabiaala boito wolo ngoa̒amila mongo ilaatolio palacaya li Isa Eeya. Wau dadaata olo tau-tauwalo Korintus wewolio lodungohe habari upilo tunggulai lei Paulus, wau timongolio palacaya li Isa lapatao̒ yiluhualio.
9Tou̒ huilio tuwau todelomo tuwaulio lobibilohe, Eeya lotahuda mai odelei Paulus, “Diila mao̒ oohe! Pobisalaalo tulusi wau diila mao̒ potipoo̒oyo. 10Sababu Wau̒ pee̒-pee̒enta wolemu. Diaaluo penu boli ngotaa mao̒ tamoo̒hutu mai u moleeto olemu, sababu ngohuntua taa tokota botie yito tautau-U̒.” 11Masababu uito tei Paulus malo tibiluloa̒ to Korintus ngotaunu wau ngoputu hiheolio wau helo ngaajali tahuda lo Allahu Taa̒ala toli mongolio.
12Tou̒ tei Galio lowali gubolonulu lo Akhaya, tau-tauwalo Yahudi lotituwau helo tehengi olei Paulus wau lodelo olio ode bubutoo̒. 13Timongolio lopo dudulao̒ lo dudulohe botie, “Tau botie helo heinga taa dadaata alihu molubo Allahu Taa̒ala wolo pohuli u bubuu-lemenga wolo butoe̒e Musa!”
14Odito tei Paulus mamo lametao̒, tei Galio malo loi̒ya ode tau-tauwalo Yahudi, “Wuu tau-tauwalo Yahudi! Wonu upilopo dulohei mai botie tuwaulio lou̒ totala meaalo tuwaulio lou̒ moleeto, memangi patutilio wau̒ sabari modungoheo̒ pilopo dulohumu mai botie. 15Bo utie yito polohaamawa pasali lo tataa-heyaalo wau tataang-gulalo boli bubuu-too̒omu lohihilao! Oditolio timongoli tamusi mopoo̒ lapatao̒. Wau̒ okabalatani momutoo̒ susuu-aliyaalo u odie botie!” 16Lapatao̒ tei Galio lopolualao̒ olimongolio ode bulemengio. 17Yi timongolio malo heu̒pa olei Sostenes, tau̒wa lobele potabiaalo boito, wau lomate olio totalu lomeja bubutoo̒. Bo tei Galio diila lomaduli sama-samaata to sua̒li boito.
Tei Paulus luli lohualingo ode Antiokhia
18Lapatao̒ uito tei Paulus donggo lohiheo mola lotibiluloa̒ to Korintus. Lapatao̒ tio loloi̒ya mao̒ hinta moa̒ahu mobuua̒la totau-tauwalo tapalacaya teto, tulusi malobite wolei Priskila woli Akwila ode Siria. To Kengkrea, tei Paulus longuluhu huwoi̒o umaa hilulialio lowali hilumayao̒ sababu dantilio to Eeya. 19Tou̒ leidungga mola ode Epesus, tei Paulus lololaa mao̒ olei Priskila woli Akwila, tulusi tilumuwoto ode bele potabiaalo wau helotuuloa̒ pikiilangi wolo tau-tauwalo Yahudi mota teto. 20Pilohile limongolio alihu tio motibiluloa̒ mohiheo woli mongolio, bo tio diila lohuto. 21Penu boli odito, tou̒ mamo monggato, malo loi̒ya tio, “Wonu Allahu Taa̒ala potala mopoluasi, watia muli mohualingai odia.” Lapatao̒ loloi̒ya mao̒ odito, tio lomonggato lonto Epesus.
22LapataoĚ’ tio lotuhuta mola to Kaisarea, tio lonaoĚ’ ode Yerusalemu mota longohi salamu tojamaaĚ’ mota teto, lapataoĚ’ tulusi ode Antiokhia. 23LapataoĚ’ lotibiluloaĚ’ teto dengolo mola hiheolio, tio luli lomonggata mola lomilohe madala lo Galatia wau Prigia u helo pooĚ’lotolo iimani lotau-tauwalo tapalacaya.
Tei Apolos to Epesus wau Korintus
24TouĚ’ boito, malonaoĚ’ mai ode Epesus Yahudi ngota tapilo tutulio to Aleksandria, taiĚ’lunte Apolos. Tio motota mobisala wau mongalati daaĚ’ pasali lotuango Kitabi, 25wau maiĚ’laa-jaliilio u motota maoĚ’ pongaajali tomimbihu li Isa. Yi wolo sumangati uwali-walihuhu tio helo ngaajali wolo mouĚ’lintapo pasali li Isa, eleponu heli popolihu lei Yahya wambaoĚ’ u otaawalio. 26Wolo buheli tei Apolos malo lumula lobisala tobele potabiaalo wau touĚ’ tei Priskila woli Akwila lodungohe pongaa-jaliilio, timongolio malodelo olio ode bele. Mola teto timongolio lotombangaoĚ’ olio wolo lebe tiluhata maoĚ’ pasali patuju lo Allahu TaaĚ’ala u mopoaĚ’ahu mai manusia motimbulude li Isa. 27LapataoĚ’ tei Apolos omakusudu monaoĚ’ mola ode Akhaya. Yi tau-tauwalo tapalacaya li Isa to Epesus malolao mola tuladee tomongo wutato tapalacaya to Akhaya alihu timongolio mahuto mololimo olei Apolos. Wau touĚ’ tei Apolos leidungga mola ode Akhaya, bubantulio malo ilaalo ilohuna daaĚ’ ode tau-tauwala u sababu odehu hilaa lo Allahu TaaĚ’ala malo malacaya li Isa. 28Sababu wolo otilihula daaĚ’ tei Apolos looĚ’laaheoĚ’ tau-tauwalo Yahudi todelomo bubuutola moduduoĚ’ huhamaalio ngota-ngota. Wau tio helo pobukuti maoĚ’ wolo aaĚ’a-yatiyaala lo Kitabi deuĚ’ ti Isaalo Olongia Tamoo-poaĚ’ahua tapilo danti mai.
Currently Selected:
WUNGGULI LOMONGO RASULU 18: LAIGOR
Highlight
Share
Copy
Want to have your highlights saved across all your devices? Sign up or sign in
