Salmos 19
19
Papang alasnina balna kidika laih di yamna balna yakat sakki
Coro sumalniyang kaupak, Devid salnimo.
1Makau kisang kidika laih Papang alasnina kidika yulwa sakki,
witing yamna kidika maiyulwi makau kisang kidika.
2Ma balna kaiwi bayakwasak kidika biri kalkukulwi;
pukta kidika yaklauwi yamwak dinit yulwa kidika kiri.
3Yul as bik yulwak dakawas dawak dinit bik yulwak dakawas bik,
4kidika yulni laih sau bitik yakat kiwi,
dawak sau bangni bitik yakat bik,#Rom 10:18.
ma pāni duwa yakat.
5Dawak ma kidika alasna kilwi kalahwi tani munah bayakwi kiwi,
sihm muih as kirayang muihni kapat,
kaput bik marid al witing yalni karak payayahwa pāni kaupak kalahwi kiwa kapat.
6Ma kidika kalahwi makau kisang kidika sutni nakas kaupak
dawak ban awaihwi kiwi sutni nakas kat,
witing daihni kidika kaupak di as bik sip kiras ki.
7Dawan sumalwa kidika laih barangni ki,
kat sangnika wisam as kalawa bahang.
Dawan lani balna kidika laih rahm kasak ki,
kat sins duyang kalyamwi muih al kulnin limahni kidika yakat.
8Dawan lani balna kidika laih maisihni as bik diski,
kat muih kulnin yakat alasna duaiwa bahang.
Dawan lani balna kidika laih pasyakat di ūk karak bahawas ki,
bahang muih minikpa yakat yaringni manah banghilna ki.
9Dawan yakat yamadunin kidika laih maisihni diski,
bahang ban kaput sakki.
Dawan lani balna kidika laih rahm ki,
bahang kidika balna bitik laih la kat ki,#Sal 119.
10¡bahang minit tanit nuhni ki gol karak dawakat!
¡Kaput bik laih tanit damni ki amak karak dawakat!#Sal 119:103,127.
11Kaput bahang, man dimayamyang yakat isningpaknin bik as ki,
bahang yamni karang yulni dakana atnin.
12¿Angdika muihni kat witing alas dutni balna yamwa kidika amanglawih?
¡Dawan dutki balna malnikau kidika datang diswang!
13Dima yamyang kulnin kau witing manah kapat kaldakawa kidika yakpamta kalata;
datangkat kidika kulnin lani kidika mikit bayaknin awaski.
Kaput laih dutni as bik yamwas alni as awaki;
dawak dutni nuhni kidika kaupak naikau awaki.#19.13 Dutni nuhni kaupak naikau awaki: sipki libitna atnin “dutni nuhni” kidika laih dawan dauh, yulna balna kidika adika, Ex 32:21-31; 2 Re 17:21, Hibru kau ulna kidika yakat.
14Man mamakpa yakat talna kat karang,
yang yulki dawak kulnik balna bik,
Dawan, yakmaldinik pāni, dawak yalaih'yakyang.
Currently Selected:
Salmos 19: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
