Salmos 101
101
King pranimis Papang niningyakat
Devid salnimo.
1Ayangni nuhni yamkih yawi dalani lani dawak la kat kidika balna yakat;
Dawan man yakat unbaunin as unbaukih yawi;
2man barangniman kidika karak yalahkih yawi.
¿Mampat yang akat aiwamayah?
Yang lapaktayang balna kidika dutni as bik diskarang
yang ūki palni yakat bik;
3yang mikpa dulautik talas awaki
dutni yamnin yakat.
Dutni dikultayang Papang yakat yamniawas balna yakat;
¡datingkat yaihkityakat aiwas karang!
4Yang kaupak naikau yakki, kulnin dutni lani balna kidika:
¡dutni as bik yamkih yawas ki!
5Diyamting ap dadawarang kidika balna
malnikau, yaihnitnakau yalalahwa balna yakat dutni diyuyulwa kidika;
¡sip baisa wauhtasyang muih witingna manah kapat dawak praut balna kidika bik!
6Yang mikpa dulautik talki muih ahal barangni balna yakat,
kaput laih yang yaihkityakat yalahna atnin;
yang diki yamnin yakat manah karang
angdika muihni sangnika barangni duwa kidika.
7Yul pini yulyang, alas yulyang muihni kidika laih, yang ūki yakat witing pāni diskarang;
¡alasyulyang muihni kidika as bik yang muhki yakat diskarang!
8Ma payahwi kaiwa balna kaput bik kalating ap kalahwarang
adika sauni pas akat muih dudutni balna kidika;
¡Dawan tawanni nuhni kidika kaupak rumhtik yakna awaki
muih dudutni balna bitik kidika!
Currently Selected:
Salmos 101: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
