Deuteronomio 34
34
Moses dauwak nununa kidika
1Moses laih Moab kauhnimak walang kaupak Nebo asangni yakat kilna dai, Pisga asangni maluihni yakat, Jericó muhnitkau sakkidika. Kidika kaupak Dawan yaklau kalyamwakat Galaad sauni bitik lakwi talna dai Dan sauni kat, 2Neftalí, Efraín dawak Manasés sauni balna kidika, Judá sauni bitik Mediterráneo kumani kat, 3Néguev, Jordán asangni sar dawak Jericó sauni langni kidika bik, dawak kuku basni satni tawanni nuhni kidika kaupak, Zoar kat. 4Dawan yaklau aput kalyulna:
“Adika sauni kuduh Abraham,#Gn 12:7. Isaac,#Gn 26:3. dawak Jacob#Gn 28:13. sulanina balna yakat dianik pramis diyamnayang dai kidika. Yang dukihyang dai man silp mamakpa kau talna atnam, kidika yakat āwas awama karang bik.”
5Dawak kaput laih, Papang dini yamyang Moses witing Moab sauni yakat dauna dai, Dawan yaklau yulna dai kaput, 6dawak Moab sauni asang sar as kau nununadai, Bet-peor muhnityak, pa as warmani kat muih bik amanglawaski. 7Kurih 120 duwa kat dauna, dauna mani kat minikpa dawak muihni kidika yamni kauna dauna.
8Israel muihni balna laih Moses yulni ma 30 kakaidana dai Moab kauhnimak walang yakat, kaput laih kakaidana dai dawak bik kulninna bukna dai Moses dauna kidika yulni. 9Dawak Nun walanibis Josué laih, Moses kaupak sins lani tuhni kidika duna dai, kat Moses yaklau witing minityak tingni dulauna dai kidika yulni; kaput laih Israel muihni balna yaklau yulni dakakana dai dawak Dawan yaklau Moses yakat yamnin kalyulna dai kaput yayamna dai.#Nm 27:18,23; Jos 1:16-18.
10Kaput bik, Israel yakat prapit ūk disdai sihm Moses kapat, Dawan karak biri biri kaltalwinah yulbauna atnin,#Ex 33:11; Nm 12:6-8; Dt 18:15-18; Ap.w 3:22-23. 11kidik awaskat taldas dini balna yamna atnin Dawan yaklau yamnin kalyulna dai kidika Egipto yakat Fero, dini yamyang nunuhni balna dawak sauni kidika niningyakat bik, 12kidik awaskat parasni duwadai kapat duwa atnin dawak Israel balna miniknapa yakat di nunuhni balna yamna dai kidika kapat bik yamna atnin.
Currently Selected:
Deuteronomio 34: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
