Zakariya 6
6
Txiwoniso txa wutxhanu ni siraru: Sikotxikani sa yimbi
1Se ni to gula kambe maso angu, ni wona mune wa sikotxikani, si txi huma ngu hagari ka mimango yimbidi, mimango yiya i ti ti mimango ya txikete. 2Txikotxikani txo khata txi ti ndindwa ngu mahantxhi o bhilivila, se txikotxikani txa wumbidi txi ti ndindwa ngu mahantxhi a mtima. 3#Wona ni ka: Mtu. 6:2. Se txikotxikani txa wuraru txi ti ndindwa ngu mahantxhi o basa, txikotxikani txa wumune txi ti ndindwa ngu mahantxhi a matshakatshaka, a mtamo. 4Se ni to khani ka ngelozi yi yi nga ti ti womba-womba ni nani:
Awe Nyamne wangu, nza txani sikotxikani siya kani?
5 # Wona ni ka: Mtu. 7:1. Se ngelozi yi to ni xamula yi txi kha yona:
Ayiya i mune wa mimoya ya nzumani, yi humako ngu mu yi nga ti ti kona masoni ka Mkoma wa mafu otshe. 6Txikotxikani txile txi ndindwako ngu mahantxhi a mtima, txiya ditikoni ka Wuphemba, se ale o basa me londeta ngu msana ka ale a mtima, ale a matshakatshaka ma txi ya ditikoni ka Wulambwe.
7Se mahantxhi ale a mtamo ma ti huma me lava kuthangela masoni, ma txi tsimbila-tsimbila ha mafuni. Se ngelozi yi to kha yona: Tsulani, mi tsimbila-tsimbila ha mafuni.
Se ma to tsimbila-tsimbila ha mafuni. 8Sekoko ngelozi yi to ni dhana, yi txi kha yona:
Wona taku, ale ma nga ya ditikoni ka Wuphemba, ma humutile Moya wangu ka ditiko da Wuphemba.
M'bhoti wa Joxuwa
9Se dipswi da Mkoma di tile kwangu di txi ta kha dona:
10Amukela miningelo ya vale va nga yiswa wukhumbini: Ya Heldhayi, ya Tobhiya, ni ya Jedhaya (se uya kwawe ka dona ditshiku dile, u ya wulela nyumbani ka Josiya, mwana Zefaniya), i ku va va nga wuya ngu Bhabhilona. 11Eko ni khani amukela silivhela ni nzalama, u maha mibhoti, u yi veka ha msungo ka Joxuwa, mwana Jozadhake, mphaxeli wa hombe. 12Se m'gele, u txi khawe: Mkoma wa Mabutho a Tiyimbi, a khene: Ndiyo m'thu wu ditina dakwe i ku Kuthunga; Ene a na mila ka wukhalo wakwe, kambe a na aka dithepele da Mkoma. 13Ene apune a na aka Dithepele da Mkoma, se a na teka wudhumo, kambe a na khalatsha, a na fuma ha txituluni kwakwe ka wukoma, ni kuva mphaxeli ha txituluni kwakwe ka wukoma, ku nava ni kudikha ka madhawa otshe a mambidi. 14Se mibhoti yiya yi na va ya Helemi, ni Tobhiya, ni Jedhaya, ni Hemi, mwana Zefaniya, yi na maha txyalakanyiso dithepeleni ka Mkoma.
15Se avale va ku kule, va nata ve ta aka dithepeleni ka Mkoma, anu mi na tiziva ti to Mkoma wa Mabutho a Tiyimbi a ni rumile kwanu; kambe eto ti na maheka, ngako mi txi pfisisa dipswi da Mkoma, Txizimu txanu.
Currently Selected:
Zakariya 6: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
