Zakariya 13
13
1Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka. 2Se ku na maheka ka ditshiku donedo, kuwomba Mkoma wa Mabutho a Tiyimbi, ti to ni thavisa matina a sithombe ha mafuni, kha va na mbi ngadi ve si alakanya kambe; niku ni tovela vaprofeti, ni moya wa kwa mbi sawuleka ha ditikoni. 3Se ku na maheka taku, ngako wokari a txi ngadi e profeta, tate wakwe ni mwamwakwe va nga m'veleka, va na kha vona: Khu na mbi hanya, nguko u wombawombile makuhu ngu ditina da Mkoma; se tate wakwe ni mwamwakwe, va nga m'veleka, va na thola efa, a txi ngadi e profeta. 4Se ka ditshiku donedo, ku na maheka tito, vaprofeti ve theleka tingana, mmwani ni mmwani ngu mhaka ya txiwoniso txakwe, a txi ngadi e profeta, kambe kha va na mbi ngadi ve ambala dijasi da matoya, kasiku ve mana kuhemba. 5Aniko va na kha vona: Kha ni nga mprofeti, ni m'dimi wa mafu; nguko ni txithumi kukhukhela wuphyani kwangu. 6Se ngako wokari a txi muwotisa a txi khene: Silondeso nza txani manzanimo kwako kani? Ene a na khene: Nzilonda si ni nga dayiswa m'tini ka vangana vangu.
Txileleto kasi kudaya m'dyisi
7 # Wona ni ka: Mat. 26:31; Mar. 14:27. Awe ditxhari khukha u lwa ni m'dyisi,
lwana ni wamwamna wule i ku mngana wangu,
kuwomba Mkoma wa Mabutho a Tiyimbi;
peka m'dyisi, se ti na hangalaka tinvuta;
aniko ni na nawuluta dianza dangu, ni peka vale vavadotho.
8Se ku na maheka ka otshe mafu, kuwomba Mkoma,
taku madhawa mambidi a vathu, ma na dawa, me lova;
aniko da wuraru di na sala.
9Se ni na pindisa dile da wuraru ngu ha ka mndilo,
ni txi di sawulekisa, ku nga tile yi nga sawulekisa tona silivhela,
kambe ni na di duka ku nga ti yi dukiswako tona nzalama,
dona di na dhumisa ditina dangu,
se ani ni na di engisa;
ni na khani: Mbathu vangu;
se dona di na kha dona: Mkoma, Njizimu txangu.
Currently Selected:
Zakariya 13: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
