Genesisi 25

Limwani liveleko la Abrahamu

1Abrahamu a to teka mmwani msikati, a nga ti dhanwa ku i Ketura. 2Ketura a to m'velekela vanana vava: Zamirani, Jokisani, Madhani, Midhiyani, Jesibhoke ni Xuwa. 3Jokisani a velekile Sabha ni Dhedhani; vanana va Dhedhani ngu vava: Asurime ni Latorime ni Lowomime. 4Vanana va Midhiyani ngu vava: Efa, ni Eferi, ni Enoki, ni Abhidha, ni Elidha. Votshe vava mbanana va Ketura.

5Kambe Abrahamu a to ninga Isaake sotshe si a nga ti naso. 6A ningile simaha sokari ka vanana va sikaba sakwe, a txi ngadi e hanya, a to va hambanisa ni mwanana wakwe Isaake, a txi va rumela ka ditiko da wutxani.

Kufa ka Abrahamu

7Kuhanya ka Abrahamu, nga 175 wa malembe. 8Abrahamu a to ningela muhefemulo wakwe, a fite a di kumbile ngutu, i di txikhovana, a to ya tshangana ni va ka kwawe. 9Isaake ni Ismayeli, vanana vakwe, va to mtshotsha diphalani ka Makipela, thembweni ka Efroni, mwana Zowari, Muheti, diphala di di ku masoni ka Mambre. 10#Wona ni ka: Gen. 23:3-16. I thembwe yi Abrahamu a nga xava ka vanana va Heti, amuwa a nga tshotshwa kona Abrahamu ni msikati wakwe Sara. 11Msana ka kufa ka Abrahamu, Txizimu txi katekisile mwanakwe Isaake; Isaake a ti ti akile hafuhi ni Bheheri-Lahayi-Royi.

Liveleko la Ismayeli

(1 Makronika 1:28-33)

12Ngu tiya tiveleko ta Ismayeli, mwana Abrahamu, a nga velekwa ngu Hagari, Muegipta, txithumi txa Sara. 13Matina a vanana va Ismayeli, madingano ni tiveleko tawe, ngu awa: Matiwula ngu Nabhayoti, ku txi gameta Kedhari, Adhibheli, ni Mabhisani, 14Misima, Dhuma ni Masa, 15Hadhadhe, Tema, Jeturi, Nafisi ni Kedhime. 16Ngu vona vava vanana va digumi ni vambidi, matina awe ma rayilwe sidhoropana sawe ni#25:16 Mwendo: mazumbo. mikhokhola yawe: Mmweyo ni mmweyo i ti ti mthangeli wa#25:16 Mwendo: matiko. lihunzu la ka kwawe. 17Ngu yiya tanga ya kuhanya ka Ismayeli: 137 wa malembe, se a to ningela muhefemulo wakwe, efa, eya ti patanisa ni va ka kwawe. 18Vanana va Ismayeli va ti ti akile hagari ka Hevhila ni Suri, ngu diphambo da wutxani ka Egipta, ka nzila yi yiyako#25:18 Mwendo: Asiriya. Asuri.

Kuvelekwa ka Esawu ni ka Jakobe

19Ngu tiya tiveleko ta ka Isaake, mwana Abrahamu. Abrahamu a to veleka Isaake. 20Isaake a ti ni mune wa magumi a malembe, mbimo yi a nga tekana ni Rebheka, mwana Bhetuweli,#25:20 Mwendo: Siro. muaramu, wa Padhani-Aramu, ndiya ya Labhani, muaramu nene. 21Isaake a to khongela ka Mkoma, a txi kombelela mkatakwe Rebheka, nguko i ti txifule. Mkoma a engisile mkombelo wa Isaake, se Rebheka a to mana txirumbu. 22Se vanana va ti ti lwa mndani kwakwe; sekoko a to khene: “Ngako i di tona tiya, ni ngava ni txi hanyela txani kani?” Konako a to ya wotisa ka Mkoma; 23#Wona ni ka: Var. 9:12. se Mkoma a to mxamula a txi khene:

“Mndani kwako ku ni matiko mambidi,

se tihunzu timbidi ti na abaneka mndani kwako:

Lihunzu limwelo li nava ni mtamo kupinda limwani,

mkoma wa kona a na khoziswa

ngu mnada wakwe.”

24Ngako ku di hokile mbimo ya kuhefemula, ku to huma mahasa. 25A to velekwa wo khata: I ti wo bhilivila, kambe a ti ti ni mapfhepfheleti o nga matoya a didhamba, va to mraya ditina daku#25:25 Ti wombako ku nyadidzidzi. i Esawu. 26Ngu msana a to huma mnanda wakwe, dianza dakwe di ti ñote txizenende txa Esawu, e raywa ditina daku#25:26 Ti wombako ku txizenende. i Jakobe. Isaake a ti ti ni tanga ya mtxhanu wa magumi ni digumi dimwedo a malembe, mbimo yi Rebheka a nga veleka vanana.

Esawu e xavisa wutiwula wakwe

27Vanana va manekile va txi kula. Esawu i ti ti mxoti wa hombe, a txi zumbela txitingani; Jakobe i ti ti m'thu wo thutha, a ti ti zumbela matendani. 28Isaake a txi dhunda ngutu Esawu, nguko a txi tsakiswa ngu nyama yi a nga ti mxotela, kasi Rebheka a txi randa Jakobe.

29Jakobe a ti ti bhikile sakudya, Esawu a to wuya ngu txitingani, a di#25:29 Mwendo: jiyete. karate. 30Se Esawu a to khene ka Jakobe:

“Na ku kombela nihe sakudyeso so bhilivila ni txi dya, nguko ni wuya ni di karate.” Ngu toneto, Esawu a nga ningwa ditina daku i Edhomi.#25:30 Edhomi: Ngu Txihebheru “kubhilivila”.

31Sekoko Jakobe a to khene:

“Khata ngu ku ni xavisela fanelo ya wutiwula wako.”

32Se Esawu a to khene:

“Eko ni no fa ngu nzala; wu na ni vhuna txani wutiwula kani?”

33 # Wona ni ka: Vaheb. 12:16. Sekoko Jakobe a to khene:

“Khata ngu kuxambanya.” Esawu a to xambanya, e xavisa wutiwula wakwe ka Jakobe. 34Jakobe koko a to ningela dipawu, ni sakudya so bhilivila ka Esawu; a to dya e sela, a txi khukha e tsula. Ngu kumaha keto, Esawu a to txhipisa fanelo ya wutiwula wakwe.

Currently Selected:

Genesisi 25: BEC2016

Highlight

Copy