ELONG MARAJA 3
3
1Wenni-wenni ri ranjakku,
ri laleng nippié usappai canriku;
usappai, iyakiya siya-siyai.
2Maéloka moto sibawa mattulilingiwi kotaé,
jalajja'i sininna lalengngé sibawa loronna.
Maéloka sappai canriku;
usappai, iyakiya siya-siyai.
3Naéwaka sita paronda kotaé, sibawa utanaiwi,
“Muwitaga canrikku?”
4Silalona usalai mennang,
uwéwani sita canrikku.
Uwakkatenninni, sibawa dé' uleppessangngi
narapi utiwi ri bolana indo'ku,
ri bili'na tau iya jajiyangngékka.
5Ajjancino, éh ana'-ana'darana Yérusalém,
nasaba sining jongaé ri padangngé,
makkedaé dé' mumaélo ganggui cintaé,
narapi ripésennangi.
Elong Matellué
Makkunraié
6Agaro polé ri padang kessi'é,
sinrupa rumpu mattékké?
Wanginna pada-pada mur-é sibawa kamennyangngé,
sibawa bedda-bedda mabauna padangkangngé.
7Itai, iyaro ulérenna Salomo,
riyattulilingi ri enneng pulona tau barani,
sining tau baraninna Israélié,
8iya mappangalamangngé ri laleng musué.
Tiwi manengngi mennang peddang ri benrénna
sadiya moloiwi paggasaé ri wennié.
9Naébburengngi aléna Salomo séddi uléreng,
polé ri aju iya kaminang makessingngé.
10Allirinna riyébbui polé ri péra'é,
sibawa sanrésenna poléi ri ulawengngé.
Tudangenna malango-langoi tappana,
nasulangngi sibawa ati masennang
sining ana'darana Yérusalém.
11Assuno, éh ana'-ana'darana Sion,
itai Arung Salomo
nasibawang passigera iya napasangngé indo'na,
ri esso abottingenna,
ri esso nariyo-riyoiyé.
Currently Selected:
ELONG MARAJA 3: LAIBUG
Highlight
Share
Copy
Want to have your highlights saved across all your devices? Sign up or sign in
