1 Musa 36
36
Dukak-dukak si Esau
(1 Kron. 1:34-37)
1En mo pemparen si Esau sinigerari ma kalak Edom. 2#1 Ms. 26:34 Tellu ngo sinibages si Esau, berru Kanaan, imo: si Ada, berru si Elon kalak Het; si Oholibama, berru si Ana, kempu si Zibeon kalak Hewi, 3#1 Ms. 28:9 Si Basmat, berru si Ismael, turang si Nebayot. 4Tubuh si Ada imo si Elipas, tubuh si Basmat imo si Rehuel, 5tubuh si Oholibama imo si Jeus, si Jaelam dekket si Korah. Karinana i tubuh i Kanaan.
6Kessa i itadingken si Esau mo si Jakob lako laus mi ladang ni dèba janah iarahken karina sinibagesna, dukakna bak karina kalak silot i bagesna, rebbak dekket karina pinakanna sinicametna i Kanaan. 7Mersirang pè si Esau dekket si Jakob kemulihken buè hartana ngo asa oda terbaing kalak i rebbak. Bagi dèng ma ukum ladang siniianen kalak i oda lot cukup pangaen pinakan kalak i simbuè i. 8Nai si Esau sinigeraren ma si Edom, gabè merian mo ia i uruk Seir.
9En mo pemparen si Esau, empung kalak Edom. 10-13Sinibages si Esau simergerar si Ada menubuhken sada anak, gerarna si Elifas. Lima ngo anak si Elifas imo: si TĂ©man, si Omar, si Zefo, si Gaetam dekket si Kenas. Si Elipas lot ngo siterbuangna, gerarna si Timna. Itubuhken ngo anakna mergerar si Amalek.
Sinibages si Esau simergerar si Basmat menubuhken sada anak mergerar si Rehuel. Empat ngo anak si Rehuel, imo: si Nahat, si Zerah, si Syama, dekket si Miza.
14Sinibages si Esau simergerar si Oholibama imo berru si Ana, kempu si Zibeon, tellu ngo itubuhken anak imo si Jeus, si Jaelam dekket si Korah.
15En mo èkuten i marga-marga pemparen si Esau: si Elipas, imo anak situaen si Esau, ia mo empung marga: Téman, Omar, Zefo, Kenas, 16Korah, Gaetam, dekket Amalek. Karina i pemparen si Ada sinibages si Esau ngo.
17Anak si Esau si Rehuel, imo empung marga Nahat, Zerah, Syama dekket Miza. Karina i pemparen si Basmat sinibages si Esau ngo.
18Marga-marga èn nola imo: Jeus, Jaelam, dekket Korah imo pinempar si Esau arap sinibagesna si Oholibama berru si Ana. 19Karina marga i pinempar si Esau.
Pemparen si Seir
(1 Kron. 1:38-42)
20-21Ukum pengisi asli tanoh Edom imo, marga pemparen si Seir, kalak Hori. En mo marga-marga i: Lotan, Syobal, Zibeon, Ana, Disyon, Ezer dekket Disyan.
22Si Lotan imo empung marga Hori dekket Heman. (Lot ngo turang si Lotan imo si Timna).
23Si Syobal imo empung marga: Alwan, Manahat, Ebal, Syefo dekket Onam.
24Si Zibeon dua ngo anakna, imo si Aya dekket si Ana. (Si Ana èn mo dapet-dapetten mata laè nggara i Gurun Pasir, tikala mermakan kalodè bapana ia). 25-26Si Ana imo bapa si Disyon, janah si Disyon imo empung marga Hemdan, Esyban, Jitran dekket Keran. Lot ma ngo sada berru si Ana mergerar si Oholibama.
27Si Ezer imo empung marga Bilhan, Zaawan, dekket Akan.
28Si Disyan imo empung marga Us dekket Aran.
29-30En mo marga-marga Hori i nagerri Edom: Lotan, Syobal, Zibeon, Ana, Disyon, Ezer dekket Disyan.
Raja-raja Edom
(1 Kron. 1:43-54)
31-39Sinderrang madèng lot raja Israel, ukum i Edom enggo mo lot raja memerèntah i gennep cundut imo:
Si Bela anak si Beor i Dinhaba nai.
Si Jobab anak si Zera i Bozra nai.
Si Husyam i ladang TĂ©man nai.
Si Hadad anak si Bedad i Awit nai (ia mo menaluken kalak Midian tikan i ladang Moab).
Si Samla i ladang Mazreka nai.
Si Saul i Rehobot nai imo kan biding laè.
Si Baal-Hanan anak si Akhbor.
Si Hadar i Pahu nai (sinibagesna mergerar si Mehetabeel, berru si Matred janah kempu si Mezahab).
40-43Ukum si Esau imo empung kalak Edom siniterruh èn: si Timna, si Alwa, si Jetet, si Oholibama, si Ela, si Pinon, si Kenas, si Téman, si Mibzar, si Magdiel dekket si Iram. Gennep marga maing gerarna i gennep ladang bekkasna merian.
Currently Selected:
1 Musa 36: LAIBTD
Highlight
Share
Copy
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
