TEALIAN 36
36
Esau nakatulunan
(1Tund. 1:34-37)
1Naiyamo Esau nakatulunan mosinombuikon koidan Edom. 2#Tea. 26:34 Esau ponikai tukon tolu koboine Kanaan doiyamo: Ada, Elon napau Heti miano; Oholibama, Ana napau tukon Zibeon natumbu Hewi miano; 3#Tea. 28:9 Basmat, Ismael napau tukon Nebayot utuso pioto. 4Ada suunge Elifas, Basmat suunge Rehuel, 5tukon Oholibama suunge Yeus, Yaelam tukon Korah. Sasaibino dopaudoo sinuung doi lipu Kanaan.
6Doibundu Esau tinggale Yakub tukon taus doi lipu bailon babayo sasaibino kona boloki, napau tukon sasaibino komian moano doi nabonua, polaing tukon sasaibino kona iyayon tukon buat molapamo ilaat doi Kanaan. 7Esau poalaas luwedoi Yakub sabab yanila nabuat todudul badaang tobikon yanila aki namoola podungoli. Koikoidan dolipudoo yanila modungoliyo aki nasukup kokinaan tuuk yanila naiyayon mobadaang. 8Maka Esau mosinombuikon Edom, dungol doi Seir bunggulo.
9Naiyamo Esau nakatulunan, Edom miano nambumbu. 10-13Esau naboloki kosambuno Ada mosuung meeng kopau malaneno, kosambuno Elifas. Tukon Elifas daano lima kona pau-pau malaneno doiyamo: Teman, Omar, Zefo, Gaetam tukon Kenas. Elifas daano kona boloki piala, kosambuno Timna. Yana mosuung pau malaneno kosambuno Amalek.
Esau naboloki kosambuno Basmat mosuung meeng kopau malaneno kosambuno Rehuel. Tukon Rehuel daano kosanggapo kona pau malane doiyamo: Nahat, Zerah, Syama tukon Miza.
14Esau naboloki kosambuno Oholibama, doiyamo Ana napau tukon Zibeon natumbu, mosuung tolu kopau malane, doiyamo: Yeus, Yaelam tukon Korah.
15Naiyamo kobense-benseno kapalano Esau nakatulunan: Elifas, Esau napau langgongo, doiyamo bense-benseno nambumbu naiyamo: Teman, Omar, Zefo, Kenas, Korah, Gaetam tukon Amalek. 16Yanila sasaibino daanoon Ada nakatulunan, Esau naboloki.
17Rehuel, Esau napau, doiyamo bense-benseno nambumbu naiyamo: Nahat, Zerah, Syama tukon Miza. Yanila sasaibino Basmat nakatulunan, Esau naboloki.
18Bense-benseno doi bundu nia daanon Esau nakatulunan luwedoi naboloki kosambuno Oholibama Ana napau, doiyamo: Yeus, Yaelam tukon Korah. 19Sasaibino bensenodoo Esau nakatulunan.
Seir nakatulunan
(1Tund. 1:38-42)
20-21Ko Edom tumbuno tuuno inobos doi bense-benseno Seir nakatulunan, Hori miano. Bense-bensenodoo doiyamo: Lotan, Syobal, Zibeon, Ana, Disyon, Ezer tukon Disyan.
22Lotan doiyamo mbumbu Hori tukon Heman miano. (Lotan daano koutuso moluko, doiyamo Timna.)
23Syobal danoon mbumbu katulunan: Alwan, Manahat, Ebal, Syefo tukon Onam.
24Zibeon daano lua kona pau malaneno, doiyamo Aya tukon Ana. (Ana naiyamo komo pososuunggene kopaisu moonas naluwean doi padang lalomo, doi tempo yana daano modagaiyo kotamano nakeledai-keledai.) 25-26Ana doiyamo Disyon tamano, tukon Disyon nambumbu katulunano: Hemdan, Esyban, Yitran tukon Keran. Ana koidan daano komeeng kona pau moluko, kosambuno Oholibama.
27Ezer nambumbu katulunano: Bilhan, Zaawan, tukon Akan.
28Disyan nambumbu katulunano Us tukon Aran.
29-30Naiyamo ko Hori bense-benseno doi lipu Edom: Lotan, Syobal, Zibeon, Ana, Disyon, Ezer tukon Disyan.
Tomundo-tomundo Edom
(1Tund. 1:43-54)
31-39Akiyoon nadaano kotomundo momaparentah doi Israel, tomundo-tomundo modoi bundu maparenta doi lipu Edom potuu-tuundu:
Bela Beol napau luwedoi Dinhaba.
Yobab Zerah napau luwedoi Bozra.
Husyam luwedoi lipu Teman.
Hadad Bedad napau luwedoi Awit (yanamo komo lungguiyo ko Midian miano doi polobosiyan lalomo doi lipu Moab).
Samla luwedoi Masreka.
Saul luwedoi Rehobot doi paisuno batango bibilo.
Baal-Hanan Akhbor napau.
Hadar luwedoi Pahu (kona boloki kosambuno Mehetabeel, Matret napau tukon Mezahab natumbu).
40-43Esau doiyamo mbumbu bense-benseno Edom modoi bundu nia: Timna, Alwa, Yetet, Oholibama, Ela, Pinon, Kenas, Teman, Mibzar, Magdiel, tukon Iram. Meeng-meeng kobenseno beekene kosambuno doi lipu tampat nadungolan.
Currently Selected:
TEALIAN 36: LAIBGZ
Highlight
Share
Copy
Want to have your highlights saved across all your devices? Sign up or sign in
