1 Sámìɔ̀ 27

Dèɓé ɓà kǝ̀ Félésã́ã̀mɛ̀nù sonsɥ̀

1Dèɓé yà pɵ̀ e zòɔgɥ́, “A lò ga Sɔ́ɔ̀ kɔ̀a zɵ yi do ká wɛ́áká. Wɔ̃́ gbɛ kpã̀ã̀zǝ̀ yaâ n gɔ̀ nyɛ̀ɛ̀ zieá ã́ã̀ dùà ã́ã̀ ló Félésã́ã̀ sɛ̀ gɥ́ɛ làluo. Yàkɔɔ́ɛ Sɔ́ɔ̀ zòɔ gɥ́ lò ga n mɛɛ̀lɛ̀à gbɔɔ Ézrɛ̀ sɛ̀ lɛ̀ sáálɵɛ ɓà, kǝ ã́ã̀ la à gɔ̀.” 2Lɛ̀kɔ̀ɔɛ Dèɓé è gò e pĩã̀ é lo Félésã́ã̀ sɛ̀ gɥ́, wãã̀ gɔ̃ɔ̃̀nù kǝ̃̀ǝ̃ srɔ́àdo wó kǝ̀ à píéɛ ká. Wò lò Ákè, Méɔ̀ gbɵ é kíŋ ká Gáfì pɵ̀ gɥ́ɛ píé. 3É Dèɓé è yà Ákè píé Gáà pɵɵ, ye wãã̀ yaa gɔ̃ɔ̃̀nù é dàa wo píékee mɛ̀nù ɓàɛ̀, ĩ́ĩ́ Dèɓé wãã̀ e bɔúnù pèètɛ wó Àhínòàn gó Zɛ́zríɛ̀, wãã̀ Ábígéè, Nébàa gɛ̃̀ã̀lè, é go Kámà pɵɵɛ ká ɓɛ. 4Lɛ̀ wô bìɛ̀ Sɔ́ɔ̀ lǝ̀ nɛ̀ɛ̀ Dèɓé yà dùà yà ló Gáàɛ̀, yaá à mɛɛ̀ gbɔɔ.

5Lɛ̀kɔ̀ɔɛ Dèɓé yà pɵ Ákè lǝ̀, “Ê kɛ̃̀ɛ̃̀ n wɔ̃̀yî kã̀ ɥ lǝ̀ɛ̀, ɓò yàlɛ̀ nu n lǝ̀ ɓa pɵ nǝ́ do gɥ́ kǝ ã́ã̀ yà má. Mǝ̀kǝ̀ ã́ã̀ yà ɓa kíŋ pɵ̀ và gɥ́ ɥ píé zɵè?” 6Lɵɛ Ákè è pɵnǝ́ wô lɛ̀ Zíklàɛ̀ nùà lǝ̀ yi ɓɛ ká. Àmɔ́ɔ̀wɔ̃̀ɓàɛ̀ Zíklà yà tó Zúdà kíŋnùa pɵ ká é wòa gbɛ̃́ã̀ ɓà. 7Yi é Dèɓé yà kǝ̀ Félésã́ã̀ sɛ̀ gɥ́ɛ é tɔɔ kwɛ̀ do sú yììsiɛ.

8À yi nù ɓɛ káɛ Dèɓé wãã̀ yaa gɔ̃ɔ̃̀nù wò lò waà wã́ã́dɔ Gɛ́sùmɛ̀nù, Gǝ́zìmɛ̀nù, wãã̀ Ámálɛ̀mɛ̀nù é wó kǝ̀ sɛ́ɓɛ à mɛ̀nù ká é goá líe kwɛ̀i, é loá é wòa Sǝ́ǝ̀ lɛ̀ɓà, é yɔ̀ɔ̀ à ká goú Ízè sɛ̀ gɥ́ɛ ɓà. 9Dèɓé yà wã́ã́dɔ sɛ́nù ɓɛ gɥ́ɛ yáá gɔ̃ɔ̃̀ò, leo, à gbɛ tó ɓéì, kǝǝ wò ɓlánù, dùnù, sònù, klaakposònù, wãã̀ sɔnù sɥ̀ wo dè lǝ̀ wó nuá Ákè píé. 10Àyé Ákè yà Dèɓé lɛ̀ɛ̀kpɔ́kǝ nɛ̀ɛ̀, “Ч wã́ã́ nɛ̀ dɔ̀ dɵnù ɓà gbɛ̃́ã̀ɛ̃̀?” Lɵɛ, to Dèɓéà pɵ è wã́ã́ dɔ̀ mɛ̀nù wó Zúdà sɛ̀gɥ́ goúzɛ̃̀ãɛ̃, wãã̀ mɛ̀nù wó Zɛ́rámìmɛ̀nù káɛ, ĩ́ĩ́ mɛ̀nù wó Kɛ́nìmɛ̀nù káɛ wo ɓà. 11Kǝǝ Dèɓé yaá leo, gɔ̃ɔ̃̀ò, à gbɛ tó ɓéì kǝ wɔ̃̀ɔ̃̀ ló nu wɔ̃́tàà ká Gáà, pɵ và gɥ́, wɔ̃̀ɔ̃̀ pǝ Dèɓé wãã̀ yaa gɔ̃ɔ̃̀nù wô kǝlàɛ̀ biɛ̀. Pǝ nɛ̀ɛ̀ é kǝ̀ à wɔ ká kǝ kpɔ̀n ê ɓo Félésã́ã̀ sɛ̀ gɥ́ɛ ká. 12Kǝǝ Ákè èye zòdɔ Dèɓé ɓà, yaà e zòtà nɛ̀ɛ̀, àɓà súósɥ̀ yààkǝ à lɔ̀ yà nyiɛ Ézrɛ̀mɛ̀nù ɓà fɛ́fɛ́lɵ. Àmɔ́ɔ̀wɔ̃̀ɓàɛ̀ è lò yuɔkǝ n ɓà à ɓà kǝ̀ɥsɥ̀ sáálɵɛ ká.

Currently Selected:

1 Sámìɔ̀ 27: DHB

Highlight

Copy