1 Sámìɔ̀ 25
25
Sámìɔ̀ gasɥ̀
1Lɛ̀ Sámìɔ é gaɛ, Ézrɛ̀mɛ̀ sáálɵɛ wò nù wokóà do wó gbɵbɔ à mɔ́ɔ̀wɔ̃̀ɓà, wó à bĩ̀ à dè píékee Wrámà pɵɵ.
Dèɓé wãã̀ Ábígéè
Lɛ̀kɔ̀ɔɛ Dèɓéè wrùù é lo goú yɛ̀igɥ́ lɛ̀ wô lɛ̀ Párànɛ̀ ɓà. 2Gɔ̃ɔ̃̀ do è kǝ̀ Méɔ̀n, àɓà tùɔ̀tòlɛ̀ lɛ̀ è kǝ̀ Kámà. Gɔ̃ɔ̃̀ ɓɛ è kǝ̀ ɓɔ̀uzǝ̀ dèèdè. Ƃlá vù yààka (3,000) wãã̀ ɓò vù do (1,000) wó kǝ̀à gɔ̀. È kǝ̀ yaa ɓlánù ka kã́lɛ̀à Kámà lɛ̀ɓà. 3À tɔ́ tɔɔ Nébà, wó à bɔú lɛ̀ Ábígéè. Le ɓɛ è kǝ̀ le sǝ̀ ká, é wɔ̃́gɥ́ma, kǝǝ àɓà kɔ́dɛn è kǝ̀ gblɔɔzǝ̀, bààmɥ́ɛ è nààsɥ síèsiè. È kǝ̀ Kélɛ̀mi ká.
4Dèɓé yà mà yɛ̀ilà nɛ̀ɛ̀ Nébà è kǝ̀ yaa ɓlánù ka kã́lɛ̀à. 5É Dèɓéè nǝ́gɔ̃ɔ̃̀nù gɔ́ɔ̀do bɔà píé wòa nɛ̀ɛ̀, “Kà ló luo Kámà lɛ̀ɓà, Nébà píé, kâ ɓoyie n tɔ́ gɥ́. 6Kàà pɵàlǝ̀, ‘Zòɔyàgrú è kǝ ɥ gɔ̀, è kǝ ɥ píekee mɛ̀nù gɔ̀, ĩ́ĩ́ ɥ gɔ̀pǝ̀ sáálɵɛ wò ɓɛ̀ɛ̀. 7A mà nɛ̀ɛ̀ ɓa ɓlá kaɓomɛ̀nù wò yuɔpíé. Kǝ ê ɓoɛ ɓa nyákǝ̀ɓláà mɛ̀nù wò kǝ̀ yi píé zɵ, yi ká wɔ̃́ gbéè gbɛ kǝ woká, ĩ́ĩ́ waa pǝ gbɛɛ yaá lɔ̀n kǝ kpɔ̀n wô ɓo Kámàɛ̀ ká. 8Ƃò ɓa nǝ́gɔ̃ɔ̃̀nù ɓɛ wo lɛ̀ɛ̀kpɔ́kǝ, wò lòà biɛ̀ ɥ lǝ̀. Lɛ̀ é pɵ́ɛ gó ma nǝ́gɔ̃ɔ̃̀nù wó nɛ̀ wo wɔ̃̀yí è kã́ ɥ lǝ̀, ɓií yi nù ŋwáà yi ká. A ɓɛ̀à ɥ lǝ̀, pǝ sáálɵ é ɥ gɔ̀ ɓa nɔ̀ànù wãã̀ maá ɥ gbɵ Dèɓé káɛ yi mɔ́ɔ̀wɔ̃̀ã̀ɛ̃̀ ɓòà nu.’”
9Lɛ̀ Dèɓéa nǝ́gɔ̃ɔ̃̀nù ɓɛ wó nuɛ, wó wɔ̃́ nɛ̀ sáálɵɛ bìɛ̀ Nébà lǝ̀ Dèɓé tɔ́ gɥ́. Lɛ̀kɔ̀ɔɛ wó yàà gɔ̀. 10Kǝǝ Nébà yà pɵ Dèɓéa nǝ́gɔ̃ɔ̃̀nù ɓɛɛ lǝ̀, “Dɵ é tɔɔ Dèɓée? Dɵ é tɔɔ Zɛ́sè gbɵè? Nɔ̀à plǝǝ̀zǝ̀ wo dùàlà wo dɛnnù ɓà yi nɛ̀ káɔ́. 11N ká ló ma blɛɛ̀, ma yí wãã̀ ma wɥ â zǝ ma ɓlá kakã́mɛ̀nù lǝ̀ɛ̀ sɥ ã́ã̀ nu gɔ̃ɔ̃̀nù é lɛ̀ wó goàɓàɛ̀ n ká dɔɛ lǝ̀.”
12Lɛ̀ é wè pɵ́ɛ kǝ Dèɓéa gɔ̃ɔ̃̀nù ɓɛ wò lólà wó wɔ̃́ ɓǝ sáálɵɛ bìɛ̀ à lǝ̀. 13Lɛ̀kɔ̀ɔɛ Dèɓé yà pɵ yaa gɔ̃ɔ̃̀nù lǝ̀, “Mɛ do do sáálɵɛ èye tàkũ yaa làà ká!” É wo sáálɵɛ wóo tàkũ waa làà ká. Dèɓé dèe éye tàkũ pɵ́ yaa làà ká. Gɔ̃ɔ̃̀nù wó lo mɔ̀à wɔ̃̀ɔ̃̀ ye mɛ kǝ̃̀ǝ̃ yììsiɛ ɓàɛ̀ wó to Dèɓé píé, é mɛ kǝ̃̀ǝ̃ pèètɛ wó to wo tàà wɔ̃̀ɔ̃̀ wo zòkǝ waa pǝnù píé.
14Kǝǝ Nébàa nǝ́gɔ̃ɔ̃̀nù ɓɛ à do yà pɵ̀ Ábígéè, Nébà bɔú lǝ̀, “Lɛ̀gà, Dèɓéè bɔmɛ̀nù wó go à píé yɛ̀ilàɛ̀ bɔ̀ wó kwa dɛn ɓoyie, é wè wo lǝ̀ɔ̀. 15Kǝǝ gɔ̃ɔ̃̀nù wó ɓɛ wò grúsǝ̀ kǝ̀ yikà dèèdè, é wɔ̃́ gbéè gbɛ yaá kǝ yiká, ĩ́ĩ́ yia pǝ gbɛɛ yaá lɔ̀n lɛ̀ yí kǝ̀ píílàà-lɛ̀nù ɓà, tó yí kǝ̀à ɓolɛ̀à wopíéɛ ká. 16Wò kǝ̀ pɵtróó ká yi zɥ̀tópíé gben wãã̀ lɛ̀póù gɥ́, kǝ kpɔ̀n yî ɓo wo píé nyákǝ̀ɓláà lɛ̀àɛ̀ ká. 17Lɛ̀ é pɵ́ mɔnɛ ɓòà gɥ́dɔ pɵ́ ɥ́ɥ zòtá pǝ ɥ́ loà kǝɛ wɔ̃̀gɥ́. Ƃií wɔ̃́ yaa kɛ̃̀ãkã́sɥ̀ mɥ̀ kwadɛn wãã̀ à píékee mɛ̀ sáálɵɛ gɔ̀, e gà à wɔ lɵ́ ya pɵ́, yáá e tó tó mɛgbɛɛ gɔ̀ ɓǝ!”
18Lɛ̀kɔ̀ɔɛ Ábígéè yà kǝ̀ síèsíè, é blɛɛ̀ kpo kǝ̃̀ǝ̃ pèètɛ, mɥpǝ̀ plùu pèètɛ, wãã̀ ɓlá sɔ́ɔ́lú wô zǝ wô pǝ̀kǝ̀ɛ̀, kpǝ̀ɥ plàɥ̀ ɓɔ̀ɔ và do, gréè kpɛ́á bè kǝ̃̀ǝ̃ do, wãã̀ féè kpo kǝ̃̀ǝ̃ pèètɛ lu ê yà sònù tàà. 19Ê pɵ yaa nǝ́gɔ̃ɔ̃̀nù lǝ̀, “Kà ló n líé, a nu là.” Kǝǝ yaâ biɛ̀ yaa kɔ́dɛn Nébà lǝ̀.
20Lɛ̀ é yà sò tàà é kǝ̀ lólɛ̀à é wò tɔ̃̀gúàɛ̀, e gà Dèɓé wãã̀ yaa gɔ̃ɔ̃̀nù wó yɔ̀ɔ̀ goú à píé, é gbɛ̀ì wo là. 21Kǝɓoɛ Dèɓé yà pɵ̀, “Wɔ̃́dèká a n nyákǝ̀ gɔ̃ɔ̃̀ nɛ̀ àɓà pǝnù sáálɵ é kǝ̀ yɛ̀ilàɛ̀ ɓà, àmɔ́ɔ̀wɔ̃̀ɓàɛ̀ pǝ sáálɵ é kǝ̀à gɔ̀pǝ̀ káɛ à gbɛɛ yaá lɔ̀n, é wɔ̃́sǝ̀ zǝnu n lǝ̀ wɔ̃́ yaa ká ɓǝà. 22Kǝ lɛ̀ nyɛ̀ɛ̀ kɔ̀ pósɥ̀à lɛ̀àlíéɛ kɵ́ àɓà gɔ̃ɔ̃̀ nù wô gɔ̀ɛ̀ à do wɛ́á yà laɛ, gó Aaɓi è wɔ̃́gbéè kǝ n ká ĩ́ĩ́ yà tàkpɔ́ dààpíé!”
23Lɛ̀ Ábígéè yà Dèɓé yeɛ, yàkǝ̀ síèsíè, é go sò tàà é pɥ̀ɵ̀ e wɥǝ là Dèɓé pɛá, é gblɥ̃̀à lǝ̀. 24È pɥ̀ɵ̀ à gɛ̃̀ĩ ê pɵ, “Gó wɔ̃́ ɓǝ sáálɵɛ è ló n do n tuo. A ɓɛ̀à ɥ lǝ̀, ɓò ɥ tótó n gɔ̀, ɥ́ wɔ̃́ á loà biɛ̀ɛ̀ ma. 25Kɵ́kǝ̀ n dɛn, ɥ́ lɛ̀gà wɔ̀ yaa mɛ̀, Nébà wɔ là! Ƃií à tɔ́ dè ê kǝlà ɓǝ. À tɔ́ tɔɔ Nébà, è bɔ̃́ɔ̃̀wɔ̃̀ kǝ̀ teelɵ. Kǝǝ ma á ɓa nɔ̀àlè káɛ n ká ɓa nǝ́gɔ̃ɔ̃̀nù ɥ́ wo bɔ ɓɛɛ ye. 26Lɛ̀ é pɵ́ mɔnɛ, n dɛn, lɛ̀ Aaɓi lɵ́ ɓéì, é ɥ nii lɵ́ ɓéìɛ̀, ye gà Yàwɛ è ɥ kũsɛa kɵ́kǝ̀ ɥ́ nu fɛí wrò ĩ́ĩ́ kɵ́kǝ̀ ɥ́ nu wɔ̃́ dɛ̀idà ɥ dè kɔ̀ ká ɓǝ. Gó ɥ dǝgbɵ nù wãã̀ mɛnù wô mɛɛ̀là kǝ wɔ̃̀ɔ̃̀ wɔ̃́ yaa kǝ n dɛn, ɥ káɛ wò kró è ɓo nɛ̀zɛ̃ã é lo kǝá Nébà káɛ lɵ́. 27Mɔnɛ gó gbàapǝ̀nù á nuá ɥ lǝ̀ɛ̀ ɥ̂ nu ɓa nǝ́gɔ̃ɔ̃̀nù wó tólà ɥ píéɛ lǝ̀. 28Ƃɛà á ɓo ɥ lǝ̀, ɓò zie ma kǝpǝ̀yaa là. Yàwɛ ɓɛɛ è lò ɥ kǝ kíŋ ká, wãã̀ ɥ dùnnù ká pɵ́, ɓií é tɔɔ ɥ kónù zǝlà Yàwɛ ɓɛɛ lǝ̀, ĩ́ĩ́ ɥ ká ló kǝpǝ̀yaa kǝ ɥ ɓà kǝ̀àgɥ́ yì kpɔ̀n ká. 29Àyé ɥ dǝgbɵnù wà wruù ɥ gɔ̀ wɔ̃̀ɔ̃̀ ɥ kǝɛ, ĩ́ĩ́ wã̀ã̀ mɛɛ̀ wɔ̃̀ɔ̃̀ ɥ zǝɛ, Yàwɛ ɓa Aaɓi lò e zòkǝ ɥ píé nɛ̀ɛ̀ mɛ̀ éye zòkǝ̀ kpɔ̀sɛapǝ̀ ɓlɛ̀vààzǝ̀ píéɛ lɵ́. Kǝǝ è lò ɥ dǝgbɵnù nii zon nɛ̀zɛ̃ã wó dɵ̀ɵ̀gɥ́ gùǝ̀ zonlàà káɛ lɵ́. 30Àyé Yàwɛ yà wɔ̃́sǝ̀ kǝ ɥ lǝ̀ nɛ̀zɛ̃ã ê bìɛ̀a é gbã̀ã ɥ ɓàɛ̀ lɵ́, yà ɥ sɥ́ kíŋ ká Ézrɛ̀ sɛ̀ làɛ̀, 31yàkɔɔ́ɛ pǝgbɛ káló ɥ zòɔ tozrɥɵ gbɔɔ, ĩ́ĩ́ zòtále kpɵ yaá ló ɥ kũ gbɔɔ nɛ̀ɛ̀ ɥ fɛì wrò wɛ́á, ĩ́ĩ́ nɛ̀ɛ̀ ɥɥ dè gbɔ̀ɓò. Àyé Aaɓi ya lúàkpɔ́ ɥ ɓàɛ̀, gó ɥ zò è bɥ̀ɵ̀ n mɔ́ɔ̀wɔ̃̀ ká.”
32Lɛ̀kɔ̀ɔɛ Dèɓé yà pɵ Ábígéè lǝ̀, “Gó lúà è kpɔ́ Yàwɛ é Ézrɛ̀a Aaɓi ká, yé ɥ bɔ gbɛ̃́ã̀ yì nɛ̀ ká kɔ̃́ɔ̃̀ ko kóyeɛ ɓà! 33Lúà è kpɔ́ ɓa zrɔ̀àkpàà ɓà, è kpɔ́ ɓi ɥ́ n kũsɛa kɵ́kǝ̀ á nu mɛ fɛí wrò ĩ́ĩ́ kɵ́kǝ̀ a nu n dè gbɔ̀ɓoɛ ɥ ɓà! 34Wɛ́ákũɛ̃ lɛ̀ Yàwɛ Ézrɛ̀a Aaɓi lɵ́ ɓéìɛ̀, é n kũsɛa kɵ́kǝ̀ á nu pǝlíè kǝ ɥ gɔ̀, é toápɵ́ ɥ́ wɔ̃́ kǝ̀ síèsíè ɥ́ nu ɥ́ gbɛ̀ìa n là, wɔ̃́dèká è tòɛ kǝ lɛ̀àlíélɛ̀ nyɛ̀ɛ̀ dɔɛ gɔ̃ɔ̃̀ gbɛ kã́ã̀ toɓéì Nébà píékee.” 35Lɛ̀kɔ̀ɔɛ pǝnù é nuáɛ Dèɓé èye kɔ̀kpɔà gɔ̀, ê pɵ à lǝ̀, “Ƃò ló luo ɥ píékee zòɔyàgrú ká lɛ̀ má n tótó ɥ wò ɓà, má ɓa ɓɛàwò maɛ ká.”
36Lɛ̀ yà kɔɔ́ɛ Ábígéè è nu Nébà píé, kǝ è ŋwáà kpɔ́là e píékee, nɛ̀ɛ̀ kíŋa ŋwáà lɵ́. Nébà è kǝ̀ grúli kǝlɛ̀à dèèdè ɓií luo yà zie à gɥ́. Lɛ̀ é kǝ̀ pɵ́ɛ yaá wɔ̃́ gbɛ biɛ̀ à lǝ̀ é toápɵ́ lɛ̀poá lɛ̀àlíé. 37Lɛ̀ luo yà gó Nébà là lɛ̀àlíéɛ à bɔú è wɔ̃́nù nɛ̀ bìɛ̀ à lǝ̀, é zòɔkǝ yà ɓo, é kplɔ̀ fɛ́fɛ́lɵ. 38Lɛ̀ lɛ̀kpààyì gɔ́ɔ̀do yà zieɛ Yàwɛ yà nii kũ à gɔ̀.
39Lɛ̀ Dèɓé yà ma nɛ̀ɛ̀ Nébà yà gaɛ, ê pɵ, “Lúàkpɔ́ sɥ̀mɥ̀ Yàwɛ ɓà n gbɔ̀ ê ɓo Nébà ɓà sí ê ɓo n gɔ̀ɛ̀ mɔ́ɔ̀wɔ̃̀ã̀ɛ̃̀ ká, yà yaa nɔ̀à kṹsɛa kǝpǝ̀yaa ɓà. Yàwɛ yà Nébàa kǝpǝ̀yaa gblɥn à dè gɔ̀à.”
Lɛ̀kɔ̀ɔɛ Dèɓé èye wò bɔ Ábígéè píé kǝ nyàà sɥ́ e bɔú ká. 40Lɛ̀ Dèɓéa yuɔkǝmɛ̀nù wó nu Ábígéè píé Kámàɛ̀, wô pɵ à lǝ̀, “Dèɓé yà yi bɔ ɥ píé nyín ló ɥ ká ɥ́n kǝ à bɔú ká.”
41Lɛ̀kɔ̀ɔɛ é gblɥn sɛa éye kpòn pàsɛ́á, ê pɵ, “Lɛ̀gà, má kǝ yuɔkǝmɛ̀ é lo n dɛn, ɓa yuɔkǝmɛ̀nù gɛ̃̀zruɛ ká.” 42Ábígéè è wrùù zálɵ é ya sofã̀ã tàà, wãã̀ nǝ́lonzǝ̀ sɔ́ɔ́lú wóo zòkǝlàà píéɛ wó lo, wãã̀ Dèɓéa bɔmɛ̀nù ɓɛɛ ká, é kǝ̀ gbɔɔ Dèɓé bɔú ká.
43Zɥ́ɛ Dèɓé è Àhínòàn é go Zɛ́zrìɛ̀ɛ̀ sɥ̀, é wo pèètɛ wó kǝ̀ à bɔúnù ká. 44Lɛ̀ é kǝàpɵ́ɛ kǝ Sɔ́ɔ̀ yà e lú Mákà é Dèɓé bɔú káɛ nu Páátè Láè gbɵ é go Gàlínɛ̀ lǝ̀.
Currently Selected:
1 Sámìɔ̀ 25: DHB
Highlight
Share
Copy
Want to have your highlights saved across all your devices? Sign up or sign in
