1 Sámìɔ̀ 24
24
Dèɓé è Sɔ́ɔ̀ gɔ̀ là
1Lɛ̀ Sɔ́ɔ̀ yà gó Félésã́ã̀ mɛ̀nù kǝlɛ̀àɛ̀ é wô bìɛ̀ à lǝ̀ nɛ̀ɛ̀ Dèɓé è Ɛ̀ngédì Yɛ̀igɥ́. 2Lɛ̀kɔ̀ɔɛ Sɔ́ɔ̀ è kózǝmɛ̀ kpã̀ã̀zǝ̀ wó Ézrɛ̀ɛ̀ wo vù yààka (3,000) sɥ, wãã̀nù wó lo Dèɓé wãã̀ yaa gɔ̃ɔ̃̀nù mɛɛ̀lɛ̀à Blɥ́ɓònùa Gùǝ̀kponù ɓɛ líé. 3É Sɔ́ɔ̀ è gbɛ̀ì ɓlá glànù là zɛ̃ãpíé, lɛ̀ ɓɛ ɓàɛ̀ gùǝ̀dù è kǝ̀ mɥ́. Sɔ́ɔ̀ è loà gɥ́ nyɛ̀ɛ̀ màblɥ́à kǝ. Lɛ̀ do ɓɛ Dèɓé wãã̀ yaa gɔ̃ɔ̃̀nù wó kǝ̀à, à gɥ́ lɛ̀dèà. 4Lɛ̀kɔ̀ɔɛ Dèɓéa gɔ̃ɔ̃̀nù wô pɵ à lǝ̀, “Ƃa yi é nɛ̀! Yàwɛa mɔ́ɔ̀wɔ̃̀ bìɛ̀ ɥ lǝ̀ nɛ̀ɛ̀ è lò ɥ dǝgbɵ dɔ ɥ kwɛ, kǝ pǝ sáálɵ é lì ɥ lǝ̀ɛ̀ ɥ́n kǝ à ká.” Dèɓé è wrùù é lo srǝ̀ǝ̀ srǝ̀ǝ̀lɵ é Sɔ́ɔ̀a sɔlàsɔ̀ pɛ̃́ pǝtéé kã̀ é Sɔ́ɔ̀ yaâ gɥ́dɔ. 5Lɛ̀ à lɛ̀ yà kǝ zɔ̃́ɔ̃́lɵɛ Dèɓé zòɔ è zadɔ̀ àɓà Sɔ́ɔ̀a sɔpɛ̃́ kã́ ê ɓoɛ mɔ́ɔ̀wɔ̃̀ɓà. 6Ê pɵ yaa gɔ̃ɔ̃̀nù lǝ̀, “Kɵ́kǝ̀ Yàwɛ è wèà kǝ ã́ã̀ wɔ̃́ nǝ̀ǝɛ kǝ n dɛn é Yàwɛa nyɔ́wròàtuo mɛ̀ káɛ gɔ̀! N ká ló n kɔ̀ yà àɓà, ɓií è Yàwɛa nyɔ́wròàtuo mɛ̀ ká.” 7Dèɓéè mááɓò yaa gɔ̃ɔ̃̀nù píé wò nù nɛ̀ ká é yaá wéàɓà kǝ wɔ̃̀ɔ̃̀ pǝgbéè kǝ Sɔ́ɔ̀ ká.
É Sɔ́ɔ̀ è wrùù é ye plan é go gùǝ̀dùɓɛ gɥ́ é yaa lóɓo. 8Lɛ̀ à lɛ̀ yà e ɓlɵ́ kǝ zɔ̃́ɔ̃́lɵɛ Dèɓé dèe é go gùǝ̀dù ɓɛ gɥ́ pɵ́ é ye plan é Sɔ́ɔ̀ lɔ̀ɔ̀kǝ̀, “N dɛn ma kíŋ!” Lɛ̀ Sɔ́ɔ̀ è lɛ̀gà e tààɛ̀, Dèɓéè gblɥ̃̀à lǝ̀ éye kpòn pàsɛ́á, é ɓlɛ̀kpɔ́le nuàlǝ̀. 9É Dèɓéà pɵ Sɔ́ɔ̀ lǝ̀, “Mǝ̀kǝ̀ ɥ́ɥ tótólà gɔ̃ɔ̃̀nù wô pɵlà aà mɛɛ̀là kǝ ã́ã̀ pǝlíè kǝ ɥ gɔ̀ɛ̀ wò ɓà nɛ̀? 10Lɛ̀gà zɵ, gbɛ̃́ã̀ yì nɛ̀ káɛ Yàwɛ è ɥ dɔ̀ n kwɛ gùǝ̀dù ɓɛ gɥ́, é mɛnù wô pɵ n lǝ̀ á ɥ zǝ. Kǝǝ â pɵ̀ n ká ló n kɔ̀yà ɥ ɓà ɓií Yàwɛa nyɔ́wròàtuo mɛ̀ mɥ̀ ɥ ká, á ɥ gɔ̀la. 11N dǝ, lɛ̀gà zɵ, ɓa sɔlàsɔ̀ pɛ̃́ é nɛ̀ ɓòàye. Wɔ̃́dè bìɛ̀sɥ̀ gɥ́ɛ lɛ̀ á ɓa sɔlàsɔ̀ pɛ̃́ kã̀ wɛ́á, n ká ɥ zǝɛ, kǝ ɓòà gɥ́dɔ nɛ̀ɛ̀ wɔ̃́ yaa wãã̀ dɔ̀ ɥ gɔ̀ nyǝ́nsɥ̀ gbɛɛ kâ n niilà. N ká sɔ̀nyaa gbɛɛ kǝ ɥ gɔ̀, kɵ́dèe ɥ n blɥ̀kǝlà ɥ́n n zǝɛ ká. 12Gó Yàwɛ ɓɛɛ è zadɔ kɔ̃ɔ̃̀ ko son, ĩ́ĩ́ gó Yàwɛ è n gbɔ̀ɓo ɥ ɓà, kǝǝ n kɔ̀ gbɛ yaá ló pa ɥ ká. 13Pĩ̀ɛ̃̀ bɔmɛ̀ yà pɵ̀ kwɛ̀i wòa nɛ̀ɛ̀, ‘Yàkǝɛ kǝpǝ̀yaa kǝ mɛ̀nù wó kǝpǝ̀yaa kǝ̀.’ Àmɔ́ɔ̀wɔ̃̀gɥ́ɛ n kɔ̀ yaá ló pa ɥ ká. 14Kà pǝ é Ézrɛ̀ kíŋ lɵ̂ mɛɛ̀là nyàà zǝɛ gà! Kà pǝ ê kǝlà blàaɛ ye! Ч tò gbɛ̃ gaɥ̀ píé! Ч́ to klàa wɛ́á píé! 15Àmɔ́ɔ̀wɔ̃̀ɓɛɛ gó Yàwɛ ɓɛɛ è zadɔ, yà kã́ kɔ̃ɔ̃̀ ko son, ĩ́ĩ́ nyɛ̀ɛ̀ n tàkɔɔ̀, nyɛ̀ɛ̀ n gɔ̀la ɥ gɔ̀.”
16Lɛ̀ Dèɓé yà nyiɛ wò nù nɛ̀ɛ̀ pɵsɥ̀à Sɔ́ɔ̀ lǝ̀ɛ̀, Sɔ́ɔ̀à pɵ, “Ƃidè ɥ́ wè ɓǝà, n gbɵ Dèɓé?” É Sɔ́ɔ̀ èye wò sɥlúú é gbɵbɔ. 17Ê pɵ Dèɓé lǝ̀, “Ч kpenlɵ ɥ́ zìèa n là, ɓií ɓá n kɔ̀ɔ̀ nu wɔ̃́sǝ̀ ká, kǝǝ mazǝ̀ má ɥ kɔ̀ɔ̀ nu kǝpǝ̀yaa ká. 18Wɔ̃́ ɥ́ bìɛ̀ gbɛ̃́ã̀ nɛ̀, wɔ sǝ̀ ɥ́ ɓo n ká ɓǝ, é tɔɔ ɥ ká n zǝ lɛ̀ Yàwɛ è n dɔ ɥ kwɛɛ ká. 19Ƃií àyé mɛ dǝgbɵ yà dɔ à gɔ̀ sǝ̀ɛ̀, è lò e kwaà à zɥ̀ nyɛ̀ɛ̀ ló wɛ́áa? Gó Yàwɛ ɓɛɛ è ɥ kɔ̀ɔ̀ nu pǝ kpã̀ã̀zǝ̀ ká, wɔ̃́ ɥ́ kǝ̀ n gɔ̀ gbɛ̃́ã̀ɛ̃̀ mɔ́ɔ̀wɔ̃̀ɓà! 20Gbɔɔɛ yà ga n gɥ́ dèèdè nɛ̀ɛ̀ ɥ lò kǝ Ézrɛ̀a kíŋ ká, é ɓa kíŋsɛ̀ gɛ̃̀ lo kǝ gbàn. 21Àmɔ́ɔ̀wɔ̃̀gɥ́ɛ ɓò ɥ wòɓɵ̀ n lǝ̀ Yàwɛ tɔ́á nɛ̀ɛ̀ ɥ ká ló n dùnnù tɛ̃́ɛ̃́ wron àyé má gaɛ ká, ĩ́ĩ́ n tɔ́ ká ló go n dǝ píékee.” 22Lɛ̀kɔ̀ɔɛ Dèɓé èye wòɓɵ Sɔ́ɔ̀ lǝ̀.
Lɛ̀ yà kɔɔ́ɛ Sɔ́ɔ̀ è lo e plɵ̀ɵ̀, kǝǝ Dèɓé wãã̀ yaa gɔ̃ɔ̃̀nù wò lò luo wo bĩ̀lɛ̀ɓà.
Currently Selected:
1 Sámìɔ̀ 24: DHB
Highlight
Share
Copy
Want to have your highlights saved across all your devices? Sign up or sign in
